Sarybas aralar dep atalatyn Gavaı aralary AQSh-ta quryp bara jatqan túrlerdiń federaldyq tizimine qosyldy. Bul týraly BBC News habarlady.
Tabıǵat qorǵaý uıymdary sarybas aralardyń joǵalýyna sebepshi faktorlar retinde ómir súrý ortasynyń tarylýyn, orman órtterin jáne bóten jándikter men ósimdikterdiń kóbeıýin ataıdy.
Bul aralardyń aıryqsha mańyzdylyǵy, olar Gavaı araldaryndaǵy keıbir quryp bara jatqan ósimdikterdi tozańdandyrady.
Tabıǵatty qorǵaýmen aınalysatyn Xerces Society uıymynyń birneshe jyl boıy júrgizgen zertteýleri negizinde sarybas aralardyń 7 túri quryp bara jatqan túrler qataryna kirgizilip otyr. Uıym jetekshileriniń biri Sarına Djepsonanyń aıtýynsha, álemniń ózge bólikterinen sarybas aralardy kezdestirýge bolady. Alaıda, qazir Gavaı araldarynyń sarybas aralary qorǵaýǵa alynyp otyr. О́ıtkeni, mana aıtylǵandaı olar mundaǵy keıbir ósimdik túrlerin quryp ketýden saqtaıdy. Ol ósimdikterdi aralardyń basqa túrleri de tozańdandyra alady. Áıtse de, sarybas aralar joǵalǵan jaǵdaıda ol ósimdikter joıylady.
Djepsonanyń aıtýyna qaraǵanda, sarybas aralarǵa jabaıy shoshqalar men shybyndardyń keıbir basqynshy túrleri qaýip tóndirýde.
Sarybas aralardy quryp bara jatqan túrler tizimine kirgizýge 10 jyldyq zertteý jumystary qajet bolǵan.