Astana qalasynda jaqynda Qazaqstan Respýblıkasynyń Tuńǵysh Prezıdenti – Elbasynyń kitaphanasynda Qazaqstan men Reseı arasyndaǵy HIII aımaqaralyq yntymaqtastyq forýmy aıasynda jastarǵa qatysty ózekti máselelerge baılanysty halyqaralyq ǵylymı-tájirıbelik konferensııa ótti.
Onyń jumysyna otandyq jáne sheteldik ǵalymdar, ǵylymı-zertteý ınstıtýttarynyń, oqý oryndarynyń, qoǵamdyq birlestikter men halyqaralyq uıymdardyń ókilderi qatysty.
Is-shara barysynda bilim berý júıesi, kásipkerlikti damytý, jumys oryndarymen qamtamasyz etý men qoljetimdi baspana syndy Qazaqstandaǵy jastar problemalary talqylandy. Sonymen qatar, jastar saıasatyn damytýdaǵy basty baǵyttarǵa baılanysty birqatar mańyzdy sheshimder qabyldandy.
Konferensııa aıasynda «Jastar» ǵylymı-tanymdyq ortalyǵy men Jastar saıasaty jáne halyqaralyq qatynastar ınstıtýty federaldyq memlekettik bilim berý mekemesi – Máskeý tehnologııalyq ýnıversıteti, Qazaqstan stýdentter alıansy men Búkilreseılik stýdentter odaǵy jáne «Jasyl el» jastar eńbek jasaǵy men Reseılik stýdentter jasaǵy arasynda memorandýmǵa qol qoıyldy.
Konferensııa Bilim jáne ǵylym mınıstrligi, L.N.Gýmılev atyndaǵy Eýrazııa ulttyq ýnıversıteti jáne «Jastar» ǵylymı-tanymdyq ortalyǵymen birlesip uıymdastyryldy.