Abaı atyndaǵy Qazaq ulttyq pedagogıkalyq ýnıversıtetinde belgili ǵalym, akademık Álııa Beısenovanyń «Qazaq eli – máńgilik el» atty jańa monografııasynyń tusaýkeseri bolady.
Alǵashqy bolyp sóz alǵan Ulttyq Ǵylym akademııasynyń akademıgi Kópjasar Náribaev bul eńbektiń mańyzyn keńinen atap ótti. Elbasynyń «Máńgilik el» ulttyq ıdeıasyna baılanysty qamtylǵan máselelerge toqtalyp, saıası jaǵyna mán berdi. Tarıh ǵylymdarynyń doktory, professor Mámbet Qoıgeldıev kitaptyń tarıhı mańyzyna basa kóńil aýdaryp, áńgimesin osy baǵytta órbitti. Sharaǵa jınalǵandar avtorǵa salmaqty saýaldar qoıyp, Álııa Sársenqyzy barlyǵyna da tushymdy jaýap berdi. Sondaı-aq, tusaýkeserde pedagogıka ǵylymdarynyń doktory, professor Baqtııar Smanov, tarıh ǵylymdarynyń doktory, professor Bereket Káribaev ta sóz alyp, kitap týraly jyly lebizderin bildirdi. Tusaýkeser qonaqtary Nursultan Nazarbaevtyń bastaýymen irgesi bekip, qanat jaıyp kele jatqan Qazaqstannyń jańa memleketke aınalý kezeńderin saralap, táýelsizdik arqyly qol jetkizgen tabystar týraly tolǵanǵan kitaptyń qundylyǵy joǵary, degen baǵa berdi.
Aıgúl AHANBAIQYZY,
«Egemen Qazaqstan»
ALMATY