Afrıka-Eýrazııa kongresi Iаsaýı jolymen júredi

Almaty qalasynda Túrkııanyń Dýmlýpynar ýnıversıtetiniń áleýmettik ǵylymdar ınstıtýty men Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń Eýrazııa ǵylymı-zertteý ınstıtýty birlese otyryp, I Halyqaralyq Afrıka-Eýrazııa zertteýler kongresin ótkizdi. Bıylǵy kongrestiń taqy­ryby «Afrıka-Eýrazııa elde­rindegi qoǵam, aqparat jáne aq­parattyq tehnologııalar» dep atalady. Kongreste Afrıka-Eýrazııa elderindegi aqparattyq tehnologııalardyń qoǵam men saıasatqa yqpaly baǵalanyp, osy aımaqtarǵa qatysty túrli máse­leler ǵalymdar talqysyna salyndy. «Afrıka-Eýrazııa zertteýler kongresi áleýmettik ǵylymdar salasynda júrgiziletin zertteýler deńgeıin arttyrýǵa jáne túrli mádenı úderisterdi salystyrýǵa septigin tıgizedi. Osylaısha, Af­rıka-Eýrazııa qalalarynan kelgen áleýmettanýshylar óz ǵy­lymı-zertteýleri men ju­mys­­taryn usynyp, áleý­mettaný sa­lasyndaǵy zertteýler­ge jalpy jáne aımaqtyq ma­ǵy­nada úles qosa alatyn bolady», – deıdi osy sharany uıym­das­tyrýshylardyń biri, Dým­lý­pynar ýnıversıtetiniń dokto­ry Hakan Arıdemır. Hakan Arıdemırdiń aıtýynsha, Kongrestiń maqsaty – ǵa­lymdardyń zertteý ju­mystary men aımaq máselelerine qatysty jańa tujyrymdaryn, pikirlerin jınaqtap, bul máselelerdi she­shý ádisterimen, tásilderimen bó­lisý úshin jyl saıyn ótki­ziletin biryńǵaı ortalyqqa aınalý bolyp tabylady. 2016 jyl IýNESKO tarapynan «Qoja Ahmet Iаsaýı jyly» retinde jarııalanǵan bolatyn. Osy turǵyda kongrestiń taǵy bir maqsaty – Qoja Ahmet Iаsaýı men onyń shákirtteri júrip ótken jol boıynsha kongresti Afrıka-Eýrazııa aımaǵyndaǵy qalalarda uıymdastyrý. Iаsaýı ilimi men hıkmetteriniń qa­nat jaıyp, taraǵan jeri, rý­hanı ilimniń bastaý-bulaǵy Qazaqstan bolǵandyqtan jáne uly oıshyl qazaq dalasynda jerlengendikten, alǵashqy kongresti Almatyda ótkizý uı­ǵarylǵan. Hakan Arıdemırdiń málimetine qaraǵanda, Iаsaýıdiń shartarapqa ilim taratqan 100 myńǵa tarta shákirti bolǵan. Sol sebepti kongress jyl saıyn Afrıka-Eýrazııa aımaǵynyń ár túrli qalalarynda ótkiziledi dep josparlanyp otyr. Tap osyndaı sharanyń 2017 jyldyń sáýir aıynda Ispanııada ótetini belgili boldy. Sóz alǵan spıkerlerdiń aı­týynsha, Afrıka-Eýrazııa Kongresi áleýmettaný sala­synyń ǵalymdaryna, memleket bıleýshilerine, sheshim qabyldaýshylarǵa, jeke sektor men ınvestorlarǵa paıdaly bolmaq. Halyqaralyq Afrıka-Eýrazııa zertteýler kongresine álemniń túrli aımaqtarynan úlken qyzyǵýshylyq tanytylýda. Kongreske Túrik Respýb­lıkasynyń Almaty qala­syndaǵy Bas konsýly Ryza Kaǵan Iylmaz, Qoja Ahmet Iаsaýı atyndaǵy Halyqaralyq qazaq-túrik ýnı­versıtetiniń ókiletti keńes tór­aǵasy, professor, doktor Mu­sa Iyldyz, Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń ókiletti keńes múshesi, professor, doktor Muhıdtın Shımshek, Bıledjık Sheıh Edebalı ýnıversıtetiniń rektory professor, doktor Ibrahım Tash, Eýrazııa ǵylymı-zertteý ınstıtýtynyń dırektory dosent, doktor Nevzat Shımshek, Dýmlýpynar ýnı­versıteti áleýmettik ǵy­lymdar ınstıtýtynyń dırek­tory dosent, doktor Nııazı Kýrnaz jáne basqa da elderden 150-ge jýyq ǵalym qatysyp, saıasat, ekonomıka, áleýmettaný, tarıh máseleleri boıynsha túrik, aǵylshyn, fransýz, nemis, orys tilderinde pikir almasyp, óz jobalaryn tanystyrdy. Aıgúl AHANBAIQYZY, «Egemen Qazaqstan» ALMATY