Búgin EKSPO-2017 halyqaralyq mamandandyrylǵan kórmesiniń uıymdastyrýshy keńsesinde «Astana EKSPO-2017» ulttyq kompanııasy» AQ Basqarma Tóraǵasy Ahmetjan Esimov Vengrııanyń Ulttyq ekonomıka jónindegi mınıstri Mıhaı Vargamen kezdesti. Basqosý barysynda eki jaq «Astana EKSPO-2017» kórmesine Vengrııanyń qatysýy barysy týraly talqylady.
Ahmetjan Esimov Qazaqstan men Vengrııany tereń tarıhı tamyr men mádenı dástúrdiń baılanystyratyndyǵy atap ótti. Basqarma tóraǵasy EKSPO nysandarynyń daıyndyǵyna jáne pavılondardyń halyqaralyq qatysýshylarǵa ótkizýge daıyn ekendigine toqtaldy, dep habarlaıdy «Astana EKSPO-2017» ulttyq kompanııasy» AQ baspasóz qyzmetinen.
«Biz vengr pavılonyn kórdik, barlyq jumystardyń merzimine sáıkes júrgizilip jatqandyǵyn bildik. Biz osy is-sharaǵa meılinshe kóp Vengrııa kásiporyndaryn tartýǵa talpyndyq. Bul rette, bizdiń osy delegasııa quramyna 60 bıznesmen qosyldy», - dedi Vengrııanyń Ulttyq ekonomıka jónindegi mınıstri.
EKSPO-2017 qatysýshylary men qonaqtaryn tasymaldaý úshin vengrlik áriptester Kórmege sonaý Keńes odaǵy kezinen belgili IKARÝS jańa zamanaýı elektrobýstarynyń shýsyz, qorshaǵan ortany lastamaıtyn túrlerin ákelýge daıyn ekendigin jetkizdi.
Aıta ketý kerek, búginde Astana EKSPO-2017 kórmesine óziniń qatysatyndyǵyn 104 memleket pen 17 halyqaralyq uıym rastady, 98 memleket komıssarlaryn taǵaıyndap, 82 qatysý kelisimshartyna qol qoıyldy.