2015 jylǵy 31 naýryz, Astana qalasy
Barlaýǵa arnalǵan úlgilik kelisimshart nysanyn bekitý týraly
«Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasy Zańynyń 17-babynyń 27-7) tarmaqshasyna sáıkes buıyramyn:
1. Qosa berilip otyrǵan barlaýǵa arnalǵan úlgilik kelisimshart nysany bekitilsin.
2. Qazaqstan Respýblıkasy Investısııalar jáne damý mınıstrliginiń Jer qoınaýyn paıdalaný departamenti (T.S.Toqtabaev):
1) zańnamada belgilengen tártipte osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
«KELISILDI»
Qazaqstan Respýblıkasynyń Qarjy mınıstri
_________ B.SULTANOV
2015 jylǵy 23 sáýir
«KELISILDI»
Qazaqstan Respýblıkasynyń Energetıka mınıstri
_________ V.ShKOLNIK
2015 jylǵy 10 sáýir «KELISILDI»
Qazaqstan Respýblıkasynyń
Ulttyq ekonomıka mınıstri
____________ E.DOSAEV
2015 jylǵy 6 mamyr
Qazaqstan Respýblıkasy Investısııalar jáne damý mınıstriniń
2015 jylǵy 31 naýryzdaǵy №409 buıryǵymen bekitilgen
Barlaýǵa arnalǵan úlgilik kelisimshart nysany
Osy ___________________________________________________________________________________________
(blok koordınatyn (-taryn) kórsetińiz)
______________________________________________________________________________________________
(ákimshilik aýmaqtyq birlikti kórsetińiz)
kómir men ýrannan basqa, qatty paıdaly qazbalardy barlaýǵa arnalǵan Úlgilik kelisimshart (budan ári - Úlgilik kelisimshart)
odan ári birlesip Taraptar dep atalatyn quzyretti organ retinde Qazaqstan Respýblıkasynyń atynan áreket etetin
______________________________________________________________________________________________
(memlekettik organnyń ataýy)
jáne
______________________________________________________________________________________________
(zańdy tulǵanyń ataýy - budan ári – Jer qoınaýyn paıdalanýshy)
arasynda jasaldy.
Kirispe
Mynalardy:
1) Qazaqstan Respýblıkasynyń Konstıtýsııasyna sáıkes jer qoınaýy men ondaǵy paıdaly qazbalar memleket menshigi bolyp tabylatyndyǵyn, Qazaqstan Respýblıkasy jer qoınaýy ýchaskesin barlaýǵa (budan ári- barlaý) berýge nıet bildiretindigin;
2) jer qoınaýyn paıdalanýshyda «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasy Zańynyń (budan ári- Zań) 76-babynyń jáne Úlgilik kelisimsharttyń talaptaryna sáıkes barlaýdy júrgizý nıeti, qarjylyq jáne tehnıkalyq múmkindikteriniń bolýyn;
3) Qazaqstan Respýblıkasynyń Úkimeti __________________ (quzyretti organdy kórsetińiz) aıqyndaǵanyn;
4) Quzyretti organ men jer qoınaýyn paıdalanýshy Úlgilik kelisimshart barlaý kezinde olardyń Úlgilik kelisimsharttyq qatynastaryn retteıtin bolady dep ýaǵdalasqandyǵyn nazarǵa ala otyryp.
Quzyretti organ men jer qoınaýyn paıdalanýshy tómendegiler týraly ýaǵdalasty:
1. Úlgilik kelisimsharttyń maqsaty
1. Úlgilik kelisimsharttyń maqsaty berilgen kelisimshart aýmaǵynda barlaý boıynsha operasııalardy júrgizý kezinde Zańnyń 75 jáne 76-baptaryna sáıkes taraptardyń quqyqtary men mindetterin aıqyndaý bolyp tabylady.
2. Úlgilik kelisimsharttyń qoldanylý merzimi
2. Osy Úlgilik kelisimshart keıingi ___ jylǵa jasalǵan (6 jyldan aspaıtyn merzim kórsetilsin).
3. Úlgilik kelisimshart quzyretti organda memlekettik tirkelgen kúnnen bastap kúshine enedi.
4. Ken ornyn anyqtaǵan jaǵdaıda jer qoınaýyn paıdalanýshynyń Zańnyń 65 jáne 69-baptaryna sáıkes ony baǵalaý úshin qajetti merzimge Úlgilik kelisimshart qoldanysyn uzartýǵa quqyǵy bar.
3. Úlgilik kelisimshart aýmaǵy
5. Jer qoınaýyn paıdalanýshy Úlgilik kelisimsharttyń ajyramas bóligi bolyp tabylatyn geologııalyq bólikte kórsetilgen kelisimshart aýmaǵy sheginde barlaýdy júrgizedi.
6. Barlaý úshin ońaılatylǵan tártippen beriletin jer qoınaýy ýchaskesi on bloktan aspaýǵa tıis, olardyń árqaısysy koordınattardyń geografııalyq júıesinde bir mınýtqa teń.
7. Jer qoınaýyn paıdalanýshy 1 aı buryn bul týraly quzyretti organǵa aldyn ala habardar ete otyryp, Úlgilik kelisimshart qoldanysynyń birinshi jyly ótken soń kelisimshart aýmaǵynyń bir bóligin qaıtarýǵa quqyly.
8. Kelisimshart aýmaǵyn qaıtarýǵa bloktar boıynsha ǵana jol beriledi.
4. Jer qoınaýyn paıdalanýshylardyń quqyqtary men mindetteri
9. Úlgilik kelisimshartty qoldanylý merzimi ishinde jer qoınaýyn paıdalanýshy:
1) Úlgilik kelisimshart qoldanylý merzimi ishinde jer qoınaýyn paıdalanýshy óńirdi áleýmettik-ekonomıkalyq damytýǵa jáne onyń ınfraqurylymyn damytýǵa bıýdjetti jikteýishi kodyna oblystyń, respýblıkalyq mańyzy bar qalanyń jáne astananyń jergilikti atqarýshy organnyń bıýdjetine Biryńǵaı bıýdjettik jikteýishke sáıkes 206114 «Jer qoınaýyn paıdalanýshy óńirdi áleýmettik-ekonomıkalyq damytýǵa jáne onyń ınfraqurylymyn damytýǵa aýdarymdary» Qazaqstan Respýblıkasynyń Biryńǵaı bıýdjettik synyptamasyn jasaý qaǵıdasyna sáıkes Qazaqstan Respýblıkasy Qarjy mınıstriniń 2014 jylǵy 14 qarashadaǵy № 494 buıryǵymen bekitilgen (normatıvtik quqyqtyq aktilerdi memlekettik tirkeý reestrinde № 9892 tirkeldi) ár blok úshin jyldyq ósimdi tólem mynadaı kólemde tólenedi:
birinshi jyl úshin – respýblıkalyq bıýdjet týraly zańǵa sáıkes jáne tıisti qarjy jylynyń 1 qańtarynda qoldanysta bolatyn 100 (júz) aılyq eseptik kórsetkish (budan ári – AEK);
ekinshi jyl úshin –110 (júz on) AEK;
úshinshi jyl úshin –115 (júz on bes) AEK;
tórtinshi jyl úshin –120 (júz jıyrma) AEK;
besinshi jyl úshin –140 (júz qyryq) AEK;
altynshy jyl úshin –160 (júz alpys);
Úlgilik kelisimsharttyń qoldanylý merzimi baǵalaý úshin uzartylǵan jaǵdaıda árbir kelesi jylǵa aýdarymdar mólsheri keminde 180 (júz seksen) AEK mólsherine teń.
Aýdarymdar úlgilik kelisimshart qoldanysynyń kezekti jyly bastalǵan kúnnen bastap kúntizbelik 30 kúnnen keshiktirmeı jergilikti bıýdjetke tıisti somany aýdarý arqyly júrgiziledi. Jer qoınaýyn paıdalanýshy kórsetilgen somany aýdarǵan kúnnen bastap 5 jumys kúninen keshiktirmeı tólem qujatynyń kóshirmesin (bolǵan jaǵdaıda) qosa bere otyryp, tólem derektemelerin kórsete otyryp, tóleý týraly jazbasha habarlamany Quzyretti organǵa jiberýge mindetti.
2) Úlgilik kelisimshart qoldanysynyń búkil kezeńine bir blok sheginde oryndaýǵa qajetti shyǵyndardyń eń az mólsherin oryndaýǵa:
birinshi jyly – 1000 (bir myń)AEK;
ekinshi jyly – 1000 (bir myń)AEK;
úshinshi jyly–1000 (bir myń)AEK;
tórtinshi jyly –1200 (bir myń eki júz) AEK;
besinshi jyl –1400 (bir myń tórt júz) AEK;
altynshy jyl –1600 (bir myń alty júz) AEK.
Shyǵyndardyń eń az mólsheri barlaýǵa qatysty jumys túrlerine ǵana jumsalýy tıis.
Bir blok sheginde oryndalýy tıis shyǵyndardyń eń az mólsherin oryndaý týraly esepti jer qoınaýyn paıdalanýshy jyldyq esepti Jer qoınaýyna memlekettik monıtorıngti júzege asyrý qaǵıda erejesine (budan ári - memlekettik monıtorıngti júzege asyrý qaǵıdasy) sáıkes jáne Zańnyń 17 baby 22) tarmaqshasynda belgilengen tártipte jáne merzimde beredi.
Anyqtalǵan ken ornyn baǵalaý úshin úlgilik kelisimshart qoldanysynyń merzimi uzartylǵan jaǵdaıda, uzartýdyń árbir kelesi jyly úshin shyǵyndardyń eń az mólsheri úlgilik kelisimshart qoldanysynyń altynshy jyly shyǵyndarynyń eń az mólsherine teń.
3) jyldar boıynsha jumystardyń mynadaı meılinshe az túrlerin:
birinshi jyly – geologııalyq materıaldardy zertteýge, jobalaý qujatyn ázirleýge jáne bekitýge;
ekinshi jyldan bastap altynshy jyldy qosa alǵanda – izdeý jáne aldyn ala belgilengen baǵdarlardy, zerthanalyq jumystardy, kameraldyq jumystardy oryndaýǵa.
Kórsetilgen jumystardy, aldyńǵy jyldarda geologııalyq barlaý jumystaryn oryndaǵan jaǵdaıda ne olardy júrgizý qajettigi bolmaǵanda, olarmen tikeleı baılanysty jumystardyń ózge túrlerimen aýystyrýǵa jol beriledi.
Jyldar boıynsha jumystardyń eń az túrlerin oryndaý týraly esepti jer qoınaýyn paıdalanýshy memlekettik monıtorıngti júzege asyrý qaǵıdasyna sáıkes usynady.
4) Úlgilik kelisimshartty jasaǵannan jáne tirkegennen keıin alty aı merzimde izdeý jumystarynyń jobasyn ázirleýge jáne óz betinshe bekitýge jáne ony jer qoınaýyn zertteý jáne paıdalaný jónindegi ýákiletti organǵa jiberýge;
5) jer qoınaýyn paıdalaný jónindegi operasııalardy Úlgilik kelisimshartqa jáne Zańǵa sáıkes júrgizýge, Qazaqstan Respýblıkasynyń zańnamasynda belgilengen jer qoınaýyn paıdalaný jónindegi operasııalarǵa qoıylatyn talaptardy, onyń ishinde ekologııalyq, sanıtarııalyq-epıdemıologııalyq talaptardy jáne ónerkásiptik qaýipsizdik salasyndaǵy jáne jer qoınaýyn qorǵaý salasyndaǵy talaptardy saqtaýǵa mindettenedi.
5. Kommersııalyq anyqtaý
10. Jer qoınaýyn paıdalanýshynyń Zańǵa sáıkes konkýrs ótkizbeı-aq, tikeleı kelissózder negizinde barlaýǵa arnalǵan Úlgilik kelisimshart negizinde kommersııalyq tabýmen baılanysty óndirýge arnalǵan jer qoınaýyn paıdalaný quqyǵyn alýǵa aıryqsha quqyǵy bar.
6. Eńserilmeıtin kúsh
11. Taraptardyń eshqaısysy, eger oryndamaý nemese tıisinshe oryndamaý eńserilmeıtin kúsh mán-jaılarymen baılanysty bolsa, osy Úlgilik kelisimshart boıynsha qandaı da bir mindettemelerdiń oryndalmaýyna nemese tıisinshe oryndalmaýyna jaýapty bolmaıdy.
12. Eńserilmeıtin kúsh mán-jaılaryna, mysaly: áskerı daýlar, tabıǵı apattar, dúleı zilzalalar (órt ján t.s.s.) sııaqty jaǵdaılar kezinde tótenshe jáne boldyrmaıtyn mán-jaılar jatady. Keltirilgen tizbe tolyq bolyp tabylmaıdy. Bul rette nátıjesinde jer qoınaýyn paıdalanýshy óziniń osy Úlgilik kelisimshart boıynsha mindetterin jáne de osy Úlgilik kelisimsharttyń 4-bóliminiń 2) tarmaqshasynda kózdelgen eń az shyǵyn mólsheri boıynsha mindetterin qosa oryndamaǵan jaǵdaıda, eńserilmeıtin kúsh kelisimshart aýmaǵy boıynsha úshinshi tulǵalardyń menshik quqyǵynda (jer paıdalanýshy) bolatyn jer ýchaskesin alýǵa qatysty kedergi bola almaıdy.
13. Eńserilmeıtin kúsh mán-jaılary týyndaǵan jaǵdaıda, olardan zardap shekken tarap bul týraly eńserilmeıtin kúsh mán-jaılarynyń bastalý kúnin jáne sıpattamasyn naqtylaıtyn jazbasha habarlamany qolǵa berý ne poshtamen jiberý arqyly ekinshi tarapty dereý habardar etedi.
14. Eńserilmeıtin kúsh mán-jaılary týyndaǵan kezde taraptar qalyptasqan jaǵdaıdan shyǵý joldaryn izdeý úshin dereý májilis ótkizedi jáne mundaı mán-jaılardyń saldarlaryn barynsha azaıtý úshin barlyq quraldardy paıdalanady.
15. Eńserilmeıtin kúsh mán-jaılaryna baılanysty týyndaǵan Úlgilik kelisimshart boıynsha jumystar tolyq nemese ishinara toqtatylǵan kezde Úlgilik kelisimsharttyń qoldanys merzimi eńserilmeıtin kúshtiń qoldanys merzimine uzartylady.
7. Qoldanylatyn quqyq jáne daýlardy sheshý tártibi
16. Úlgilik kelisimshart boıynsha Qazaqstan Respýblıkasynyń quqyǵy qoldanylatyn quqyq bolyp tabylady.
17. Úlgilik kelisimshartty oryndaýǵa jáne toqtatýǵa baılanysty daýlar kelissózder arqyly sheshiledi.
18. Eger osy Úlgilik kelisimshartty oryndaýǵa, ózgertýge nemese toqtatýǵa baılanysty daýlar kelissózder arqyly alty aı ishinde sheshilmese, onda taraptar daýlardy Qazaqstan Respýblıkasynyń zańnamasyna sáıkes sheshýge quqyly.
8. Jer qoınaýyn paıdalanýshynyń quqyqtaryna kepildikter
19. Jer qoınaýyn paıdalanýshyǵa Qazaqstan Respýblıkasynyń zańnamasyna sáıkes onyń quqyqtary qorǵalatynyna kepildik beriledi.
20. Úlgilik kelisimshart talaptaryn ózgertýge jáne tolyqtyrýǵa taraptardyń kelisimimen jol beriledi. Taraptardyń biriniń talap etýi boıynsha Úlgilik kelisimshart talaptaryn ózgertýge Zańda jáne osy Úlgilik kelisimshartta tikeleı kózdelgen jaǵdaılarda jol beriledi.
9. Salyq salý
21. Salyq boıynsha salyqtyq mindettemelerdi jáne Úlgilik kelisimshart sheńberinde júzege asyrylatyn qyzmet boıynsha bıýdjetke tólenetin mindetti ózge de tólemderdi tóleý, olardy tóleý boıynsha tólem mindeti týyndaǵan sátte qoldanysta bolatyn salyq zańnamasyna sáıkes júzege asyrylady. Úlgilik kelisimshart sheńberinde júzege asyrylatyn qyzmet boıynsha salyqtyq mindettemelerdi oryndaý jer qoınaýyn paıdalanýshyny salyqtyq mindetteme týyndaǵan kúnge qoldanysta bolatyn Qazaqstan Respýblıkasynyń salyq zańnamasyna sáıkes Úlgilik kelisimshart sheńberinen tys memlekette qyzmeti júzege asyrý boıynsha salyqtyq mindettemelerden bosatpaıdy.
22. Qol qoıylatyn bonýstyń túpkilikti mólsheri ________(somasy kórsetilsin).
23. Úlgilik kelisimshartty jasasý kezinde jer qoınaýyn paıdalanýshy qol qoıylatyn bonýstyń belgilengen somasynyń elý paıyzyn 20__ jylǵy «___»__________ №___ tólem tapsyrmasy boıynsha tóledi.
24. Qol qoıylatyn bonýstyń mólsherdegi qalǵan ______ (somasy kórsetilsin) elý paıyzyn jer qoınaýyn paıdalanýshy Úlgilik kelisimshart kúshine engennen keıin otyz kúntizbelik merzim ishinde keshiktirmeı tóleıdi.
10. Kelisimshart qoldanysyn toqtatý sharttary
25. Úlgilik kelisimshart, eger taraptar ony uzartý týraly kelisimge qol jetkizbese, onyń qoldanys merzimi ótken soń toqtatylady.
26. Úlgilik kelisimsharttyń qoldanylýyn merziminen buryn toqtatýǵa taraptardyń kelisimi boıynsha toqtatylady. Zańnyń 72 babyna sáıkes Úlgilik kelisimshart ózge de jaǵdaılarda óz kúshin toqtatýy múmkin.
27. Quzyretti organ Úlgilik kelisimsharttyń 3-basshysynde óńirdiń áleýmettik-ekonomıkalyq damýyna jáne onyń ınfraqurylymynyń damýyna (óńirlerdiń áleýmettik salasyn damytý) shyǵystar ýaqtyly tólenbegen jaǵdaılarda, sondaı-aq Zańnyń 72-babynda belgilengen ózge jaǵdaılarda, birjaqty tártippen Úlgilik kelisimsharttyń qoldanysyn merziminen buryn toqtatýǵa quqyly.
28. Quzyretti organnyń bastamasy boıynsha óńirdiń áleýmettik-ekonomıkalyq damýyna jáne onyń ınfraqurylymynyń damýyna shyǵystardyń ýaqtyly tólenbeýine ne shyǵyndardyń eń az mólsheri jáne Úlgilik kelisimshart aýmaǵynda oryndaýǵa qajetti jumys túrleri týraly talaptardyń oryndalmaýyna baılanysty Úlgilik kelisimsharttyń qoldanysyn merziminen buryn toqtatqan jaǵdaıda, jer qoınaýyn paıdalanýshy óńirdiń áleýmettik-ekonomıkalyq damýyna jáne onyń ınfraqurylymynyń damýyna aýdarymdar, Úlgilik kelisimshartta tıisti jylǵa kózdelgen kelisimshart aýmaǵy boıynsha eń az shyǵyndar boıynsha oryndalmaǵan mindettemelerge teń somany Qazaqstan Respýblıkasynyń paıdasyna tóleýge mindetti. Jer qoınaýyn paıdalanýshy kórsetilgen somany Quzyretti organnyń bastamasy boıynsha Úlgilik kelisimsharttyń toqtatylǵan kúninen bastap kúntizbelik 30 kún ishinde memlekettiń paıdasyna tóleýge mindetti. Kórsetilgen bereshek ýaqtyly ótelmegen kezde, Qazaqstan Respýblıkasy Ulttyq Bankiniń qaıta qarjylandyrýynyń 1,5 eselik resmı stavkasyna súıene otyryp, ósimaqy eseptelinedi.
29. Úlgilik kelisimsharttyń qoldanysyn toqtatý jer qoınaýyn paıdalanýshyny memleketke kelisimshart aýmaǵyn qaıtarý jáne memleket zańnamasynyń Zańnyń 72-baby 9-tarmaǵynyń talaptaryna sáıkes barlaý saldarlaryn joıý boıynsha mindettemelerdi oryndaýdan bosatpaıdy.
11. Qupııalylyq
30. Úlgilik kelisimshartty oryndaý prosesinde taraptar alǵan nemese satyp alǵan aqparat qupııa bolyp tabylady jáne Qazaqstan Respýblıkasynyń azamattyq zańnamasyna sáıkes qorǵalýǵa jatady. Taraptar Qazaqstan Respýblıkasynyń zańnamasynda kózdelgen qajetti esepter qurastyrý úshin qupııa aqparatty paıdalana alady.
31. Geologııalyq aqparat jer qoınaýyn paıdalanýshyǵa 20__ jylǵy «__» __________ № ____ qupııalylyq týraly kelisimmen rásimdeletin Zańnyń 11-babyna sáıkes belgilengen tártipte beriledi.
32. Taraptardyń ekinshi taraptyń kelisiminsiz qupııa aqparatty úshinshi tulǵalarǵa mynadaı:
eger bul aqparat sotta is qaraýdy júrgizý barysynda paıdalanylǵan;
aqparat jer qoınaýyn paıdalanýshyǵa qyzmet kórsetetin úshinshi tulǵaǵa mundaı úshinshi tarap mundaı aqparatty qupııa qarap jáne ony taraptar belgilegen maqsattarǵa jáne belgilengen merzimderde ǵana paıdalanýǵa mindetteme alý shartymen usynylǵan;
aqparat jer qoınaýyn paıdalanýshy qarjylyq qarajat alatyn bankke nemese basqa qarjylyq uıymǵa, mundaı bank nemese basqa qarjylyq uıym bul aqparatty qupııa dep qarap jáne ony tek kórsetilgen maqsattarǵa ǵana paıdalanýǵa mindetteme alý shartymen usynylǵan;
aqparat Qazaqstan Respýblıkasynyń baqylaýshy organdarynyń laýazymdy tulǵalaryna olardyń qyzmettik mindetterin oryndaýy barysynda usynylǵan jaǵdaılardy;
Qazaqstan Respýblıkasynyń zańnamasynda kózdelgen ózge de jaǵdaılardy qospaǵanda, berýge quqyǵy joq.
33. Taraptar kelisimsharttyq aýmaqta barlaý júrgizýge baılanysty jáne geologııalyq aqparattardy qamtıtyn barlyq qujattardyń, aqparattardyń jáne esepterdiń qupııalyǵyn saqtaý merzimin aıqyndaıdy.
34. Úlgilik kelisimsharttyń áreket etýi toqtatylǵan keıin barlyq geologııalyq jáne jer qoınaýy boıynsha ózgede aqparat óteýsiz negizde Qazaqstan Respýblıkasy menshigine beriledi.
35. Jergilikti qamtý bóliginde kelisimsharttyq mindettemelerdiń oryndalýyna qatysty, jer qoınaýyn paıdalanýshynyń taýarlardy, jumystar men kórsetiletin qyzmetterdi satyp alýdy josparlaýy jáne ótkizýi, sondaı-aq qazaqstandyq mamandardy oqytýǵa shyǵyndar jáne óńirdi áleýmettik-ekonomıkalyq damytý men onyń ınfraqurylymyn damytýǵa jumsalǵan shyǵyndary týraly aqparat qupııa bolyp tabylmaıdy.
12. Taratý qory
36. Jer qoınaýyn paıdalanýshy Qazaqstan Respýblıkasynda jer qoınaýyn paıdalaný boıynsha operasııalar saldarlaryn joıý úshin taratý qoryn qalyptastyrýǵa, sondaı-aq oǵan tıisti aýdarymdardy júrgizýge mindettenedi.
37. Taratý qoryna barlaý kezeńi ishinde barlaýǵa arnalǵan shyǵyndardyń eń tómen mólsherinen bir paıyz mólsherinde Qazaqstan Respýblıkasynyń aýmaǵynda ornalasqan kez-kelgen banktiń arnaıy depozıt shotyna aýdarym arqyly jer qoınaýyn paıdalanýshymen jyl saıyn júrgiziledi.
38. Jer qoınaýyn paıdalaný obektisin taratý tártibi Zańmen belgilenedi.
13. Kelisimsharttyń tili
39. Úlgilik kelisimsharttyń mátini árbir tarap úshin memlekettik jáne orys tilderinde bir danadan memlekettik jáne orys tilderinde jasalady, barlyq danalar uqsas.
Taraptardyń kelisimi boıynsha Kelisimshart mátini ózge tilge de aýdarylýy múmkin.
40. Úlgilik kelisimsharttyń mazmunyn jáne túsindirmesin anyqtaý kezinde kelispeýshilikter nemese daýlar týyndaǵan jaǵdaıda, mátinniń ________ tilindegi (qazaq nemese orys tilderi kórsetilsin) nusqasy basym kúshke ıe bolady.
14. Qorytyndy erejeler
41. Osy Úlgilik kelisimshartta paıdalanylatyn anyqtamalar men termınder olar úshin Zańda aıqyndalǵan maǵynaǵa ıe.
42. Taraptar Úlgilik kelisimsharttyń negizgi tujyrymdamalyq erejelerin ózgertpeı Úlgilik kelisimshartqa ózgerister men tolyqtyrýlar engizýge quqyly.
43. Osy Úlgilik kelisimshartty 20 ___ jylǵy ______ (kúni), _______ (aıy) _______ qalasynda (Qazaqstan Respýblıkasy), Taraptardyń ýákiletti ókilderi jasady.
44. Taraptardyń zańdy mekenjaılary jáne qoldary.
Kelisimshartqa qosymsha: geologııalyq bólý.
Buıryq Qazaqstan Respýblıkasynyń Ádilet mınıstrliginde 2015 jylǵy 26 mamyrdaǵy Normatıvtik quqyqtyq kesimderdi memlekettik tirkeýdiń tizilimine №11179 bolyp engizildi.