Týr aıasynda turǵyn úı qurylysyn baqylaýǵa bolady

Elimizde bıyl «О́ńirlerdi damytýdyń jol kartasy-2020» baǵdarlamasy men memlekettik «Nurly jol» baǵdarlamasy aıasynda otandyq qurylys kompanııalarynyń qoldaýymen 326 myń sharshy metrdi quraıtyn jalǵa beriletin turǵyn úı paıdalanýǵa beriledi dep josparlanýda. Atalǵan baǵdarlamanyń dem berýimen birqatar turǵyn úıler Túrkistan qalasynan da boı kóterýde. Búginde bul qa­lada jalpy alańy 7,8 myń shar­shy metrdi quraıtyn 144 páterde qonys toı toılanady dep kútilýde. Onyń teń jartysy eki bólmeli bolsa (72 pá­ter), qalǵan jartysy bir já­ne úsh bólmeli páterler (36 páter­den). Qazirgi kezde aınalym jol­dyń boıynda ornalasqan tur­ǵyn úı alańqaıynda qurylys jumys­tary qyzý júrip jatyr. – Erekshe atap ótkimiz keletini, qurylysqa paıdalanylatyn materıaldardyń barlyǵy derlik Qazaqstanda shyǵarylǵan otandyq ónimder. Mysaly, sementten bas­tap, esik bloktary, syrlaý, jylytý  materıaldary men beton, gazoblok, polıetılen qubyrlar, tereze jáne PVH vıtrajdary,  qurǵaq, asfalt-betondy qospalar, temir-beton ónimderi syndy materıaldardyń barlyǵy da óz elimizde jasalǵan. Al endi páterlerdiń tapsyrylý merzimine kelsek, shattyqqa toly ondaı kún Táýelsizdik merekesimen tuspa-tus keledi dep josparlanǵan, – deıdi «Otaý-Stroı» kásiporny bas ınjeneri Abjat Akımov. Respýblıka kóleminde tur­ǵyn úı qurylysynyń qarqyndy júrýine muryndyq bolyp kele jatqan «Báıterek» hol­dın­giniń enshiles uıymy – «Qa­­zaqstan Ipotekalyq Kompanııasy» ıpotekalyq uıymy baǵdarlamanyń mańyzdylyǵy men áleýmettik sıpatyn eskere otyryp, barlyq qajetti is-sharalardy qabyldaýda. Osy maqsatta aǵymdaǵy jyly kompanııa baǵdarlama aıasynda bólinetin nysandar boıynsha arnaıy týrlar ótkizýde. Osyndaı jobalar arqyly respýblıka azamattary baǵdarlamany iske asyrý barysy men qurylys jumystaryna, aldaǵy ýaqytta baǵdarlamaǵa qatysýshylar turatyn turǵyn úı sapasynyń saqtalýyna tikeleı baqylaý júrgize alady. Sondaı-aq, «Qazaqstan Ipo­te­kalyq Kompanııasy» ıpotekalyq uıymy atalǵan baǵdarlama aıasynda Shymkentte jalpy alańy 54,7 myń sharshy metr bolatyn 900 páterlik turǵyn úı qurylysyn júrgizýde. Sonymen qatar, osy kúnderi memlekettik-jekemenshiktik se­riktestikter arqyly Astana qalasynda da 538 páterli turǵyn úı boı kóterýde. Nurlybek DOSYBAI, «Egemen Qazaqstan»