Qazaqstan Respýblıkasy Úkimetiniń qaýlysy №564

2016 jylǵy  1 qazan,  Astana, Úkimet Úıi «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalaryn bekitý jáne «Bolashaq» halyqaralyq stıpendııasyn jumsaý baǵyttaryn aıqyndaý týraly» Qazaqstan Respýblıkasy Úkimetiniń 2008 jylǵy 11 maýsymdaǵy №573 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵı­dalaryn bekitý jáne «Bolashaq» halyqaralyq stıpendııasyn jumsaý baǵyttaryn aıqyndaý týraly» Qazaqstan Respýblıkasy Úkimetiniń 2008 jylǵy 11 maýsymdaǵy №573 qaýlysyna (Qazaqstan Respýblıkasynyń PÚAJ-y, 2008 j., №30, 297-qujat) mynadaı ózgerister men tolyqtyrýlar engizilsin: kórsetilgen qaýlymen bekitilgen «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalarynda: 2-tarmaqtyń 1) tarmaqshasy mynadaı redaksııada jazylsyn: «1) «Bolashaq» halyqaralyq stıpendııasy (budan ári – «Bolashaq» stıpendııasy) – Qazaqstan Respýblıkasy azamattarynyń sheteldik jetekshi joǵary oqý oryndarynda kúndizgi oqý nysany boıynsha oqýy nemese sanattaryn Shetelderde kadrlar daıarlaý jónindegi respýblıkalyq komıssııa aıqyndaıtyn jumyskerlerdiń sheteldik uıymdarda taǵylymdamadan ótýi úshin Qazaqstan Respýblıkasynyń Prezıdenti taǵaıyndaıtyn stıpendııa;»; 2-tarmaq mynadaı mazmundaǵy 5-1), 5-2),    5-3) tarmaqshalarmen tolyqtyrylsyn: «5-1) ǵylymı-pedagog qyzmetkerler – ǵylymı uıymda, joǵary oqý ornynda nemese uıymnyń ǵylymı bólimshesinde jumys isteıtin, joǵary bilimi bar, ǵylymı jáne (nemese) ǵylymı-tehnıkalyq qyzmet nátıjesine qol jetkizetin jáne ony iske asyratyn ne bilim berý uıymdarynda, sondaı-aq bilim berý baǵdarlamalaryn iske asyratyn basqa da uıymdarda bilim alýshylar men tárbıelenýshilerdi oqytýǵa jáne tárbıeleýge baılanysty bilim berý qyzmetimen aınalysatyn jeke tulǵalar; 5-2) mádenıet qyzmetkerleri, shyǵarmashyl qyzmetkerler – kásibı qyzmeti mádenı qun­dylyqtardy saqtaýmen, damytýmen, taratýmen, paıdalanýmen jáne olarǵa azamattardy baýlýmen baılanysty bolatyn, kásibı nemese áýesqoı shyǵarmashylyq qyzmeti kórkem qundylyqtar jasaýǵa, ádebıet pen óner týyndylaryn oryn­daýǵa nemese túrlendirýge (tárjimalaýǵa) baǵyt­talǵan jeke tulǵalar; 5-3) buqaralyq aqparat quraldary redak­sııasynyń qyzmetkerleri – buqaralyq aqparat quralyna materıaldar jınaýdy, daıyndaýdy jáne shyǵarýdy júzege asyratyn zańdy tulǵanyń qurylymdyq bólimshesi bolyp tabylatyn shyǵarmashylyq ujymnyń qyzmetkerleri bolyp tabylatyn jeke tulǵalar;»; 4-tarmaqtyń 1) tarmaqshasy mynadaı redaksııada jazylsyn: «1) akademııalyq oqýǵa óz betinshe túsken nemese Tizimge engizilgen sheteldik jetekshi joǵary oqý oryndarynda oqıtyn magıstr, fılosofııa doktory (PhD), beıin boıynsha doktor dárejesin alýǵa, rezıdentýrada oqýǵa úmitkerler (budan ári – óz betinshe túskender sanaty);»; 9 jáne 10-tarmaqtar mynadaı redaksııada jazylsyn: «9. Magıstr dárejesin alý úshin «Bolashaq» halyqaralyq stıpendııasyn taǵaıyndaýǵa úmitkerlerdiń qujattaryn qabyldaý tártibi. Magıstr dárejesin alý úshin konkýrsqa qatysýǵa óz betinshe túskender, memlekettik qyzmetshiler, ǵylymı-pedagog qyzmetkerler, ınjenerlik-tehnıkalyq qyzmetkerler, mádenıet qyzmetkerleri, shyǵarmashyl qyzmetkerler, buqaralyq aqparat quraldary redaksııasynyń qyzmetkerleri sanattary boıynsha qatysatyn úmitkerler jiberiledi. Magıstr dárejesin alý úshin úmitkerlerdiń konkýrsqa qatysý sharttary mynalar: 1) óz betinshe túskender sanaty boıynsha qatysatyn úmitkerler úshin: Tizimge qosylǵan sheteldik jetekshi joǵary oqý oryndarynda akademııalyq baǵdarlamalarda oqıtyndar, – oqýynyń barlyq kezeńindegi úlgeriminiń ortasha balynyń Tizimge qosylǵan sheteldik jetekshi joǵary oqý oryndarynda belgilengen baǵalaý júıesine sáıkes keminde «jaqsy» baǵasyna sáıkes kelýi; akademııalyq oqýǵa túskender – bakalavr nemese maman dıplomynyń ortasha baly­nyń keminde 3.0 (4.0/4.33-ten) GRA balyna nemese Jumys organy bekitken «Bolashaq» halyqaralyq stıpendııasyn taǵaıyndaý úshin baǵalar balamalyǵy kestesine (budan ári – baǵalar balamalyǵy kestesi) sáıkes onyń balamasyna sáıkes kelýi; 2) memlekettik qyzmetshiler, ǵylymı-pedagog qyzmetkerler, ınjenerlik- tehnıkalyq qyzmetkerler, buqaralyq aqparat quraldary redaksııasynyń qyzmetkerleri sanattary bo­ıynsha qatysatyn úmitkerler úshin – bakalavr nemese maman dıplomynyń ortasha balynyń keminde 3.0 (4.0/4.33-ten) GRA balyna nemese baǵalar balamalyǵy kestesine sáıkes onyń ba­lamasyna sáıkes kelýi jáne Jumys organy bekitken «Bolashaq» halyqaralyq stıpendııasy sheńberinde shetelde oqý úshin mándes mamandyqtar tizbesine (budan ári – mándes mamandyqtar tizbesi) sáıkes shetelde oqý úshin tańdalǵan mamandyǵynyń osy dıplom boıynsha mamandyǵyna sáıkes kelýi; 3) mádenıet qyzmetkerleri, shyǵarmashyl qyzmetkerler sanattary boıynsha qatysatyn úmitkerler úshin – bakalavr nemese maman dıplomynyń ortasha balynyń keminde 3.0 (4.0/4.33-ten) GRA balyna nemese baǵalar balamalyǵy kestesine sáıkes onyń balamasyna sáıkes kelýi bolyp tabylady. 10. Osy Qaǵıdalardyń 9-tarmaǵynda kór­setilgen úmitkerler konkýrsqa qatysý úshin qujattardy qabyldaýdyń belgilengen merzimi ishinde Ákimshige mynadaı qujattardy: 1) jumys berýshiniń konkýrsqa memlekettik qyzmetshiler, ǵylymı- pedagog qyzmetkerler, ınjenerlik-tehnıkalyq qyzmetkerler, mádenıet qyzmetkerleri, shyǵarmashyl qyzmetkerler, buqaralyq aqparat quraldary redaksııasynyń qyzmetkerleri sanattary boıynsha qatysatyn úmitkerler úshin Jumys organy bekitetin nysan boıynsha jumys ornyn saqtaý shartymen maman daıarlaýǵa ótinimin; 2) jeke kýáliktiń jáne pasporttyń túp­nusqalary men kóshirmelerin (túpnusqa­lar salystyrylǵannan keıin úmitkerge qaı­tarylady); 3) qosymshasymen birge bakalavr nemese maman dıplomynyń túpnusqasy men kóshirmesin, sondaı-aq sheteldik bilim berý uıymynda oqyǵan bolsa – bilimi týraly qujatty taný jáne/nemese nostrıfıkasııalaý týraly kýáliktiń túpnusqasyn jáne kóshirmesin ne Zańnyń 39-babynyń 8-tarmaǵynda belgilengen erekshelikterdi eskere otyryp, bilimi týraly qujatty taný týraly ózge de qujatty (túp­nusqalar salystyrǵannan keıin úmitkerge qaıtarylady); 4) osy Qaǵıdalardyń 4-tarmaǵynyń 1) tarmaqshasynda kórsetilgen tulǵalardy qospaǵanda, osy Qaǵıdalarǵa sáıkes eńbek qyz­meti kezeńderi úshin talap etiletin eńbek qyzmetin rastaıtyn qujattar, sondaı-aq aý­darylǵan mindetti zeınetaqy jarnalary týraly úzindi kóshirmelerdiń túpnusqalary men kóshirmelerin (túpnusqalar salystyrǵannan keıin úmitkerge qaıtarylady); 5) tańdap alǵan mamandyǵynyń/zertteý taqyrybynyń jáne oqý eliniń negizdemesi kórsetilgen jeke kózqarastar men pikirler sýrettelgen erkin nysandaǵy ýájdemelik hatty; 6) shetelge shyǵatyn adamdar úshin densaýlyq  saqtaý salasyndaǵy ýákiletti organ belgilegen nysan boıynsha densaýlyq jaǵdaıy týraly medısınalyq anyqtamany; 7) Jumys organy bekitetin nysan boıynsha toltyrylǵan saýalnamany; 8) bar bolǵan jaǵdaıda, Jumys organy bekitken belgilengen eń tómengi talaptarǵa sáıkes nátıjesi bar shet tili boıynsha emtıhan tapsyrǵany týraly belgilengen nysandaǵy jaramdy resmı sertıfıkattyń túpnusqasyn jáne kóshirmesin (túpnusqa salystyrǵannan keıin úmitkerge qaıtarylady); 9) bar bolǵan jaǵdaıda, Jumys organy bekitken belgilengen eń tómengi talaptarǵa sáıkes nátıjesi bar memlekettik til boıynsha emtıhan tapsyrǵany týraly belgilengen nysandaǵy jaramdy resmı sertıfıkattyń túpnusqasyn jáne kóshirmesin (túpnusqa salystyrǵannan keıin úmitkerge qaıtarylady); 10) eger úmitker jeke ózi qujattaryn tapsyra almaǵan jaǵdaıda, ókiline notarıaldy kýálandyrylǵan senimhatty; 11) óz betimen túskender sanaty boıynsha qatysatyn adamdar oqý baǵdarlamasy, mamandyǵy jáne oqý kezeńi kórsetilgen aka­demııalyq oqýǵa sózsiz qabyldanǵanyn rastaıtyn qujattardyń kóshirmelerin (qarjylyq sharttardy qospaǵanda) jáne ol bolǵan jaǵdaıda, memlekettik nemese orys tilderine notarıaldy kýálandyrylǵan aýdarmasy bar sheteldik joǵary oqý orny bergen úlgerimi týraly resmı qujatty/mamandyǵyn, kýrsyn (oqý jylyn), oqý nysanyn, osy oqý ornynda paıdalanylatyn baǵalaý júıesi týraly aqparatty, sondaı-aq osy oqý ornyndaǵy aǵymdaǵy úlgeriminiń ortasha balyn kórsetetin belgilengen úlgidegi anyqtamany; 12) mádenıet qyzmetkerleri, shyǵarmashyl qyzmetkerler sanaty boıynsha qatysatyn adamdar oqý baǵdarlamasy, mamandyǵy men kezeńi kórsetilgen akademııalyq oqýǵa (qarjylyq sharttardy jáne shet tilinen bilimin talap etiletin deńgeıge deıin arttyrý boıynsha sharttardy qospaǵanda) sózsiz qabyldanǵanyn rastaıtyn qujattardyń kóshirmelerin jáne ol bolǵan jaǵdaıda, memlekettik nemese orys tilderine notarıaldy kýálandyrylǵan aýdarmalary bar sheteldik joǵary oqý orny bergen úlgerimi týraly resmı qujatty/mamandyǵyn, kýrsyn (oqý jylyn), oqý nysanyn, osy oqý ornynda paıdalanylatyn baǵalaý júıesi týraly aqparatty, sondaı-aq osy oqý ornyndaǵy aǵymdaǵy úlgeriminiń ortasha balyn kórsetetin belgilengen úlgidegi anyqtamany usynady.»; mynadaı mazmundaǵy 10-1, 10-2, 10-3, 10-4-tarmaqtarmen tolyqtyrylsyn: «10-1. Fılosofııa doktory (PhD), beıin boıynsha doktor dárejesin alý, rezıdentýrada oqý úshin «Bolashaq» halyqaralyq stıpendııasyn taǵaıyndaýǵa úmitkerlerdiń qujattaryn qabyldaý tártibi. Fılosofııa doktory (PhD), beıin boıynsha doktor dárejesin alý, rezıdentýrada oqý úshin konkýrsqa qatysýǵa óz betimen túskender sanaty boıynsha qatysatyn úmitkerler, onyń ishinde memlekettik qyzmetshiler, ǵylymı ne pedagog qyzmetkerler arasynan fılosofııa doktory (PhD), beıin boıynsha doktor dárejesin alý úshin adamdar jiberiledi. 10-2. Fılosofııa doktory (PhD), beıin bo­ıynsha doktor dárejesin alý, rezıdentýrada oqý úshin úmitkerlerdiń konkýrsqa qatysý sharttary mynalar: Tizimge qosylǵan sheteldik jetekshi joǵary oqý oryndarynda akademııalyq baǵdarlamalarda oqıtyndar – oqýynyń barlyq kezeńindegi úlgeriminiń ortasha balynyń Tizimge qosylǵan sheteldik jetekshi joǵary oqý oryndarynda belgilengen baǵalaý júıesine sáıkes keminde «jaqsy» baǵasyna sáıkes kelýi; akademııalyq oqýǵa túskender – bakalavr nemese maman dıplomynyń ortasha baly­nyń keminde 3.0 (4.0/4.33-ten) GRA balyna nemese Jumys organy bekitken «Bolashaq» ha­lyqaralyq stıpendııasyn taǵaıyndaý úshin baǵalar balamalyǵy kestesine (budan ári – baǵalar balamalyǵy kestesi) sáıkes onyń balamasyna sáıkes kelýi bolyp tabylady. 10-3. Osy Qaǵıdalardyń 10-1-tarmaǵynda kórsetilgen úmitkerler konkýrsqa qatysý úshin qujattardy qabyldaýdyń belgilengen merzimi ishinde Ákimshige mynadaı qujattardy: 1) jumys berýshiniń konkýrsqa memlekettik qyzmetshiler, ǵylymı ne pedagog qyzmetkerler qatarynan fılosofııa doktory (PhD), beıin boıynsha doktor dárejesin alý úshin óz be­tinshe túskender sanaty boıynsha qatysatyn úmit­kerler úshin Jumys organy bekitetin nysan boıynsha jumys ornyn saqtaý shartymen maman daıarlaýǵa ótinimin; 2) jeke kýáliktiń jáne pasporttyń túp­nusqalary men kóshirmelerin (túpnusqalar salys­tyrylǵannan keıin úmitkerge qaıta­rylady); 3) qosymshasymen birge bakalavr nemese maman dıplomynyń túpnusqasy men kó­shirmesin, sondaı-aq sheteldik bilim berý uıymynda oqyǵan bolsa – bilimi týraly qujatty taný jáne/nemese nostrıfıkasııalaý týraly kýáliktiń túpnusqasyn jáne kóshirmesin ne Zańnyń 39-babynyń 8-tarmaǵynda belgilen­gen erekshelikterdi eskere otyryp, bilimi týraly qujatty taný týraly ózge de qujatty (túp­nus­qalar salystyrǵannan keıin úmitkerge qaıtarylady); 4) memlekettik qyzmetshiler, ǵylymı ne pedagog qyzmetkerler qatarynan fılosofııa doktory (PhD), beıin boıynsha doktor dárejesin alý úshin óz betinshe túskender sanaty boıynsha qatysatyn úmitkerler úshin eńbek qyzmetin rastaıtyn qujattardyń, sondaı-aq aýdarylǵan mindetti zeınetaqy jarnalary týraly úzindi kóshirmelerdiń túpnusqalary men kóshirmelerin (túpnusqalar salystyrǵannan keıin úmitkerge qaıtarylady); 5) tańdap alǵan mamandyǵynyń/zertteý taqyrybynyń jáne oqý eliniń negizdemesi kórsetilgen jeke kózqarastar men pikirler sýrettelgen erkin nysandaǵy ýájdemelik hatty; 6) shetelge shyǵatyn adamdar úshin densaýlyq saqtaý salasyndaǵy ýákiletti organ belgilegen nysan boıynsha densaýlyq jaǵdaıy týraly medısınalyq anyqtamany; 7) Jumys organy bekitetin nysan boıynsha toltyrylǵan saýalnamany; 8) bar bolǵan jaǵdaıda, Jumys organy bekitken belgilengen eń tómengi talaptarǵa sáıkes nátıjesi bar shet tili boıynsha emtıhan tapsyrǵany týraly belgilengen nysandaǵy jaramdy resmı sertıfıkattyń túpnusqasyn jáne kóshirmesin (túpnusqa salystyrǵannan keıin úmitkerge qaıtarylady); 9) bar bolǵan jaǵdaıda, Jumys organy bekitken belgilengen eń tómengi talaptarǵa sáıkes nátıjesi bar memlekettik til boıynsha emtıhan tapsyrǵany týraly belgilengen nysandaǵy jaramdy resmı sertıfıkattyń túpnusqasyn jáne kóshirmesin (túpnusqa salys­tyrǵannan keıin úmitkerge qaıtarylady); 10) eger úmitker jeke ózi qujattaryn tapsyra almaǵan jaǵdaıda, ókiline notarıaldy kýálandyrylǵan senimhatty; 11) oqý baǵdarlamasy, mamandyǵy men kezeńi kórsetilgen akademııalyq oqýǵa (qarjylyq sharttardy jáne shet tilinen bilimin talap etetin deńgeıge deıin arttyrý boıynsha sharttardy qospaǵanda) sózsiz qabyldanǵanyn rastaıtyn qujattardyń kóshirmelerin jáne ol bolǵan jaǵdaıda, memlekettik nemese orys tilderine notarıaldy kýálandyrylǵan aýdarmalary bar sheteldik joǵary oqý orny bergen úlgerimi týraly resmı qujatty/mamandyǵyn, kýrsyn (oqý jylyn), oqý nysanyn, osy oqý ornynda paıdalanylatyn baǵalaý júıesi týraly aqparatty, sondaı-aq osy oqý ornyndaǵy aǵymdaǵy úlgeriminiń ortasha balyn kórsetetin belgilengen úlgidegi anyqtamany; 12) fılosofııa doktory (PhD), beıin bo­ıynsha doktor dárejesin alý úshin Tizimge engizilgen sheteldik jetekshi joǵary oqý orny belgilegen merzimderden aspaıtyn sheteldik jetekshi joǵary oqý ornymen kelisilgen memlekettik nemese orys tilderine notarıaldy kýálandyrylǵan aýdarmasy bar jeke oqý jos­paryn usynady. 10-4. Taǵylymdamadan ótý úshin «Bolashaq» halyqaralyq stıpendııasyn taǵaıyndaýǵa úmitkerlerdiń qujattaryn qabyldaý tártibi. Taǵylymdamadan ótýge úmitkerler sanaty boıynsha qatysatyn adamdar konkýrsqa qatysý úshin qujattardy qabyldaýdyń belgilengen merzimi ishinde Ákimshige mynadaı qujattardy: 1) Jumys organy bekitken nysan boıynsha jumys berýshiniń jumys ornyn saqtaý shartymen maman daıarlaýǵa ótinimin (budan ári – ótinim); 2) jeke kýáliktiń jáne pasporttyń túp­nus­qalary men kóshirmelerin (túpnusqalar salystyrylǵannan keıin úmitkerge qaıta­rylady); 3) bakalavr nemese maman dıplomy­nyń túpnusqasy men kóshirmesin, sondaı-aq sheteldik bilim berý uıymynda oqyǵan bolsa – bilimi týraly qujatty taný jáne/nemese nostrıfıkasııalaý týraly kýáliktiń túp­­nusqasyn jáne kóshirmesin ne Zańnyń 39-babynyń 8-tarmaǵynda belgilengen erek­shelikterdi eskere otyryp, bilimi týraly qu­jatty taný týraly ózge de qujatty (túp­nusqalar salystyrǵannan keıin úmitkerge qaıtarylady); 4) osy Qaǵıdalarǵa sáıkes talap etiletin eńbek qyzmeti kezeńderi úshin eńbek qyzmetin rastaıtyn qujattar, sondaı-aq aýdarylǵan mindetti zeınetaqy jarnalary týraly úzin­di kóshirmelerdiń túpnusqalary men kóshir­melerin (túpnusqalar salystyrǵannan keıin úmitkerge qaıtarylady); 5) tańdap alǵan mamandyǵynyń/zertteý taqyrybynyń jáne taǵylymdamadan ótý eliniń negizdemesi kórsetilgen jeke kózqarastar men pikirler sýrettelgen erkin nysandaǵy ýájdemelik hatty; 6) shetelge shyǵatyn adamdar úshin densaýlyq saqtaý salasyndaǵy ýákiletti organ belgilegen nysan boıynsha densaýlyq jaǵdaıy týraly medısınalyq anyqtamany; 7) Jumys organy bekitetin nysan boıynsha toltyrylǵan saýalnamany; 8) bar bolǵan jaǵdaıda, Jumys organy bekitken belgilengen eń tómengi talaptarǵa sáıkes nátıjesi bar shet tili boıynsha emtıhan tapsyrǵany týraly belgilengen nysandaǵy jaramdy resmı sertıfıkattyń túpnusqasyn jáne kóshirmesin (túpnusqa salystyrǵannan keıin úmitkerge qaıtarylady); 9) bar bolǵan jaǵdaıda, Jumys organy bekitken belgilengen eń tómengi talaptarǵa sáıkes nátıjesi bar memlekettik til boıynsha emtıhan tapsyrǵany týraly belgilengen nysandaǵy jaramdy resmı sertıfıkattyń túpnusqasyn jáne kóshirmesin (túpnusqa salystyrǵannan keıin úmitkerge qaıtarylady); 10) eger úmitker jeke ózi qujattaryn tapsyra almaǵan jaǵdaıda, ókiline notarıaldy kýálandyrylǵan senimhatty; 11) taǵylymdamaǵa qabyldaıtyn sheteldik uıymnyń memlekettik nemese orys tilderine notarıaldy kýálandyrylǵan aýdarmasy bar taǵylymdamadan ótý merzimderi, quny (taratyp kórsetilgen) kórsetilgen sózsiz (qarjylyq sharttardy jáne shet tilinen bilimin talap etetin deńgeıge deıin arttyrý boıynsha sharttardy qospaǵanda) shaqyrýyn rastaıtyn qujattardyń kóshirmelerin; 12) Jumys organy belgileıtin talaptarǵa sáıkes qurylǵan jáne taǵylymdamaǵa ji­berýshi jáne qabyldaýshy uıymdar bekitken taǵylymdamadan ótý baǵdarlamasyn usynady.»; 13-tarmaqtyń 3) tarmaqshasy mynadaı redaksııada jazylsyn: «3) dıplomnyń (bakalavr nemese maman) ortasha balynyń nemese aǵymdaǵy oqý úlgerimi týraly anyqtamanyń osy Qaǵıdalardyń 9, 10-2-tarmaqtarynda kórsetilgen sharttarǵa sáıkes kelmeýi;»; 27-tarmaqta: 5) tarmaqsha mynadaı redaksııada jazylsyn: «5) konkýrs jeńimpazynyń shetelde aka­demııalyq oqýyn aıaqtaǵannan ne taǵylymdamadan ótkennen keıin Qazaqstan Respýblıkasyna mindetti túrde oralýy jáne «Bolashaq» stıpendııasy sheńberinde alǵan mamandyǵy boıynsha jumysqa ornalasqan kúninen bastap úzdiksiz bes jyl (osy Qaǵıda­lardyń 4-tarmaǵynyń 5) tarmaqshasynda kórsetilgen adamdar úshin – úsh jyl) jumys isteýi týraly shart: óz betimen túskender sanaty boıynsha kon­kýrsqa qatysatyn tulǵalar úshin – Qazaqstan Respýblıkasynyń uıymdarynda ne aksııalary (jarǵylyq kapıtaldaǵy qatysý úlesi) Qazaqstan Res­pýblıkasyna ne ulttyq kompanııalarǵa tıe­sili Qazaqstan Respýblıkasynan tys jerlerde ornalasqan uıymdarda; memlekettik qyzmetshiler sanaty boıynsha konkýrsqa qatysatyn adamdar, sondaı-aq óz betimen túskender sanaty boıynsha kon­kýrsqa qatysatyn jáne osy Qaǵıdalardyń 10-3-tarmaǵynyń 1) tarmaqshasyna sáıkes óti­­nim bergen memlekettik qyzmetshiler úshin – ótinimge sáıkes memlekettik qyzmette ne sheteldegi Qazaqstan Respýblıkasynyń dıp­­lomatııalyq qyzmet organdarynda, ne Res­pýblıkalyq komıssııanyń sheshimi boıynsha, bos jumys oryndary bolǵan jaǵdaıda – Qazaqstan Respýblıkasynyń uıymdarynda, sondaı-aq aksııalary (jarǵylyq kapıtalda­ǵy qatysý úlesi) Qazaqstan Respýblıkasyna ne ulttyq kompanııalarǵa tıesili Qazaqstan Respýblıkasynan tys jerlerdegi uıymdarda odan ári jumys isteý múmkindigimen ózderin jibergen memlekettik organda; ǵylymı-pedagog qyzmetkerler sanaty bo­ıynsha konkýrsqa qatysatyn adamdar, sondaı-aq óz betimen túskender sanaty boıynsha kon­kýrsqa qatysatyn jáne osy Qaǵıdalardyń 10-3-tarmaǵynyń 1) tarmaqshasyna sáıkes ótinim bergen ǵylymı ne pedagog qyzmetkerler úshin – Qazaqstan Respýblıkasynyń tıisti deńgeıdegi basqa ǵylymı uıymdary men bi­lim berý uıymdarda odan ári jumys isteý múmkindigimen ótinimge sáıkes ózderin jibergen uıymdarda; ınjenerlik-tehnıkalyq qyzmetkerler sanaty boıynsha konkýrsqa qatysatyn adamdar úshin – ótinimge sáıkes Qazaqstan Respýblıkasynyń óndiristik qyzmetti júzege asyratyn basqa uıymdarda odan ári jumys isteý múmkindigimen ózderin jibergen uıymdarda; taǵylymdamaǵa úmitkerler sanaty boıynsha konkýrsqa qatysatyn adamdar úshin – ótinimge sáıkes Qazaqstan Respýblıkasynyń jiberýshi uıymnyń negizgi qyzmetimen uqsas qyzmetti júzege asyratyn basqa uıymdarynda odan ári jumys isteý múmkindigimen ózderin jibergen uıymdarda; mádenıet qyzmetkerleri, shyǵarmashyl qyzmetkerler sanaty boıynsha konkýrsqa qatysatyn adamdar úshin – ótinimge sáıkes Qazaqstan Respýblıkasynyń basqa mádenıet uıymdarynda odan ári jumys isteý múm­kindigimen ózderin jibergen uıymdarda; buqaralyq aqparat quraldary redak­sııa­synyń qyzmetkerleri sanaty boıynsha konkýrsqa qatysatyn adamdar úshin – ótinimge sáıkes Qazaqstan Respýblıkasynyń basqa buqaralyq aqparat quraldary redaksııasynda odan ári jumys isteý múmkindigimen ózderin jibergen uıymdarda;»; 8) tarmaqsha mynadaı redaksııada jazyl­syn: «8) osy Qaǵıdalardyń 4-tarmaǵynyń 2), 3), 4), 5), 6), 7) tarmaqshalarynda kórsetilgen úmitkerler úshin, sondaı-aq konkýrsqa óz betin­she túskender sanaty boıynsha qatysatyn jáne osy Qaǵıdalardyń 10-3-tarmagynyn 1) tarmaqshasyna sáıkes ótinim usynǵan úmitkerler úshin jumys berýshiniń jumys ornyn (laýazymyn) saqtaýynyń mindettiligi boıynsha shart;». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri  B.SAǴYNTAEV