Vengr ǵalymdary aldaǵy 2-3 aıda Keıki batyrdyń kelbetin qalpyna keltirýdi josparlap otyr, - dep habarlaıdy "Egemen-aqparat" Tengrinews.kz saıtyna silteme jasap.
Antropolog Andrash Jolt Bıro Olar bul jumysta batyrdyń bas súıegin qoldanatynyn aıtty. Aıta keteıik, 2016 jyldyń 13 qazanynda Qazaqstan Respýblıkasynyń Ortalyq memlekettik murajaıy (OMM) Qazaqstan Respýblıkasynyń Vengrııadaǵy Elshiliginiń qolǵabysymen Býdapesht qalasyna Keıki batyrdyń bas súıegi jetkizilgen bolatyn.
Bıronyń aıtýynsha, jumys qorytyndysyn Qazaqstanda tanystyrý josparlanǵan. "Ǵylymı nátıjelerdi biz Qazaqstannyń Táýelsizdigi kúni tanystyratyn shyǵarmyz, árıne bizdi shaqyrǵan kezde. Biz úsh ólshemdi úlgisin jasaıtyn bolamyz. Bul batyrdyń esimi máńgilik este saqtalý úshin jasalady", - dedi Bıro. Sonymen qatar, onyń aıtýynsha, batyrdyń bassúıegine saraptama júrgizip, bassúıekke tıgen zaqymdardy anyqtap, Keıki batyrdyń qalaı qaıtys bolǵanyn da anyqtaýdy josparlaǵan. "Bassúıektiń ishki bóliginen DNQ-syn alýǵa tyrysamyz. Ony batyrdyń urpaqtarynyń DNQ-symen salystyrýǵa bolady", - dedi ǵalym.
Eske salaıyq, antropologııalyq saraptamany Andrash Jolt Bıro men Shandor Evınger júrgizedi. Al Keıki batyrdyń bet-beınesin qalpyna keltirý jumystarymen Agnesh Kýshtar aınalysady. Osyǵan deıin, 2011 jyly Agnesh Kýshtar Ábilhaıyr hannyń (1693-1748 jyldary) beınesin qalpyna keltirý jumystarymen aınalysqan.