Úırenetin úrdisterimiz kóp

– deıdi óńiraralyq mádenıet kúnderin tıimdi yqpaldastyq alańyna aınaldyra bilgen qos taraptyń qatysýshylary Elbasy aldymyzǵa irgeli mindet etip qoıǵan «О́ńirlerdiń damýy – eldiń damýy» talaby búgingi kúni ómir shyndyǵymen úılesim taýyp otyrǵanyn ańǵarý qıyn emes. Onyń naqty mysalyn Shyǵys Qazaqstan men Soltústik Qazaqstan oblystary arasynda ornyqqan áriptestik baılanystardan kórýge bolady. Tabıǵı-geografııalyq, klımattyq, mádenı-tarıhı dástúrlerinde uqsastyǵy mol qos aımaq áleýmettik-ekonomıkalyq zor áleýetimen qosa Qojabergen jyraý, Segiz Seri, Abaı, Shákárim, Maǵjan, Muhtar sekildi uly tulǵalarymen de maqtana alady. Maýsym aıynda Qyzyljar eliniń delegasııasy Kendi Altaı ólkesine saparlap, ónerpazdary án men kúıge bólep qaıtsa, osy joly shyraıly Shyǵystyń mádenıet kúnderi «Kelisim men jasampazdyqtyń 25 jyly» uranymen ótip, «Altyn Altaı» baǵdarlamasy aıasynda jan-jaqty jarasym tapty. «Aralaspasa, aǵaıyn da jat. Atyń barda el tany jelip júrip» dep tekke aıtylmaǵan. Shyǵys Qazaqstan oblysynyń ákimi Danıal Ahmetov bastaǵan delegasııa ókilderin aımaq basshysy Erik Sultanov jarqyn júzben qarsy alyp, aldymen taıaýda boı kótergen «Green park» demalys qalashyǵy, týrıstik salanyń damý barysy men aldaǵy múmkindikteri tanystyryldy. Tabıǵı, tarıhı erekshelikterimen sheteldik týrısterdiń nazaryn aýdaratyn kórikti jerler qos óńirde de jetip artylatyny aıtyldy. Sport saraıynda ótken ekijaqty kezdesýde yntymaqtastyq baılanystyń nátıjeleri qorytyndylanyp, jańa mindetter belgilendi. Munyń aldyndaǵy saparda 60 mıllıon teńgeniń kelisimsharttary jasalǵan bolsa, osy joly iri óndiristik qýatqa ıe aýyr mashına jasaý jáne saýda-sattyq salalaryna erekshe basymdyq berildi. Shyǵys Qazaqstannan jylyna 3,5 mıllıard teńgeniń túr­li ónimderi men taýarlary tasymaldanyp, olardy negizinen avtokólikter, traktorlar, et ónim­deri, qurylys materıalda­ry quraıdy. Oblysaralyq ekonomıkalyq áleýetti qarqyndy órkendetý jónindegi Prezıdent tapsyrmalaryn oryndaýda yn­tymaqtastyqty tereńdetýdiń tıimdi nusqalary mańyzdy ról atqarady, dedi óz sózinde Erik Hamzauly. – Táýelsizdiktiń alǵashqy keze­ńinde birge jumys istep, týys­taı bolyp ketken soltús­tik­qa­zaqstandyqtardyń búgingi eń­bek qulshynysy meni erekshe qyzyqtyryp otyr. Qaı salany alaıyq zor basymdyqqa ıe ekenine kózimiz anyq jetti. О́ńirler qýatty damysa, mem­lekettiń de irgesi nyq bolady, –degen Danıal Kenjetaıuly bul júzdesýdiń strategııalyq mánin atap ótti. Soltústik Qazaqstan ag­ro­­tehnıkanyń úzdik úlgilerin jetik meńgergen. Ásirese, aý­yl sharýashylyǵy salasynda básekege qabilettilik qarymy myq­­­ty. Indýstrııalyq óndiris kesheni áskerı maqsatta da ónimder shyǵarady. Bul – teńdesi joq úlken jetistik. Shyǵys Qazaqstan elimizdiń ındýstrııalyq ortalyǵy sanalady. Iınnovasııalyq tehnologııa­lar keńinen qoldanylady. Eki­jaqty yntymaqtastyq shara­laryna ınvestısııalyq jobalardy júzege asyrý tetik­teriniń tartylýy tekten tek emes. Petropavl aýyr mashına jasaý zaýyty О́skemen tıtan-magnıı kombınatymen jylytqyshtardy jetkizý jóninde kelisimshart jasasty. «Munaımash» AQ «ArbatVostokServıs» JShS-men qoıan-qoltyq jumys isteıdi. «Qazmunaıgazmash» «Arm Saýda» seriktestigine tıekti armatýralar jóneltedi. Sol sııaqty marketıng, brendteý, bal sharýashylyǵynyń daıyn ónimin ótkizý, kúnbaǵys dánin jetkizý boıynsha da baılanys jetile túsken. Budan bólek kóterme saýdamen aınalysatyn kásiporyndar altaılyq taýar óndirýshilerden ósimdik maıyn satyp alatyn boldy. О́ndiristiń zor áleýeti Shyǵystyń shyraıyn keltirip otyrǵany esh talas týdarmaıdy. Sońǵy 10 jylda onyń kólemi 2,5 ese artqan. Osyndaı áleýeti zor óńirge óz ónimin satýǵa ázir ekendigin «Petropavl traktor zaýyty» BK» JShS bas dırektory Sergeı Shınkarenko málimdedi. Zaýyt jylyna 100 tehnıka qurastyrýǵa qaýqarly. Baǵa qoljetimdi, al sapasy men qýattylyǵy basqalardan esh kem emes. Elimiz boıynsha aýyr mashına jasaý kóshin bastap turǵan shyǵysqazaqstandyqtar birqatar usynystarmen kelipti. Máselen, «Daewoo Bus Kazakhstan» JShS avtobýstardyń 5 túrin shyǵarady eken. Kezdesý sońynda qos oblystyń basshylary mashına jasaý salasynda tyǵyz baılanys ornatýǵa tolyq múmkindik bar ekenin jetkizdi. О́skemen tıtan-magnıı kombınaty Petropavl aýyr mashına jasaý zaýytyna kezekti tapsyrys berdi. Teriskeıdiń qatal aýa raıynda synaqtan oıdaǵydaı ótken «SAMPO Asia» kombaındaryn satyp alatyn boldy. Sondaı-aq, Shyǵys Qazaqstannan ósimdik maıy shıkizatyn tasymaldap, daıyn ónimge aınaldyrý belgilendi. «Kelisim men jasampazdyqtyń 25 jyly» uranymen ótkizilip jatqan Shyǵys Qazaqstan obly­synyń Soltústik Qazaqstan ob­lysyndaǵy mádenıet kúnderi aıasynda shyǵysqazaqstandyq de­legasııa óńirimizdiń birqatar áleýmettik, óndiristik nysandaryn aralady. «Sút ónimderi» JShS-niń is-tájirıbesimen tanysty. Eń ozyq qural-jabdyqtar ornatylǵan zaýyt táýligine 300 tonna ónim óńdeıdi. Sheteldik qýatty tehnologııalardyń arqa­synda jylyna 90 myń tonna daıyn ónim shyǵarady. Bıyl 3 myń tonna ónim eksporttalǵan. Petropavl aýyr mashına jasaý zaýyty munaı-gaz óndirisine, munaı-hımııa jáne munaı óńdeýge, energetıka men temir jolǵa arnalǵan jabdyqtar shyǵarýǵa maman­danǵan. Qyzyljar aýdanyndaǵy «Zenchenko jáne K» kommandıttik seriktestigi sút ónimderiniń 34 túrin shyǵaryp, 30 tonnasyn Asta­naǵa jóneltedi. 75 mıllıon teńgege eki mal kesheni salyn­ǵan. Reseımen shekaralas oblys turǵyndaryn ekologııalyq taza ári tabıǵı sút ónimderimen qamtamasyz etedi. Shyǵys Qazaqstan oblysynyń mádenıet kúnderi N. Pogodın atyndaǵy oblystyq orys drama teatrynda Táýelsizdigimizdiń 25 jyldyǵyna arnalǵan gala-konsertpen túıindeldi. Shuǵylaly Shyǵystan ásem án men kúmbir­legen kúı bolyp jetken sazdy áýen keshin tamashalaýshylar qarasy qalyń boldy. «Shyǵys Qazaqstannyń sýretshileri. Ýaqyt portretteriniń erekshelikteri» jáne «Úlken joldyń kezeńderi» atty kórmelerge on saýsaǵynan óner tamǵan sýretshilerdiń qyl­qalamynan shyqqan elýden astam shyǵarma men myńǵa jýyq túrli buıym qoıyldy. Gala-konsert uly Abaıdyń «Jelsiz túnde jaryq aı» ánimen bastalyp, Perızat Turarova, Gúldana No­ǵaı­baeva, Altyn Smaseıitova sekildi kúmiskómeı ánshiler kesh­tiń gúline aınaldy. «Jastar» horeografııalyq ansamblimen birge «Alǵa, Qazaqstan!» ánin oryndaǵan Dáýren Ábenov shyr­qaǵan patrıottyq ándi kóp­shilik aıaqtarynan tik turyp tyńdady. Tógiltip jyryn, kúmbirletip kúıin tókken shyraıly Shy­ǵystyń konserttik baǵ­dar­lamasy ereksheligimen este qaldy. Tama­sha konsertten rýhanı azyq alyp, kóterińki kóńil-kúıge bó­lengen kórermender óske­mendik ónerpazdarǵa zor qoshemet kórsetti. О́r Altaıyn erkeleı jaı­laǵan, eli darhan, ańyzǵa aınalǵan shejireli, batyrlar eli ekenin, jeri baı, tabıǵaty kórgen jannyń kóńilin baýraıtyn, elimizdiń ındýstrııalyq maqtanyshy, tústi metallýrgııa júregi, mádenı-rýhanı baı ólke ekenin bas­qa qyrynan da tanyp-bil­gendeı boldy. О́mir ESQALI, «Egemen Qazaqstan» Soltústik Qazaqstan oblysy Sýretterdi túsirgen Amangeldi BEKMURATOV