Bokssúıer qaýym qazannyń 29-y kúni «Almaty arena» saraıynda ótetin boks keshin tikeleı efır arqyly «Qazaqstan» Ulttyq arnasynyń efırinen tamashalaı alady, dep habarlaıdy Egemen-aqparat.
Atalmysh keshtiń basty kezdesýi - qazaqstandyq Qanat Islam men Patrıok Alloteı arasynda ótedi. Qarsylastar WBA Fedelatin ataǵy men WBO Intercontinental dárejesindegi chempıondyq belbeý úshin baq synasady.
Kórermender osy keshtegi barlyq kezdesýlerdi saǵat 18-00-den bastap tamashalaı alady.
Aıta keteıik, jaqynda ǵana Qanat Islam Almatyda ashyq jattyǵý ótkizdi.
«О́z Otanymdy mundaı kezdesý ótkizý men úshin mártebe. Meniń qarsylasym osal adam emes. Ol ózi ótkizgen 36 kezdesýdiń 28-in nokaýtpen jeńgen. Men jankúıerlerimniń qoldaý kórsetetinine senemin»,-dedi Qanat subattarynyń birinde.
Bul keshte kórermender álem chempıony, Azııa jáne Azııa oıyndarynyń jeńimpazy, Rıo-de Janeıroda ótken Olımpıada oıyndarynyń qatysýshysy Jánibek Álimhanulynyń kezdesýin de tamashalaıdy. Ol kásipqoı bokstaǵy alǵashqy kezdesýin kolýmbııalyq Mılton Nýneske qarsy ótkizedi.
Sondaı-aq osy kúni bokssúıer qaýym qazaqstandyq tanymal boksshylar Janqosh Turarov, Rýslan Myrsataev, Álı Ahmetov, Aıdar Sharıbaev pen Aıdos Erbosynulynyń da jekpe-jekterin tamashalaıdy.