Kompozıtor Erkesh Shákeev óziniń qaıtys bolǵan uly Safar jaıly túsirilgen «Vstretımsıa na nebesah» fılmin usyndy.
«Búgin ulym jaıly túsirilgen fılmdi aıaqtadyq. Endi ony Safardyń dostaryna, otbasymnyń dostaryna usynyp otyrmyn. Men jarqyn, jaıdarly jandar jaıly, ózimniń úlken ulym jaıly únemi aıtatyn bolamyn», - dep jazǵan Erkesh Shákeev Facebook jelisindegi paraqshasynda.
Sondaı-aq, kompozıtor áleýmettik jelidegi jazbasynda qazaqstandyq boksshy Gennadıı Golovkınge alǵys bildirdi. Onyń aıtýynsha, Safar Golovkındy jaqsy kóretin. «Golovkın-Kell Brýk kezdesýinde boldym. Sol kezdesýge meni shaqyrǵan Edýard Kımge alǵys aıtamyn. Barǵanyma ókingen joqpyn. Raqmet saǵat, GGG. Safar seni jaqsy kóretin, Seni naǵyz er adam dep sanaıtyn. Seniń kórsetip júrgen qajyr-qaıratyn biz úshin mańyzdy. Sáttilik saǵan, Gennadıı Golovkın!», - dep jazdy kompozıtor.
Erkesh Shákeevtiń aıtýynsha, Safar jaıly fılmde onyń ulynyń Gennadıı Golovkınmen, Serik Eleýovpen jáne Baqtııar Artaevpen tanysqan sátteri túsirilgen. Aıta keteıik, fılmdi túsirýge QR Karate federasııasynyń prezıdenti Jastalap Sanaýov, dosy Ǵalymjan Jalaırı, Safardyń synyp jetekshisi Alla Iаrmýhomedova, Shákeevterdiń dosy Edýard Kım, Erbolat Togyzaqov pen basqa ártister qatysty.
Aıta keteıik, Safardy eske alý keshine estarada juldyzdary: Juldyz, Kental, Sıtora men Parvız Nazarovtar, Tolqyn Zabırova jáne Erık Tastambekov óziniń dostarymen birge kelgen. Olardyń barlyǵy Safar Shákeevtiń otbasyna qoldaý kórsetip otyrdy. «Bizdiń dosymyz Dana Ormanbaeva bizge arnaıy aspaptar men tehnıkalyq qyzmetshilerdi usyndy. Amerıkadan Safardyń bes dosy men ulymnyń mekteptegi úsh muǵalimi keldi. (...)», - dep jazdy kompozıtor.
«Mine, qurmetti qonaqtar, barlyǵymyz jınalyp, rýhanı kesh ótkizdik. Osyndaı qıyn sátte qoldaý bildirgenderińiz úshin alǵys aıtamyn! Barlyqtaryńyzǵa raqmet! Men sizderdi jaqsy kóremi, barlyqtaryńyzǵa tek jaqsylyq tileımin», - dep jazdy sońynda Erkesh Shákeev.