20 qazan kúni aktıv otyrysynda Qyzylorda oblysynyń ákimi Qyrymbek Kósherbaev áriptesterine Qazaqstan Respýblıkasy Ishki ister mınıstriniń buıryǵymen jáne oblys ákiminiń kelisimimen Qyzylorda oblysy Ishki ister departamentiniń bastyǵy qyzmetine taǵaıyndalǵan Muhıtov Qaırat Bolatulyn tanystyrdy dep habarlaıdy oblys ákimdiginiń baspasóz qyzmeti.
Q.Muhıtov 1964 jyly Ońtústik Qazaqstan oblysynda týǵan. 1987 jyly Ishki ister mınıstrliginiń Qaraǵandy qalasyndaǵy joǵarǵy mektebin bitirgen.
Eńbek jolyn 1987 jyly Almaty oblysy, Balqash aýdandyq ishki ister bóliminde jedel ýákil qyzmetinen bastaǵan.
1990-2012 jyldar aralyǵynda Almaty, Aqmola, Shyǵys Qazaqstan oblystarynda jáne Almaty, Astana qalalarynyń ishki ister organdarynda jaýapty qyzmetterde bolǵan.
2012-2014 jyldary Qazaqstan Respýblıkasy Ishki ister mınıstrliginiń jedel josparlaý departamentiniń bastyǵy, 2014 jyldyń qarasha aıynan bastap Qazaqstan Respýblıkasy Ákimshilik polısııa komıteti tóraǵasynyń orynbasary qyzmetterin atqarǵan.