О́zbekstan basshysy mindetin ýaqytsha atqarýshy Shavkat Mırzıeevtiń kandıdatýrasy el prezıdenti saılaýyna qatysý úshin maquldandy.
"О́zbekstan premer-mınıstriniń kandıdatýrasy «budan buryn pleným usynǵan partııamyzdyń atynan prezıdent saılaýyna qatysatyny biraýyzdan bekitildi", dep habarlady RBK О́zbekstan Lıberaldy-demokratııalyq partııasynyń (О́LDP) ókiline silteme jasap.
О́LDP ókiliniń aıtýynsha, taıaý ýaqytta partııa tirkeý úshin Ortalyq saılaý komıssııasyna kandıdat týraly málimetterdi usynady.
О́zbekstan Prezıdenti Islam Karımov 2 qyrkúıekte 79-ǵa qaraǵan shaǵynda ınsýlt alyp, qaıtys boldy. Buǵan deıin premer-mınıstr qyzmetin atqarǵan Shavkat Mırzıeev el prezıdentiniń ýaqytsha mindetin atqarýshy bolyp taǵaıyndaldy.
Qyrkúıektiń basynda О́zbekstan Ortalyq saılaý komıssııasy osy jyldyń 4 jeltoqsanynda el prezıdentiniń saılaýyn ótkizý týraly sheshim qabyldady. Konstıtýsııaǵa sáıkes, eger prezıdent óz mindetterin oryndaı almaǵan jaǵdaıda, jańa saılaý úsh aı ishinde ótýi tıis. Prezıdent mindetin zań boıynsha senat tóraǵasy oryndaýy qajet. Qazir О́zbekstanda bul laýazymda Nıgmatýlla Iýldashev otyr. Budan buryn «RIA Novostı» habarlaǵandaı, ol prezıdent mindetin atqarýdan ózdiginen bas tartty.