Astana qalasynyń ákimi Áset Isekeshev astanalyq turǵynnyń mektepterdegi aqsha jınaý máselesi týraly Facebook jelisinde jazǵan jazbasyna qatysty pikir bildirdi, - dep habarlaıdy «Egemen-aqparat»Tengrinews saıtyna sildeme jasap.
«Áriptester, aqsha jınaý máselesi boıynsha komıssııa óz jumysyn bastady. Aqsha jınaý derekteriniń barlyǵy zertteletin bolady, sáıkesinshe sharalar da qoldanylady. Bul másele túbegeıli sheshiletin bolady. Komıssııa atqarǵan jumystyń qorytyndysy boıynsha men sizdermen kezdesip, taǵy da osy máseleni talqylaýǵa daıynmyn. Ár mektepke deıin baratyn bolamyz!», - dep jazdy Isekeshev áleýmettik jelide.
Aıta keteıik, astanalyq turǵynnyń jazbasyna 30-dan asa adam pikir bildirdi.
«Biz balabaqsha nemese mektep tabaldyryǵyn endi basqan balalarymyzdy nege úıretip júrmiz? Apaıǵa kámpıt berseń, ol saǵan jaqsy qaraıtyn bolady dep úırettik pa? Bizdiń muǵalimderge ne bolǵan? Únemi aqsha surap turady? Bul áreketterin qalaı aqtap alýǵa bolady? Osy derekterdiń barlyǵyn mektep dırektorlary men Bilim basqarmasy ákimshiligindegilerge jaba salý kerek pa?», - dep jazǵan bolatyn Astana qalasynyń turǵyny Facebook jelisinde.
Aıta keteıik, osyǵan deıin Astanada mektepterde aqsha jınaý jaǵdaılarymen kúres jónindegi arnaıy komıssııa qurylǵany habarlanǵan bolatyn. Ákimdiktiń resmı saıtyndaǵy «Ákimge ótinish» servısi arqyly ákimniń atyna kelip túsken árbir saýal men ótinish boıynsha tekserý júrgizilip, aktiler jasalady, bilim berý uıymynyń basshylyǵyna tártiptik sıpattaǵy sharalar qoldanylady. Atalǵan jumystar Astana qalasynyń ákimi Áset Isekeshevtiń erekshe baqylaýyna alyndy.