Kásipqoı boksshy, Qaraǵandy boks mektebiniń túlegi Rýslan Madıev óziniń segizinshi jekpe-jegin jeńispen aıaqtady.
Amerıkanyń Kosta Mesa qalashyǵynda ótken boks keshinde qazaqstandyq bylǵary qolǵap sheberi meksıkalyq qarsylasy Baltazar Ramıresti upaı sanymen utty.
Aıta ketetini, Rýslan alty raýndyq jekpe-jek synyna tuńǵysh ret tústi. Al onyń qarsylasynyń osynsha raýndtan turatyn aıqastarda budan buryn da baq synaǵan tájirıbesi bar bolatyn.
Eske salar bolsaq, Rýslan Madıev buǵan deıin kásipqoı rıngte jeti jekpe-jek ótkizip, sonyń bárinde de jeńiske jetken.