Hanzada Jýmongtyń kıimi

Koreıa Respýblıkasynyń Qazaqstan Respýb­lıka­syndaǵy elshiligi janyndaǵy Koreı mádenı ortalyǵy men Ulttyq mýzeıdiń birlesken taǵy bir jobasy – «Hanbok sıqyry» dástúrli koreı kıimderiniń kórmesinde usynyldy Kórmeniń ashylý rási­minde Ulttyq mýzeıdiń dırektory Darhan Myńbaı Koreı Respýblıkasynyń Qazaqstandaǵy elshisi Han Man Chýn men Koreı el­shiligi janyndaǵy Mádenı ortalyqtyń dırektory Lı De Vonǵa, sondaı-aq Koreı Respýblıkasyndaǵy Hanbok Federasııasynyń prezı­denti Lı Sý Dongqa baǵa jet­pes ulttyq qundy­lyqtardy jetkizip jáne bul jobany júzege asyrýǵa atsa­lys­qan­dary úshin rıza­shylyq bildirdi. Osy oraıda aıta ketetin taǵy bir jaıt, «hanbok» koreı tilinen aýdarǵanda, koreı mádenıetiniń iske asqan pál­sapalyq kózqarastaryn, estetıkasyn, sondaı-aq ózin­dik ereksheligin tanytatyn «koreı kıimi» degen uǵymdy bildiredi eken. Al Koreıada batystyq úlgidegi kıimder paıda bolǵanǵa deıin, hanbok káris halqynyń kúndelikti kıimi sanalǵan. Búgingi tańda ol jaqta ulttyq kostıým ádette halyqtyq merekeler (Chýsok – egin merekesi, Jańa Aı jyly) jáne otbasylyq saltanattar sátinde kıiledi. Ekspozısııaǵa taqta otyr­ǵan Choson áýletinen bastap, búgingi koreıdiń dástúrli hanbok kıiminiń ár túri­nen 96 eksponat qoıyldy. Taǵy bir qyzyqty jaǵdaı, bulardyń ishinde «Hanzada Jýmong» serıalynyń bas keıipkerleriniń túpnusqa­daǵy kostıýmderi bar... Koreıa­­nyń san ǵasyrlyq dástúrleri ereksheligin sezinýge múmkin­­dik beretin kórmeniń esigi 26 qazanǵa deıin ashyq.