Memleket basshysy Nursultan Nazarbaev Astana qalasynyń ákimi Áset Isekeshevti qabyldady, dep habarlady Prezıdenttiń baspasóz qyzmeti.
Kezdesý barysynda Elbasyna Á.Isekeshev elordanyń bıylǵy 9 aıdaǵy áleýmettik-ekonomıkalyq damý qorytyndylary, Táýelsizdiktiń 25 jyldyǵyn merekeleýge jáne EKSPO-2017 halyqaralyq kórmesin ótkizýge daıyndyq barysy týraly baıandady.
Atap aıtqanda, qala ákimi Qazaqstan Prezıdentine áleýmettik mańyzy bar nysandar jáne ózge de ǵımarattar qurylysynyń kezeńderi, olardy iske qosýǵa ázirlik barysy týraly málimdedi.
Nursultan Nazarbaev negizgi nysandardy iske qosýdyń belgilengen merzimin saqtaý qajettigin, sondaı-aq qurylys sapasyn arttyrýdyń mańyzdylyǵyn atap ótti.
Kezdesý qorytyndysy boıynsha Memleket basshysy birqatar naqty tapsyrma berdi.
Sýretter Prezıdenttiń baspasóz
qyzmetinen alyndy