Keshe palata Tóraǵasy Nurlan Nyǵmatýlınniń tóraǵalyǵymen Májilistiń bıýro otyrysy ótti, dep habarlady osy palatanyń baspasóz qyzmeti.
Aldaǵy jalpy otyrysta depýtattar nazaryna jábirlenýshilerge zııandy óteý qory týraly jáne oǵan ilespe zań jobasy birinshi oqylymda usynylady dep kútilýde. Zań jobasy jábirlenýshilerge qylmystyq quqyq buzýshylyqtardan keltirilgen zııandy óteý salasynda týyndaıtyn qoǵamdyq qatynastardy retteýge baǵyttalǵan.
Sonymen birge, 1995 jylǵy 23 jeltoqsandaǵy Reseımen Baıqońyr qalasynyń mártebesi jáne ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgerister engizý týraly hattamany ratıfıkasııalaý týraly zań jobasyn qaraıdy. Hattamanyń maqsaty Baıqońyr qalasynda tirkelgen salyq tóleýshilerge qosarlanǵan janama salyqtar salý máselelerin retteý.
Bıýro otyrysynda, sondaı-aq, qylmystyq, qylmystyq-prosestik jáne qylmystyq-atqarý zańnamasyn odan ári jańǵyrtý degen taqyrypta parlamenttik tyńdaý ótkizý máselesi de talqylandy.