Qazaqstan Prezıdenti Nursultan Nazarbaev Taıland koroli Phýmıpon Adýlıadettiń qaıtys bolýyna baılanysty Taıland Koroldiginiń Premer-mınıstri Praıýt Chan-Ochaǵa kóńil aıtý jedelhatyn joldady dep habarlaıdy Egemen-aqparat Aqordanyń baspasóz qyzmetine silteme jasap.
Jedelhatta Taıland koroliniń qaıtys bolǵany týraly habardy Memleket basshysynyń zor kúızelispen qabyldaǵany aıtylǵan.
«Korol Adýlıadetti parasatty basshy, memleketterimiz arasynda dostyq qatynastar ornaýyna jáne nyǵaıýyna erekshe úles qosqan kórnekti tulǵa retinde qazaqstandyqtar árdaıym este saqtaıdy», – dep jazylǵan kóńil aıtý jedelhatynda.
Nursultan Nazarbaev qaıǵyǵa ortaqtasyp, óziniń jáne Qazaqstan halqynyń atynan Praıýt Chan-Ochaǵa, koroldiń otbasy múshelerine jáne barsha Taıland halqyna kóńil aıtty.