Aqynnyń juldyzy «jandy»

Biz buǵan deıin de Almatyda birneshe Juldyzdar alleıa­sy bar ekendigin jazǵanbyz. Onyń alǵashqysy «Qazaqfılm» ult­tyq kınostýdııasynda bolsa, odan keıin «Almaty» shıpajaıynda da ashylǵan. Endigi bir juldyzdar alleıasy almatylyqtar kóptep jınalatyn MEGAPark saýda oıyn-saýyq ortalyǵynyń kireberisinde ornalasqan. Endi osy Juldyzdar alleıasynda aqyn Oljas Súleı­menovtiń ataýly juldyzy bar. Dúısenbi kúni dúkenge jınal­ǵan kópshilik kózi tiri aqyn­darynyń ishinde ataqtysy, jazý­shy-ádebıettanýshy, qoǵam qaırat­keri Oljas Súleımenovpen dıdarlasyp, qoltańba alyp, erekshe sátterdi bas­tan ótkerdi. Osynaý qýanyshty oqıǵaǵa elimizdiń ǵylym, mádenıet, óner salasyndaǵy kórnekti qaı­rat­kerleri Asanáli Áshimov, Murat Áýezov, Tımýr Súleımenov, Efım Zýslın, Maıdan Ábishev, Safar Abdýllo syndy tanymal adamdar ortaqtasty. «Juldyzdar alleıasy naryq­tyq ekonomıka jaǵdaıynda úlken dúkenniń qasynda ornalasqany durys, bul qýantady. О́ıtkeni, mádenıet te naryqtyq ekonomı­kanyń zańdaryna baǵynady. Jyl­darǵa sozylatyn úlken joba­larym bar. Sizderdiń osy qur­met-qoshemetterińiz maǵan shyǵar­mashylyq qýat beredi. Eń bas­tysy, yntymaq pen tynyshtyq bolsyn. Elimiz aman bolsyn! Álemniń túkpir-túkpirin aralaımyn. Mazasyz kún keship jatqan elderde, shıelenisti aımaqtarda da boldym. Mundaı jerlerge barǵannan keıin meniń jazýǵa degen qulshynysymnyń qýaty arta túsedi. Barlyqtaryńyzǵa alǵysymdy bildire otyryp, budan keıin de sizderdiń qur­met­terińizdiń údesinen shyǵa­myn dep úmittenemin», – dedi Oljas Súleımenov. Alleıadaǵy ataýly juldyzdyń ashylýynda elimizdiń tanymal tulǵalary sóz alyp, saltanatty oqıǵanyń salmaǵyn arttyrdy. «Bul Juldyzdar alleıasy uzaq jasaıdy degen úmittemin. О́ıtkeni, ol Oljas Súleımenov sııaq­ty adamdarǵa arnalǵan. Bular – ǵasyrlar boıy damyp kele jatqan mádenıetke qyzmet etetin adamgershiliktiń joǵary dáre­jesine ıe tulǵalar sanatynda. Munyń barlyǵy Qazaqstanda ǵana emes, búkil Jer sharynda tynysh­tyq bolýy úshin jasalyp otyrǵan ıgi is», – dedi Murat Áýezov. Astana Group prezıdentiniń mádenıet jónindegi keńesshisi Aıdyn Sultanovtyń aıtýynsha, Juldyzdar alleıasynda Oljas Súleımenovtiń de Juldyzyn «jaǵaıyq» degen usynysty akter Asanáli Áshimov bastaǵan. Oljas Súleımenovtiń jul­dyzy mármárdan, mys pen jezden jasalynǵan. О́lshemi – 60h60 sm. Aldymen Juldyzdar alleıasynda eki dúrkin Olımpıada chempıo­ny, «DOM» qorynyń basshysy Arýjan Saınnyń juldyzy jandy. Arýjan Juldyzyn qaıyrym­dylyqpen aınalysatyn qazaq­stan­dyq azamattarǵa arnady. Keıi­nirek Juldyzdar alleıasyn Olım­pıada chempıony, Qazaqstan velosport federasııasynyń vıse-pre­zıdenti Aleksandr Vıno­kýrovtyń Juldyzy, bıylǵy qyr­kúıek aıynda akter, kıno jáne teatr rejısseri, ssenarıı qoıýshy, ustaz Asanáli Áshimovtiń Juldyzy «jandy». Aınash ESALI, «Egemen Qazaqstan» ALMATY