2016 jyldyń 29 qazanynda elordalyq teatrdyń Úlken zaly sahnasynda «Astana Opera» teatrynyń artısteri men neapolıtandyq San-Karlo teatrynyń belgili artısteriniń qatysýymen Gala-balet usynylady. Bul týraly qala ákimdiginiń saıty habarlady.
Konsert «Astana Opera» Sımfonııalyq orkestriniń súıemeldeýimen ótedi. Dırıjeri Arman Orazǵalıev.
San-Karlo teatry atynan 6 solıst keledi, olardyń arasynda Antonella Albano, Maýrısıo Lıchıtra jáne Salvatore Mandzo sııaqty balet juldyzdary bar.
«Biz San-Karlo teatryndaǵy dostarymyzdy kóretinimizge qýanyshtymyz, olar buǵan deıin teatrymyzǵa búkil kordebalet quramymen kelip, «Jızel» baletin qoıǵan. Artıster úshin mundaı kezdesýler óte mańyzdy, óıtkeni ózara tájirıbe almasyp, jaǵymdy sezimnen qýat alamyz, al, onyń bári keıin bizdiń kórermenge beriledi, - deıdi Qazaqstannyń eńbek sińirgen qaıratkeri Taıyr Ǵataýov.
«Astana Opera» ártisteri de elorda turǵyndary men qonaqtary úshin birqatar tosyn syı daıyndap qoıǵan. Gala-balet baǵdarlamasy aıasynda taıaýda ǵana Balet ártisteriniń III halyqaralyq baıqaýynyń jeńimpazy atanǵan Baqtııar Adamjan men Serik Naqyspekov óner kórsetedi. «Astana Opera» teatry baletiniń jańa solısti Oljas Tarlanov P. Chaıkovskııdiń «Aqqýly kól» baletinde alǵash ret Zıgfrıdtiń rólin somdaıdy, onymen birge balettiń jetekshi solısi Áıgerim Beketaeva sahnaǵa shyǵady.