«Qazyǵurttyń» qarsylasy – «Parı Sen-Jermen»

Keshe ÝEFA-nyń áıelder komandalary arasyndaǵy Chempıondar lıgasy 1/8 fınaldyq raýndynyń jerebesi tartyldy. Nátıjesinde Qazaqstan klýbtary arasynan jarystyń osy kezeńine shyqqan birinshi ujym atanǵan Shymkenttiń «BIIK-Qazyǵurty» Parıjdiń «Parı Sen-Jermenimen» kúsh synasatyn boldy. Bizdiń qyzdar birinshi kezde­sýin qarsylastar alańynda 9 qarasha kúni ótkizedi. Al qarymta oıyny 17 qarashada Shymkentte oınalady. Osy rette buǵan deıingi toptyq oıyn­darda Ispanııanyń «Bar­selonasy» men Ger­manııanyń «Frankfýrtin» utyp, 1/16 fınalda Italııanyń «Ve­ronasyn» jarys jolynan shyǵaryp tastaǵan jer­les­terimizdiń kim-kimge de ońaı shaǵylatyn jańǵaq bola qoı­masyn aıta ketýimiz kerek. Onyń ústine, komandanyń sońǵy matchty óz alańynda ótkizetini biraz úmittiń qolamtasyn úrlep bergendeı bolyp otyr. Týrnırdiń bul kezeńinde sondaı-aq, Chempıondar lıga­synyń qazirgi chempıony «Lıon» (Fransııa) aldymen óz úıinde Shveısarııanyń «Sıýrıhimen» kezdesedi. Al Germanııanyń «Ba­varııasy» Reseıdiń «Rossııan­kasyn», Shvesııanyń «Eskıl­s­týna Iýnaıtedi» nemistiń «Volfsbýrgin» óz alańdarynda qabyldaıdy. Bulardyń bári alǵashqy matchtaryn 9 qarashada ótkizip, pleı-off oıyndaryn 17 qarashada aıaqtaıdy. Sol sııaqty 10 qarashada «Bar­­selona» (Ispanııa) – «Tven­te» (Nıderland), «Manchester Sı­tı» (Anglııa) – «Brondbıý» (Da­nııa), «Slavııa» Praga (Chehııa) – «Rýsengord» (Shvesııa), «Bre­shııa» (Italııa) – «Fortýna» Iorrıng (Danııa) komandalary ózara ushyrasady. Bulardyń qarymta oıyndary 16 qarasha kúni oınalady.   Rýslan IGILIK