Qazaqstannyń árbir oblysynda ınsýlt ortalyqtaryn ashý kózdelip otyr, dep habarlady «Neırohırýrgııa ulttyq ortalyǵy» AQ basqarma tóraǵasy, QR Densaýlyq saqtaý jáne áleýmettik damý mınıstrliginiń shtattan tys neırohırýrgi Serik Aqsholaqov.
QR Densaýlyq saqtaý jáne áleýmettik damý mınıstrligi jýrnalıster úshin qazirgi zamanǵy medısınalyq ortalyqqa press-týr uıymdastyrdy. Onda mamandar ortalyqta jasalatyn operasııalar men ınnovasııalar jóninde aıtyp berdi.
Naqtyraq aıtqanda, Serik Aqsholaqov adamdar arasynda keń taraǵan arýlardyń biri ınsýlt bolyp tabylatyndyǵyn aıtty. Bul aýrýmen aýyrǵan adamdar 90 paıyz jaǵdaıda ómirimen qosh aıtysady ne múgedek bolyp qalady. Búgin osyndaı jaǵdaıdyń aldyn alý úshin arnaıy hırýrgııalyq operasııalar jasalady.
«Biz jyl saıyn 2,3 myńǵa jýyq josparly operasııalar jasaımyz. Olardyń shamamen 60-70 paıyzynda jańa tehnologııalar qoldanylady. 400 operasııa tek adam mıynyń qan tamyrlary aýrýlaryna baılanysty jasalady. Bul ınsýltqa alyp kelýi múmkin patologııalar. Biz olardy hırýrgııalyq aldyn alý dep aıtamyz»,-deıdi Serik Aqsholaqov.
Mundaı operasııalar memleket úshin 3 mln teńge turady. Shet memleketterd ony 60-150 myń AQSh dollaryna jasaıdy. Ortalyq Azııada mundaı hırýrgııalyq operasııalardy tek Qazaqstanda jasaıdy. Sol sebepti de munda Qyrǵyzstan, О́zbekstan, Tájikstan sııaqty memleketterden tipti Reseıden de naýqastar kelip jatady.
Ortalyq iske qosylǵan 8 jyl ishinde bul jerde 150 sheteldik emdelgen.