2016 jylǵy 3 aqpan, Astana qalasy
Qazaqstan Respýblıkasynda alǵashqy medısınalyq-sanıtarııalyq kómek kórsetýdi uıymdastyrý standartyn bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 6) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynda alǵashqy medısınalyq-sanıtarııalyq kómek kórsetýdi uıymdastyrý standarty bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde merzimdik baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúniniń ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý jáne
áleýmettik damý mınıstri T. DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2016 jylǵy 3 aqpandaǵy №85 buıryǵymen bekitilgen
Qazaqstan Respýblıkasynda alǵashqy medısınalyq-sanıtarııalyq
kómek kórsetýdi uıymdastyrý standarty
1. Jalpy erejeler
1. Qazaqstan Respýblıkasynda alǵashqy medısınalyq-sanıtarııalyq kómek kórsetýdi uıymdastyrý standarty (budan ári – Standart) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 6) tarmaqshasyna (budan ári – Kodeks) sáıkes ázirlendi.
2. Osy Standart halyqqa alǵashqy medısınalyq-sanıtarııalyq kómek kórsetýdi uıymdastyrýǵa qoıylatyn talaptardy belgileıdi.
3. Alǵashqy medısınalyq-sanıtarııalyq kómek kórsetetin uıymdardyń shtattary Qazaqstan Respýblıkasy Densaýlyq saqtaý mınıstriniń 2010 jylǵy 7 sáýirdegi № 238 buıryǵymen (Normatıvtik quqyqtyq aktilerdi memlekettik tirkeý tiziliminde № 6173 bolyp tirkelgen) bekitilgen shtat normatıvterine sáıkes belgilenedi.
4. Osy Standartta mynadaı termınder men anyqtamalar paıdalanylady:
1) alǵashqy medısınalyq-sanıtarııalyq kómek (budan ári – MSAK) – adam, otbasy jáne qoǵam deńgeıinde kórsetiletin, qoljetimdi medısınalyq qyzmetter kórsetý keshenin qamtıtyn, táýlik boıy medısınalyq baqylaýy bolmaıtyn, dárigerge deıingi nemese bilikti medısınalyq kómek;
2) dárigerge deıingi medısınalyq kómek – aýrýlardyń profılaktıkasy maqsatynda, sondaı-aq dıagnostıka, emdeý men medısınalyq ońaltý ádisterin dárigerdiń qatysýymen paıdalanýdy talap etpeıtin aýrýlar kezinde orta medısınalyq bilimi bar medısına qyzmetkerleri kórsetetin medısınalyq kómek;
3) mamandandyrylǵan medısınalyq kómek – dıagnostıkanyń, emdeýdiń jáne medısınalyq ońaltýdyń arnaıy ádisterin talap etetin aýrýlar kezinde beıindi mamandar kórsetetin, onyń ishinde telemedısına quraldaryn paıdalana otyryp kórsetetin medısınalyq kómek;
4) tegin medısınalyq kómektiń kepildik berilgen kólemi (budan ári – TMKKK) – Qazaqstan Respýblıkasynyń azamattaryna jáne oralmandarǵa kórsetiletin medısınalyq qyzmetter kórsetýdiń Qazaqstan Respýblıkasynyń Úkimeti aıqyndaıtyn tizbesi boıynsha biryńǵaı medısınalyq kómektiń kólemi.
5. Medısınalyq qyzmetterdiń eń tómengi kólemderi men fýnksııalary Qazaqstan Respýblıkasy Densaýlyq saqtaý mınıstriniń mindetin atqarýshynyń 2011 jylǵy 5 qańtardaǵy № 7 buıryǵymen (Normatıvtik quqyqtyq aktilerdi memlekettik tirkeý tiziliminde №6774 bolyp tirkelgen) bekitilgen Ambýlatorııalyq-emhanalyq kómek kórsetetin medısınalyq uıymdardyń qyzmeti týraly erejede aıqyndalǵan.
2. Qazaqstan Respýblıkasynda alǵashqy medısınalyq-sanıtarııalyq kómek kórsetýdi uıymdastyrý
6. MSAK pasıentterge Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 28 sáýirdegi № 281 buıryǵymen bekitilgen Alǵashqy medısınalyq-sanıtarııalyq kómek kórsetý qaǵıdalaryn jáne Azamattardy alǵashqy medısınalyq-sanıtarııalyq kómek uıymdaryna bekitý qaǵıdalaryna sáıkes (Normatıvtik quqyqtyq aktilerdi memlekettik tirkeý tiziliminde № 11268 bolyp tirkelgen) kórsetiledi.
7. Qazaqstan Respýblıkasynda MSAK Qazaqstan Respýblıkasy Úkimetiniń 2009 jylǵy 15 jeltoqsandaǵy № 2136 qaýlysymen bekitilgen TMKKK sheńberinde kórsetiledi.
8. MSAK mynalardy:
1) neǵurlym keń taralǵan aýrýlardy, sondaı-aq jaraqattanýlardy, ýlanýlardy jáne basqa da keıinge qaldyrýǵa bolmaıtyn jaı-kúılerdi dıagnostıkalaý men emdeýdi;
2) ınfeksııalyq aýrýlar oshaqtarynda sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy;
3) halyqty gıgıenalyq oqytýdy, otbasyn, anany, ákeni jáne balany qorǵaýdy;
4) halyqty qaýipsiz sýmen jabdyqtaý jáne onyń keneýli tamaqtanýy jónindegi túsindirý jumystaryn qamtıtıdy.
9. MSAK:
1) bekitý faktisine qaramastan shuǵyl jáne kezek kúttirmeıtin medısınalyq kómek kórsetken jaǵdaıda;
2) josparly túrde – bekitilýi, aldyn ala jazylýy nemese júginýi boıynsha kórsetiledi.
10. Alǵashqy medısınalyq-sanıtarııalyq kómekti ýchaskelik terapevter, pedıatrlar, jalpy praktıka dárigerleri, feldsherler, akýsherler, densaýlyq saqtaý salasyndaǵy áleýmettik qyzmetkerler jáne meıigerler kórsetedi.
11. MSAK mamandarynyń fýnksıonaldyq mindetteri № 7 buıryqqa sáıkes júzege asyrylady.
12. TMKKK sheńberinde medısınalyq kómekti qamtamasyz etetin MSAK kórsetetin medısına uıymynyń jumys rejimi, demalys jáne merekelik kúnderi MSAK kezekshi dárigerleriniń jumysyn qamtamasyz etý arqyly barlyq mamandar jáne qurylymdyq bólimsheler úshin jyljymaly keste boıynsha saǵat 08.00.-den saǵat 20.00.-ge deıin belgilenedi.
13. MSAK mamandarynyń is-qımyl algorıtmi osy Standartqa qosymshaǵa sáıkes júzege asyrylady.
14. MSAK uıymyna alǵashqy júgingen kezde MSAK uıymynyń tirkeý ornynda bastapqy medısınalyq esep qujattary bolyp tabylatyn ambýlatorııalyq naýqastyń medısınalyq kartasy nemese balanyń damý syrqatnamasy resimdeledi.
15. MSAK uıymdarynda paıdalanatyn bastapqy medısınalyq esepke alý qujattamasy «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵyna sáıkes (Normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) (budan ári - № 907 buıryq) júrgiziledi.
16. Pasıentterge konsýltasııalyq-dıagnostıkalyq kómek Qazaqstan Respýblıkasy Densaýlyq saqtaý jáne áleýmettik damý mınıstriniń mindetin atqarýshynyń 2015 jylǵy 28 shildedegi № 626 buıryǵymen bekitilgen Konsýltasııalyq-dıagnostıkalyq kómek kórsetý qaǵıdalaryna sáıkes (Normatıvtik quqyqtyq aktilerdi memlekettik tirkeý tiziliminde № 11958 bolyp tirkelgen) júzege asyrylady.
17. Shaqyrtýlardy qabyldaý MSAK uıymy jumysynyń aıaqtalýyna 2 saǵat qalǵanda aıaqtalady.
18. Úıge shaqyrtýlarǵa qyzmet kórsetý úshin mynalar kórsetilimder bolyp tabylady:
1) pasıentke óz betinshe MSAK uıymdaryna barýǵa múmkindik bermeıtin jiti aýyrsyný jaǵdaılary:
dene qyzýynyń 38 gradýs S-den asýy;
jaı-kúıiniń aıqyn buzylýy bar arterııalyq qysymnyń kóterilýi;
qaıta-qaıta ishtiń ótýi;
júrýdi tejeıtin omyrtqanyń jáne aıaq býyndarynyń qatty aýyrsynýlary;
bastyń aınalýy, júrektiń qatty aınýy, qusý;
2) pasıenttiń óz betinshe emhanaǵa barýyna múmkindik bermeıtin sozylmaly aýyrsyný jaǵdaılary (onkologııalyq aýrýlardyń aýyr aǵymy, (I - II toptaǵy) múgedektik, sal aýrýy, aıaq-qoldardyń shala saldanýy);
3) aınalasyndaǵylarǵa qaýip tóndiretin jiti ınfeksııalyq aýrýlar;
4) pasıenttiń tasymaldanbaýy;
5) MSAK uıymdarynyń jumys ýaqytynda jedel medısınalyq járdem stansııasynan berilgen shaqyrtýlarǵa qyzmet kórsetý.
19. MSAK uıymdarynyń medısına qyzmetkeriniń pasıenttiń úıine, onyń ishinde aýla (páter) aralaý arqyly belsendi barýy:
1) jiti aýrýlar, sozylmaly aýrýlardyń asqynýy kezinde onyń jaǵdaıyn, aýrý aǵymyn qadaǵalaý jáne qajetti zerttep-qaraýlardy jáne (nemese) emdeýdi ýaqytyly taǵaıyndaý (túzetý) maqsatynda;
2) ınfeksııalyq aýrý indetiniń paıda bolý qaýpi oryn alǵanda nemese ınfeksııalyq aýrýmen aýyratyn naýqastar aıqyndalǵan jaǵdaıda halyqtyń jeke tobynyń, olarmen baılanys jasaǵan nemese ınfeksııalyq aýrýdy juqtyrý kúdigi bar adamdardyń patronajy kezinde júzege asyrylady.
20. Qazaqstan Respýblıkasynyń halqyna MSAK kóleminde usynylatyn medısınalyq kómektiń sapasyn baqylaý «Medısınalyq qyzmetter kórsetý sapasyna ishki jáne syrtqy saraptamalardy uıymdastyrý men júrgizý qaǵıdalaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 27 naýryzdaǵy №173 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde №10880 bolyp tirkelgen) negizgi ındıkatorlarǵa monıtorıng júrgizý arqyly júzege asyrylady.
Qazaqstan Respýblıkasynda alǵashqy medısınalyq-sanıtarııalyq kómek kórsetýdi uıymdastyrý standartyna qosymsha
Alǵashqy medısınalyq-sanıtarııalyq kómek mamandarynyń is-qımyl algorıtmi
1. Pasıentti qabyldaý júrgizgen kezde jalpy praktıka dárigeri, ýchaskelik terapevt, pedıatr mynadaı is-qımyldardy júzege asyrady:
1) pasıentpen izgi nıetpen amandasady;
2) pasıentpen senimdi qarym-qatynas ornatady. Pasıentti sáıkestendiredi;
3) pasıentti tikeleı árbir qabyldaý men tekserip-qaraý aldynda qolyn jýady, qajet bolsa maska kıedi;
4) shaǵymdardy jınaqtaýdy júrgizedi;
5) anamnezdi jınaqtaıdy;
6) pasıentti obektıvti tekserip-qaraýdy júrgizedi;
7) árbir tekserýden keıin qolyn jýady;
8) aldyn ala dıagnoz qoıady;
9) sońǵy dıagnoz qoıý úshin aýrýdy dıagnostıkalaý men emdeý hattamasyna sáıkes qajetti sharalardy anyqtap, zerttep-tekserilýge joldama beredi;
10) dıagnostıkalaý men emdeý hattamasyna sáıkes em taǵaıyndaıdy, kórsetilimderi boıynsha shuǵyl stasıonarǵa jiberedi (jedel medısınalyq járdem brıgadasyn «ózine» shaqyrady, emdeýge jatqyzý úshin onyń kelgenin kútedi), úıdegi stasıonardy uıymdastyrady, zerttep-tekserýdiń qajetti kólemin júrgizgennen keıin pasıentti kúndizgi stasıonarǵa nemese táýlik boıǵy stasıonarǵa jiberýdi josparlaıdy, kórsetilimderi boıynsha psıhologtyń, áleýmettik qyzmetkerdiń konsýltasııasyna jiberedi;
11) profılaktıkalyq usynymdar beredi (profılaktıkalyq tekserip-qaraý, profılaktıkalyq ekpeler, salaýatty ómir saltyn saqtaý, otbasyn josparlaý, kontrasepsııa);
12) qajet bolǵan jaǵdaıda dıspanserlik esepke alady, dıagnozǵa sáıkes keıinnen dıspanserlik baqylaıdy;
13) pasıentti dıspanserlik baqylaýdy resimdeıdi;
14) «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵynda (Normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) (budan ári – № 907 buıryq) bekitilgen № 025/e nysany boıynsha ambýlatorııalyq pasıenttiń medısınalyq kartasyna tekserip-qaraý jazbasyn túsiredi;
15) sypaıy qoshtasady.
2. Pasıentti úıde tekserip-qaraý (úıge shaqyrtý) kezindegi jalpy praktıka dárigeri, ýchaskelik terapevt, pedıatr mynadaı is-qımyldardy júzege asyrady:
1) pasıentpen izgi nıetpen amandasady;
2) pasıentpen senimdi qarym-qatynas ornatady. Pasıentti sáıkestendiredi;
3) pasıentti tikeleı árbir qabyldaý men tekserip-qaraý aldynda qolyn jýady, qajet bolsa maska kıedi;
4) shaǵymdardy jınaqtaýdy júrgizedi;
5) anamnezdi jınaıdy (ómir súrý anamnezi, aýrýdyń anamnezi, ınfeksııalyq aýrýlar kezinde – epıdemologııalyq anamnez, tuqym qýalaýshylyq, allergologııalyq anamnez, áıelderdiń gınekologııalyq anamnezi);
6) jalpy jaı-kúıdi baǵalaıdy, pasıenttiń hal-jaǵdaıyn anyqtaıdy;
7) pasıentti obektıvti tekserip-qaraýdy júrgizedi;
8) árbir tekserýden keıin qolyn jýady;
9) aldyn ala dıagnoz qoıady;
10) sońǵy dıagnoz qoıý úshin aýrýdy dıagnostıkalaý men emdeý hattamasyna sáıkes qajetti zerttep-tekserý ádisterin anyqtaıdy, kórsetilimder boıynsha mamandardyń konsýltasııasyna jiberedi;
11) dıagnostıkalaý men emdeý hattamasyna sáıkes em taǵaıyndaıdy, kórsetilimder boıynsha shuǵyl stasıonarǵa jiberedi (jedel medısınalyq járdem brıgadasyn «ózine» shaqyrady, emdeýge jatqyzý úshin onyń kelgenin kútedi), úıdegi stasıonardy uıymdastyrady, zerttep-tekserýdiń qajetti kólemin júrgizgennen keıin Emdeýge jatqyzý bıýrosy portaly arqyly pasıentti kúndizgi stasıonarǵa nemese táýlik boıǵy stasıonarǵa jiberýdi josparlaıdy, kórsetilimderi boıynsha psıhologtyń, áleýmettik qyzmetkerdiń konsýltasııasyna jiberedi;
12) usynymdar, sonyń ishinde profılaktıkalyq usynymdar beredi (salaýatty ómir saltyn saqtaý, durys tamaqtaný, eńbek jáne demalys rejimin saqtaý, tasymaldanbaıtyn naýqastardyń uzaq jatýynan bolatyn oıylýlarynyń profılaktıkasy), qajet bolǵan jaǵdaıda eńbekke ýaqytsha jaramsyzdyqty saraptaý máselelerin sheshedi;
13) №907 buıryqpen bekitilgen (№ 025/e nysany) ambýlatorııalyq pasıenttiń medısınalyq kartasyna tekserip-qaraý jazbasyn túsiredi, pasıentti qaraý tásilin anyqtaıdy;
14) sypaıy qoshtasady.
3. Meıirger dárigermen qabyldaýda mynadaı is-qımyldardy júzege asyrady:
1) qabyldaý bastalǵanǵa deıin 30 mınýt qalǵanda qabyldaýǵa keledi;
2) dárigerdiń qabyldaýyna deıin kabınetti jumysqa daıyndaıdy;
3) ýchastkelik terapevt pen jalpy praktıka dárigeriniń qabyldaý kabınetin daıyndaıdy;
4) pasıentpen izgi nıetpen amandasady;
5) pasıentpen senimdi qarym-qatynas ornatady;
6) pasıentti tikeleı árbir qabyldaý jáne tekserip-qaraý aldynda qolyn jýady, qajet bolsa maska kıedi;
7) densaýlyq jaǵdaıy boıynsha pasıentterdi saralaıdy: pasıentterdiń jaı-kúıin baǵalaıdy, kórsetilimder boıynsha kezekten tys dárigerge jiberedi;
8) árbir tekserýden keıin qolyn jýady;
9) pasıentterdiń jeke bas kýáligindegi málimetterdi Bekitilgen halyq tirkelimindegilermen (budan ári – BHT) salystyrady. Emhananyń qyzmet kórsetý aýmaǵyndaǵy mekenjaıda turatyn pasıent BHT boıynsha tirkelmegen bolsa, olarǵa DA/ODO-ǵa, emhanaǵa tirkelý erejesin túsindiredi;
10) pasıenttiń málimetterin ýchaskeniń pasporty boıynsha salystyrady;
11) pasıentti ambýlatorııalyq naýqastardy tirkeý jýrnalyna jazady;
12) qajettiligine qaraı medısınalyq qyzmetterdi oryndaýǵa arnalǵan aqparatty erikti kelisimen pasıentti tanystyrady jáne 2 danasyn toltyrýǵa beredi, bir danasyn pasıenttiń ambýlatorııalyq kartasyna japsyrady, ekinshi danasyn pasıenttiń qolyna beredi;
13) jalpy jaı-kúıdi baǵalaıdy, pasıenttiń hal-jaǵdaıyn anyqtaıdy;
14) pasıentti qaraıtyn bólmege, dárigerge deıingi kabınetke, flıýorografııalyq zertteýge, skrınıng kabınetine jiberedi;
15) profılaktıkalyq usynymdar beredi (profılaktıkalyq tekserip-qaraý, profılaktıkalyq ekpeler, salaýatty ómir saltyn saqtaý, otbasyn josparlaý, kontrasepsııa, Densaýlyq mektepterine, psıhologqa barý);
16) kórsetilimder boıynsha beıindi mamandardyń tekserip-qaraýlaryna jiberedi;
17) dárigerdiń taǵaıyndaýlary boıynsha dıagnostıkalyq zerttep-tekserýge pasıentke joldama jazyp beredi, dárigerdiń taǵaıyndaýy boıynsha ambýlatorııalyq-emhanalyq kómek kórsetý baǵdarlamasy arqyly ishki jáne syrtqy mamandardyń konsýltasııasyna joldama beredi;
18) pasıentke dıagnostıkalyq rásimder júrgizýge daıyndalý jónindegi erejeler men talaptardy túsindiredi;
19) statıstıkalyq talondardy toltyrady jáne olardy statıstıkalyq kabınetke aparady;
20) alǵash ret dıspanserlik esepke alynǵan pasıentti resimdegen kezde № 907 buıryqpen bekitilgen dıspanserlik qadaǵalaýdyń baqylaý kartasyn (№ 030/e nysany) toltyrady;
21) dárigerdiń taǵaıyndaýlaryn qalaı durys oryndaý kerektigin pasıentke túsindiredi;
22) áıelderdiń sút bezderin tekseredi, súttiń shyǵýyn baǵalaıdy;.
23) dınamıkalyq baqylaý tobyna sáıkes fertıldik jastaǵy áıelderdiń (budan ári – FJÁ) ambýlatorııalyq kartasyn tańbalaýdy júrgizedi- ambýlatorııalyq kartanyń negizgi betine FJÁ dınamıkalyq baqylaý tobyn kórsetedi;
24) keıinnen qaralý úshin ýchaskelik terapevtiń jáne jalpy praktıka dárigeriniń jumys kestesimen pasıentti tanystyrady;
25) baqylaý josparyna sáıkes kelesi baqylaýdy júrgizedi;
26) №907 buıryqpen bekitilgen ambýlatorııalyq pasıenttiń medısınalyq kartasyn (№ 025/e nysany) eńbekke ýaqytsha jaramsyzdyq paraǵyn jazyp berý kabınetine/beıindi mamandardyń kabınetine/tirkeý bólimine aparady;
27) dárigerdiń taǵaıyndaýy boıynsha dárini dárihanadan alý úshin dárilik qamtamasyz etý aqparattyq júıesiniń baǵdarlamasy arqyly dárilik zattarǵa tegin resept jazyp beredi;
28) sypaıy qoshtasady.
4. Meıirger jáne feldsher óz betinshe qabyldaý kezinde mynadaı is-qımyldardy júzege asyrady:
1) qabyldaý bastalǵanǵa deıin 30 mınýt qalǵanda qabyldaýǵa keledi;
2) dárigerdiń qabyldaýyna deıin kabınetti jumysqa daıyndaıdy:
bólmeni jeldetedi;
№ 907 buıryǵymen bekitilgen balanyń damý syrqatnamasyn (№ 112/e nysany), taldaý nátıjelerin ákeledi;
taldaý nátıjelerin № 907 buıryǵymen bekitilgen balanyń damý syrqatnamasyna (№ 112/e nysany), ambýlatorııalyq pasıenttiń kartasyna (№ 025/e nysany) japsyrady;
jumys ústelin, tarazyny, boı ólsheýishti dezınfeksııalyq eritindimen óńdeıdi;
qalaqshalardy, termometrlerdi, tonometrdi daıyndaıdy;
kabınetti kestege sáıkes kvarstaıdy;
3) qabyldaý júrgizý úshin medısınalyq qujattamany daıyndaıdy;
4) pasıentpen izgi nıetpen amandasady;
5) pasıentpen senimdi qarym-qatynas ornatady;
6) pasıentti tikeleı árbir tekserip-qaraý aldynda qolyn jýady, qajet bolsa maska kıedi;
7) densaýlyq jaǵdaıy boıynsha pasıentterdi saralaıdy;
8) baladaǵy problemalardy – qaýipti belgilerdi (balanyń ishý men emý múmkindigi, kez kelgen tamaqtanýdan nemese ishýden keıin qusa ma, balada qurysýlar boldy ma, bala letargııada ma álde essiz be), negizgi belgilerdi (jergilikti bakterııalyq ınfeksııa, ishtiń ótýi, tamaqtandyrý problemalary nemese salmaqtyń tómen bolýy, sary aýrý, kózdiń ınfeksııasy) anyqtaıdy;
9) balanyń ekpe mártebesin aıqyndaı, sáıkesinshe damytý maqsatynda balanyń tamaqtandyrylýy men kútimin baǵalaıdy. Qaýipti belgiler bolsa, birden anasy men balasyn dárigerge aparady;
10) pasıentterdiń dene temperatýrasyn ólsheıdi, tynys alý jıiligin, júrektiń jıyrylý jıiligin esepteıdi jáne kórsetilimder boıynsha kezekten tys dárigerge jiberedi;
11) árbir tekserýden keıin qolyn jýady;
12) pasıenttiń, balanyń týý týraly kýáligindegi málimetterdi Bekitilgen halyq tirkelimimen (budan ári – BHT) salystyrady;
13) pasıenttiń málimetterin ýchaskeniń pasportymen salystyrady. BHT boıynsha osy mekenjaı boıynsha turyp jatqan pasıent, bala tirkelmegen bolsa, ata-anasyna DA/ODO, emhanaǵa bekitý erejesin túsindiredi;
14) saý balalarǵa antropometrıkalyq zertteýler júrgizedi, deneniń damýyn baǵalaý kartasyna sáıkes denesiniń damýyn baǵalaıdy;
15) eresekter men balalarǵa medısınalyq qyzmet kórsetýge arnalǵan úlgilik shartty ata-anasyna nemese qamqorshysyna tanystyrady, toltyrýǵa jáne qol qoıýǵa beredi;
16) balanyń densaýlyǵy jaǵdaıyna jaýaptylyq týraly eskertpemen tanystyrady, ata-anasyna toltyrýǵa jáne qol qoıýǵa beredi;
17) ambýlatorııalyq naýqastardy tirkeý jýrnalyna pasıentti tirkeıdi;
18) dárigerdiń taǵaıyndaýy boıynsha pasıentke, balaǵa dıagnostıkalyq zerttep-tekserýge joldama jazyp beredi, dárigerdiń taǵaıyndaýy boıynsha ambýlatorııalyq-emhanalyq kómek kórsetý baǵdarlamasy arqyly ishki jáne syrtqy mamandardyń konsýltasııasyna joldama beredi;
19) ata-analarǵa dıagnostıkalyq rásimder men profılaktıkalyq ekpeler júrgizýge daıyndyq jónindegi erejeler men talaptardy túsindiredi;
20) profılaktıkalyq ekpeler júrgizýge aqparattyq kelisimmen tanystyrady, ata-anasyna toltyrýǵa jáne qol qoıýǵa beredi. Anasyna profılaktıkalyq ekpelerdi júrgizýdiń qajettiligi týraly túsindiredi, profılaktıkalyq ekpe alý úshin qabyldaýǵa kelý kúni týraly eskertedi, onyń balasyna qandaı ekpe jasalatyndyǵyn, qandaı reaksııalardyń bolatyndyǵyn, reaksııalar týyndaǵan jaǵdaıda balaǵa qandaı kómek kórsetýi qajet ekendigin túsindiredi, meıirger ekpe alǵannan keıin qaı kúni ekpeden keıingi patronaj jasaıtyndyǵyn jáne qandaı jaǵdaıda dárigerge birden kelý qajettigin eskertedi;
21) №907 buıryqpen bekitilgen balanyń damý syrqatnamasyna (№ 112/e nysany) jazady;
22) beıindi mamandarǵa profılaktıkalyq tekserip-qaralýdy usynady;
23) balanyń sáıkes damýyn qamtamasyz etý maqsatynda ony kútý daǵdylaryna (massaj, gımnastıka, shynyqtyrý, áńgimelesý) úıretedi jáne usynystar beredi;
24) statıstıkalyq talondardy toltyrady jáne olardy statıstıkalyq kabınetke aparady;
25) naýqas balalardy dıspanserlik esepke alǵanda dıspanserlik naýqastardy tirkeý jýrnalyn № 907 buıryqpen bekitilgen dıspanserlik qadaǵalaý kartasyn (№ 030/e nysany) toltyrady;
26) dárigerdiń taǵaıyndaýlaryn qalaı durys oryndaý kerektigin anasyna túsindiredi;
27) anasynyń sút bezderin tekseredi, súttiń shyǵýyn baǵalaıdy;
28) anaǵa balany emizý tehnıkasyna úıretedi, balany durys emizýin, emýdiń tıimdiligin qadaǵalaıdy;
29) profılaktıkalyq usynymdar beredi (emizýdiń artyqshylyqtary men praktıkasy, tek emshekpen emizýdi qamtamasyz etý, emshek sútin saýyp tastaý tehnıkasy, durys emizý tehnıkasy, bólmege qoıylatyn talaptar);
30) jańa týǵan náresteniń kútimi boıynsha anasyna tásilder júrgizýdi kórsetedi jáne úıretedi;
31) ananyń suraqtaryna jaýap beredi, balany emizý, jańa týǵan náresteni kútý daǵdylaryn ıgerýin qadaǵalaıdy, anasyna maqtaý aıtady;
32) ata-analardy ózderiniń ýchaskelik pedıatrynyń jumys kestesimen tanystyrady, DA/ODO, emhananyń, ornalasqan jeri týraly aqparat, baılanys telefondaryn beredi;
33) baqylaý josparyna sáıkes kelesi baqylaýlardy júrgizedi;
34) pasıentti beıindi jýrnalǵa tirkeıdi, bekitý talonyn toltyrady, balanyń málimetterin BHT engizedi;
35) pasıentti dárigerdiń kabınetine jetkizedi, №907 buıryqpen bekitilgen balanyń damý syrqatnamasyn (№ 112/e nysany) aparady;
36) alǵash ret dıspanserlik esepke alynǵan balany, pasıentti resimdegen kezde №907 buıryqpen bekitilgen № 030/e nysany boıynsha dıspanserlik qadaǵalaýdyń baqylaý kartasyn toltyrady;
37) anaǵa profılaktıkalyq tekserýden, terapevtiń, akýsher-gınekologtyń tekserýinen ýaqytyly ótýdi usynady, kontrasepsııa, otbasyn josparlaý máselesin sheshedi, kórsetilimder boıynsha beıindi mamanǵa qaralýyn usynady. Sońǵy etekkirdiń qashan kelgendigin, júktiliktiń bolýyn, eger júktilik bolsa esepke turýy týraly suraıdy;
38) №907 buıryqpen bekitilgen ýchaskelik meıirgeriniń úılerge baryp jumys isteýin esepke alý jýrnalyna (№ 116/e nysany) jazady;
39) sypaıy qoshtasady.
5. Bosanýǵa deıingi alǵashqy patronaj júrgizgen kezde akýsher mynadaı is-qımyldardy júzege asyrady:
1) júkti áıeldi izgi nıetpen qarsy alady;
2) pasıentpen senimdi qarym-qatynas ornatady;
3) júkti áıeldiń densaýlyq jaǵdaıy týraly keńes júrgizedi, shaǵymdary bar ma, áıeldiń hal-jaǵdaıyn naqtylaý, kásibı eńbek jaǵdaıyn jáne zııandy ádetteri týraly suraıdy;
4) júkti áıelge jáne onyń otbasy múshelerine «qaýipti belgilerdi» aıqyndaýǵa úıretedi, júktilik pen bosaný qalypty ótip jatqan kezde de, sondaı-aq akýsher qaýyrt aralasatyn jaǵdaı týyndaǵan nemese tolǵaq qysqan kezdegi is-qımyl algorıtmimen tanystyrady;
5) mynadaı:
kúnniń, demalýdyń, uıyqtaýdyń, dene belsendiliginiń ońtaıly rejımin saqtaý boıynsha;
ońtaıly tamaqtanýdy ustaný boıynsha;
preparattardy (quramynda ıod, temir-folı qyshqyly bar) profılaktıkalyq qabyldaý boıynsha;
jynys jolymen beriletin juqpalardyń, onyń ishinde AITV ınfeksııasynyń profılaktıkasy boıynsha;
jeke bas gıgıenasyn saqtaý jáne turatyn jerdiń jaıly bolýy týraly;
temeki shegýdiń, ishimdik ishý men esirtki paıdalanýdyń uryqtyń damýyna tıgizetin áseri týraly usynymdar beredi;
6) bosanýǵa daıyndalý mektepterine barýdy usynady;
7) áıel turyp júrgen jerde joq bolsa, áıeldiń naqty turatyn ornyn aıqyndaý úshin ýchaskelik meıirgerge, dárigerge aqparat jiberedi. Eger áıel basqa mekenjaıda turatyn bolsa, turatyn jeri boıynsha ýchaskelik dárigerge, dárigerlik ambýlatorııanyń meńgerýshisine/Otbasy densaýlyǵy ortalyǵyna, akýsherlik-gınekologııalyq bólimsheniń meńgerýshisine aqparat jiberedi;
8) sypaıy qoshtasady.
6. Bosanǵanǵa deıingi ekinshi patronaj júrgizgen kezde akýsher mynadaı is-qımyldardy júzege asyrady:
1) júkti áıeldi izgi nıetpen qarsy alady;
2) pasıentpen senimdi qarym-qatynas ornatady;
3) júkti áıeldiń densaýlyq jaǵdaıy týraly keńes júrgizedi, shaǵymdardyń bolýy týraly suraıdy, sút bezderiniń jaı-kúıin qarap shyǵady;
4) júkti áıelge jáne onyń otbasy múshelerine «qaýipti belgilerdi» aıqyndaýǵa úıretedi, júktilik pen bosaný qalypty ótip jatqan kezde de, sondaı-aq akýsherlik qaýyrt aralasatyn jaǵdaı týyndaǵan nemese tolǵaq qysqan kezdegi is-qımyl algorıtmimen tanystyrady;
5) mynadaı:
kúnniń, demalýdyń, uıyqtaýdyń, dene belsendiliginiń ońtaıly rejımin saqtaý boıynsha;
ońtaıly tamaqtanýdy ustaný boıynsha;
jynys jolymen beriletin juqpalardyń, onyń ishinde AITV ınfeksııasynyń profılaktıkasy boıynsha;
jeke basynyń gıgıenasyn saqtaıdy jáne turatyn jerdiń jaıly bolýy týraly;
temeki shegýdiń, ishimdik ishý men esirtki paıdalanýdyń uryqtyń damýyna tıgizetin áseri týraly usynymdar beredi;
jańa týǵan nárestege arnalǵan buryshtamaornyn daıyndaý boıynsha usynymdar beredi.
6) bosanýǵa daıyndalý mektepterine jáne saý bala kabınetine barýdy usynady;
7) sypaıy qoshtasady.
7. Bosanýdan keıin patronaj júrgizý kezde akýsher mynadaı is-qımyldardy júzege asyrady:
1) pasıentpen izgi nıetpen amandasady;
2) pasıentpen senimdi qarym-qatynas ornatady;
3) shaǵymdardyń bolýyn suraıdy;
4) jalpy jaı-kúıin baǵalaıdy;
5) pasıentti tikeleı árbir tekserip-qaraý aldynda qolyn jýady, qajet bolsa maska kıedi;
6) teri jabynyn qarap shyǵady, arterııalyq qysymdy, tamyr soǵysyn, dene temperatýrasyn ólsheıdi;
7) árbir tekserýden keıin qolyn jýady;
8) shaǵymdar, bosanýdan keıin asqyný belgileri bolsa, stasıonarǵa emdeýge jatqyzý úshin jedel járdem shaqyrady;
9) qoldanystaǵy emizý problemalaryn anyqtaıdy;
10) kontrasepsııanyń jáne kontrasepsııa ádisin tańdaý qajettigi týraly konsýltasııa júrgizedi;
11) akýsher-gınekolog dárigerdiń qabyldaýyna shaqyrady;
12) sypaıy qoshtasady.
8. Áleýmettik qyzmetker arnaýly áleýmettik-medısınalyq kómek kórsetkende mynadaı is-qımyldardy júzege asyrady:
qyzmet alýshylardyń densaýlyǵyn qoldaýǵa jáne jaqsartýǵa baǵyttalǵan arnaýly áleýmettik qyzmet mynalardy qamtıdy:
medısınalyq-áleýmettik tekserýdi uıymdastyrý jáne júrgizý;
dárigerge deıin kómek kórsetý;
medısınalyq-áleýmettik saraptama júrgizýge járdemdesý;
tegin medısınalyq kómektiń kepildik berilgen kólemin alýǵa járdemdesý;
múgedekterdi ońaltýdyń jeke baǵdarlamasyna sáıkes sanatorlyq-kýrorttyq emdeýmen, tehnıkalyq qosalqy (ornyn toltyrýshy) quraldarmen, mindetti gıgıenalyq quraldarmen qamtamasyz etýge járdemdesý;
qyzmet alýshylarǵa tehnıkalyq qosalqy (ornyn toltyrýshy) quraldardy jáne mindetti gıgıenalyq quraldardy paıdalanýdy úıretý; múgedekterdiń jeke ońaltý baǵdarlamalaryna sáıkes protezdik-ortopedııalyq jáne estý-protezdik kómek alýyna járdemdesý;
áleýmettik-medısınalyq máseleler boıynsha, onyń ishinde jasyna qaraı beıimdelý máseleleri boıynsha konsýltasııa berý;
densaýlyqqa baılanysty rásimderdi júrgizý;
alǵashqy medısınalyq tekserý jáne alǵashqy sanıtarlyq tazalaý júrgizý;
densaýlyq jaǵdaıyna baılanysty qyzmet alýshylardyń kútimin qamtamasyz etý;
alǵashqy medısınalyq-sanıtarlyq kómek kórsetý;
sanıtarlyq-gıgıenalyq qyzmetterdi kórsetý;
emdeý-saýyqtyrý is-sharalaryn, onyń ishinde densaýlyq saqtaý uıymdarynda uıymdastyrý;
áleýmettik-medısınalyq sıpattaǵy ońaltý is-sharalaryn júrgizý;
emdeýshi dárigerdiń taǵaıyndaýyna sáıkes medısınalyq rásimderdi júrgizý (teri asty jáne bulshyq etke dárilik preparattardy jiberý, kompress qoıý, qaıta oraý, oıylǵan jerlerdi, jaraqat betin tazalaý; tazalaý klızmalaryn oryndaý, zerthanalyq tekserý júrgizýge qajetti materıaldardy alý, kateterdi jáne basqa da medısınalyq buıymdardy paıdalanýǵa kómek kórsetý);
pallıatıvtik kómek qyzmetterin kórsetý;
úıge dáriger shaqyrtý jáne densaýlyq uıymdarynda deıin qyzmet alýshylarǵa ilesip júrý;
balalardy, tirek-qymyl aparaty buzylǵan balalardy patronajdyq baqylaý;
otbasy múshelerine úı jaǵdaıynda medısınalyq kútim negizderin úıretý.
Buıryq Qazaqstan Respýblıkasynyń Ádilet mınıstrliginde 2016 jylǵy 4 naýryzda Normatıvtik quqyqtyq kesimderdi memlekettik tirkeýdiń tizilimine №13392 bolyp engizildi.