Saýsaq izin tirkeý saqtyq úshin qajet

Qazir qoǵamda «Daktıloskopııalyq jáne genomdyq tirkeý týraly» zań jobasy qyzý talqylaný ústinde. Ishki ister organdarynyń uıytqy bolýymen ázirlenip jatqan bul zańǵa baılanysty birneshe ret tyńdaý ótip, ony talqylaýǵa memlekettik organdar men BAQ, kásipodaq jáne ózge de uıym ókilderi, sondaı-aq sarapshylar, sala mamandary qatysqan bolatyn. Bul týraly Ortalyq kommýnıkasııalar qyzmetinde ótken brıfıng barysynda IIM Jedel-krımınalıstıka departamentiniń bastyǵy Serik Saıynov baıandap berdi. Atalmysh zań jobalary aǵymdaǵy jyldyń maýsym aıynda ótken Qaýip­sizdik Keńesiniń otyrysynda Memleket basshysynyń arnaıy tapsyrmasy bo­ıynsha ázirlený ústinde. «Sondyqtan da biz «Daktıloskopııalyq jáne genomdyq tirkeý týraly», «Keıbir zańnamalyq akti­lerine daktıloskopııalyq jáne genomdyq tirkeý máseleleri boıyn­sha ózgerister men tolyqtyrýlar engi­zý týraly» zań jobalaryn e.gov.kz ashyq normatıvtik aktiler ınternet-por­talynda jáne IIM-niń resmı portalynda jarııaladyq. Bul jerde kózdel­gen maqsat – zańnyń qoǵam ishinde tal­qylaný úderisin meılinshe keń aýqym­da júrgizý bolatyn», – deıdi Serik Saıyn­uly. Maman pikirine súıensek, mun­daı zań jobasy jeke basty kýálan­dy­ra­tyn qujattarǵa adamnyń bıo- me­trııalyq anyqtamalaryn sáıkes­ten­dirýdiń zamanaýı tehnologııa­syn engizý qajettiliginen týyndap otyr­ǵan kórinedi. Al qoǵamdyq keńes mú­sheleri bolsa, bıometrııalyq pasport­tyq-vızalyq qujattarǵa osy qosymsha daktıloskopııalyq parametr engizý bıometrııalyq anyqtaýdy sáıkes­tendirý júıesin qurý men engizýge múm­kin­dikter beredi. Sondaı-aq, qujat­tardy jalǵan jasaýdyń jolyn kesip, olardyń ıelerin alaıaqtyq pen túrli qylmystyq áreketterden qorǵaıtynyn aıtady. Sonymen qatar, jańasha úlgi­degi aqparattyq júıe qyzmet kórse­tý túrlerin keńeıtip, vızalyq rejim­di jeńildetedi jáne kóshi-qon qaýip­siz­diginiń tıimdiligin arttyrady. Negizinen, Qazaqstanda jeke bas pen otbasyn kýálandyratyn on bir qu­jattyń jeteýi qujat ıesi týraly aqparat berdi. Bul rette bıometrııalyq qujattar ICAO halyqaralyq standarttarǵa sáı­kes keletindigin de aıta keteıik. Olarda adamnyń beti jahandyq bıometrııalyq tehnologııa arqyly tanylady ári oǵan qosymsha árbir memleket fakýltatıvti túrde saýsaq izderin taný tehnologııasyn paıdalana alady. Nurlybek DOSYBAI, «Egemen Qazaqstan»