Italııanyń Mılan qalasynda 2017 jylǵy XXVIII qysqy Ýnıversıada dıreksııasynyń basshysy Naıl Nurov halyqaralyq stýdentter jarysyn uıymdastyrý máseleleri boıynsha 2013 jylǵy qysqy Ýnıversıada uıymdastyrý komıtetiniń bas hatshysy Fılıppo Bazzanellamen kezdesti.
Osy arada 2013 jyly qysqy Ýnıversıada Italııanyń Trento qalasynda ótkenin eske sala keteıik. Jarysqa álemniń 700 ýnıversıtetiniń ókilderi qatysqan bolatyn. Sol jarysta 51 elden 1700-den astam stýdent 12 sport túri boıynsha saıysqa túsip, Oıyndar Trento qalasynyń 12 provınsııasynda ótken edi.
Ýnıversıadalar tarıhyndaǵy eń únemdi sport saıysy 2013 jylǵy ekenin aıta ketken jón. Ýnıversıadanyń operasııalyq bıýdjeti 5 mıllıon 125 myń eýrony qurap, bıýdjeti eń az oıyn boldy.
– Ýnıversıadany uıymdastyrý komıteti úshin Trento tájirıbesi óte mańyzdy. Ásirese, shyǵyndy tıimdi jumsaýyn úlgi etýimiz kerek. Aqshany únemdep-aq, jarysty joǵary deńgeıde ótkizýge bolady. Osy oraıda, Trentonyń tájirıbesi bizderge Ýnıversıadany asa qymbat emes etip ótkizýge kómektesýi kerek dep atap ótti, dedi dıreksııa jetekshisi Naıl Nurov.
О́z kezeginde 2013 jylǵy Ýnıversıadanyń bas hatshysy Almatydaǵy Ýnıversıadaǵa daıyndyq Halyqaralyq stýdentter sporty federasııasynyń barlyq talaby boıynsha joǵary deńgeıde ótip jatqanyn jetkizgen. Al Fılıppo Bazzanella myrza Almaty qalasynyń FISU tarıhyndaǵy eń úzdik Ýnıversıadany ótkizetinine senetindigin bildirdi.
– О́ıtkeni, qyrkúıek aıynda dástúrli delegasııa basshylarynyń kezdesýiniń ózin joǵary deńgeıde ótkizdi. Almatydaǵy qysqy Ýnıversıadaǵa kásibı mamandardan quralǵan top jumys isteýde. Bul jarys sizderdiń qalalaryńyzda stýdenttik sporttyń damýyna serpin beredi, – deıdi 2013 jylǵy qysqy Ýnıversıadany uıymdastyrý komıtetiniń bas hatshysy.
Mysal retinde ol Italııanyń Týrın qalasyn da atap ótti. Bul qalada 2006 jyly qysqy Olımpıada ótken. Artynsha 1 jyldan soń qysqy Ýnıversıadany qabyldady. Osynyń arqasynda sport atalymy boıynsha Týrın men Trentınoǵa oqýǵa kelgen sheteldik stýdentterdiń sany 10 esege artqan.
Kezdesý barysynda qos tarap, kólikpen qamtamasyz etý, tamaqtaný, Oıyndardy basqarý ortalyǵynyń jumysy, jarystyń ashylýy men jabylý saltanatyn uıymdastyrý, mádenı Ýnıversıada taqyrybynda áńgime órbitti.
Aınash ESALI,
«Egemen Qazaqstan»
ALMATY