2015 jylǵy 14 sáýir, Astana qalasy
«Qazaqstan Respýblıkasy Investısııalar jáne damý mınıstrliginiń Avtomobıl
joldary komıteti» respýblıkalyq memlekettik mekemesiniń erejesin bekitý týraly
«Qazaqstan Respýblıkasy Investısııalar jáne damý mınıstrliginiń keıbir máseleleri» Qazaqstan Respýblıkasy Úkimetiniń 2014 jylǵy 19 qyrkúıektegi № 995 qaýlysyna sáıkes buıyramyn:
1. Qosa berilip otyrǵan «Qazaqstan Respýblıkasy Investısııalar jáne damý mınıstrliginiń Avtomobıl joldary komıteti» respýblıkalyq memlekettik mekemesiniń erejesi bekitilsin.
2. Qazaqstan Respýblıkasy Investısııalar jáne damý mınıstrliginiń Avtomobıl joldary komıteti (M.Q.Pishembaev) zańnamamen belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. «Qazaqstan Respýblıkasy Investısııalar jáne damý mınıstrliginiń Avtomobıl joldary komıteti» memlekettik mekemesiniń erejesin bekitý týraly» Qazaqstan Respýblıkasynyń Investısııalar jáne damý mınıstriniń mindetin atqarýshynyń 2014 jylǵy № 69 buıryǵynyń kúshi joıyldy dep tanylsyn (normatıvtik quqyqtyq aktilerdiń memlekettik tirkeý tiziliminde № 9830 bolyp tirkeldi, 2014 jylǵy 30 qazanda «Ádilet» aqparattyq-quqyqtyq júıesinde jarııalandy).
4. Osy buıryqtyń oryndalýyn baqylaý Qazaqstan Respýblıkasy Investısııalar jáne damý birinshi vıse-mınıstri J.M. Qasymbekke júktelsin.
5. Osy buıryq onyń alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
Qazaqstan Respýblıkasy Investısııalar jáne damý mınıstriniń
2015 jylǵy 14 sáýirdegi №442 buıryǵymen bekitilgen
«Qazaqstan Respýblıkasy Investısııalar jáne damý mınıstrliginiń Avtomobıl joldary komıteti» respýblıkalyq memlekettik mekemesiniń erejesi
1. Jalpy erejeler
1. «Qazaqstan Respýblıkasy Investısııalar jáne damý mınıstrliginiń Avtomobıl joldary komıteti» respýblıkalyq memlekettik mekemesi (budan ári – Komıtet) Qazaqstan Respýblıkasy Investısııalar jáne damý mınıstrliginiń (budan ári – Mınıstrlik) retteý jáne iske asyrý fýnksııalaryn júzege asyratyn, sondaı-aq avtomobıl joldary salasyndaǵy Mınıstrliktiń strategııalyq fýnksııalaryn oryndaýǵa qatysatyn vedomstvosy bolyp tabylady.
2. Komıtet óz qyzmetin Qazaqstan Respýblıkasynyń Konstıtýsııasy men zańdaryna, Qazaqstan Respýblıkasy Prezıdentiniń jáne Úkimetiniń aktilerine, ózge de normatıvtik quqyqtyq aktilerge, sondaı-aq osy Erejege sáıkes júzege asyrady.
3. Komıtet respýblıkalyq memlekettik mekemeniń uıymdastyrýshylyq-quqyqtyq nysanyndaǵy zańdy tulǵa bolyp tabylady, óz ataýy memlekettik tilde jazylǵan móri men mórtabandary, belgilengen úlgidegi blankileri, zańnamaǵa sáıkes qazynashylyq organdarynda shottary bolady.
4. Komıtet óz atynan azamattyq-quqyqtyq qatynastarǵa túsedi.
5. Komıtet eger zańnamaǵa sáıkes oǵan ýákiletti bolsa, onyń memleket atynan azamattyq-quqyqtyq qatynastardyń tarapynda bolýǵa quqyǵy bar.
6. Komıtet óz quzyretiniń máseleleri boıynsha zańnamada belgilengen tártipte Tóraǵanyń buıryqtarymen resimdeletin sheshimderdi qabyldaıdy.
7. Komıtettiń qurylymyn jáne shtat sanyn Qazaqstan Respýblıkasy Investısııalar jáne damý mınıstriniń kelisimi boıynsha Qazaqstan Respýblıkasy Investısııalar jáne damý mınıstrliginiń jaýapty hatshysy bekitedi.
8. Komıtettiń ornalasqan jeri: Qazaqstan Respýblıkasy, 010000, Astana qalasy, Esil aýdany, Qabanbaı batyr dańǵyly, 32/1, «Transport Taýer» ǵımaraty.
9. Komıtettiń tolyq ataýy – «Qazaqstan Respýblıkasy Investısııalar jáne damý mınıstrliginiń Avtomobıl joldary komıteti» respýblıkalyq memlekettik mekemesi.
10. Osy Ereje Komıtettiń quryltaı qujaty bolyp tabylady.
11. Komıtettiń qyzmetin qarjylandyrý respýblıkalyq bıýdjetten júzege asyrylady.
12. Komıtetke kásipkerlik sýbektilerimen Komıtettiń fýnksııalary bolyp tabylatyn mindetterdi oryndaý turǵysynda sharttyq qatynastarǵa túsýge jol berilmeıdi.
Eger Komıtetke kiris ákeletin qyzmetti júzege asyrýǵa Qazaqstan Respýblıkasynyń zańnamalyq aktilerimen quqyq berilgen bolsa, onda osyndaı qyzmetten túsken kiris respýblıkalyq bıýdjettiń paıdasyna jiberiledi.
2. Komıtettiń mıssııasy, negizgi mindetteri, fýnksııalary, quqyqtary men mindetteri
13. Mıssııasy: jalpyǵa ortaq paıdalanylatyn avtomobıl joldaryn damytýdyń memlekettik saıasatyn qalyptastyrýǵa qatysý.
14. Mindeti: jalpyǵa ortaq paıdalanylatyn avtomobıl joldary salasyndaǵy memlekettik saıasatty qalyptastyrýǵa jáne iske asyrýǵa qatysý.
Fýnksııalary:
1) Komıtettiń quzyreti sheginde retteý jáne iske asyrý fýnksııalaryn júzege asyrý jáne Mınıstrliktiń strategııalyq fýnksııalaryn oryndaýǵa qatysý;
2) óz quzyreti sheginde halyqaralyq yntymaqtastyqty júzege asyrý;
3) Qazaqstan Respýblıkasynyń jumyldyrý daıyndyǵy jáne jumyldyrý salasyndaǵy zańdary men ózge de normatıvtik quqyqtyq aktileriniń saqtalýyn qamtamasyz etý;
4) ulttyq qaýipsizdik salasyndaǵy zańdar men ózge de normatıvtik quqyqtyq aktilerdiń saqtalýyn qamtamasyz etý;
5) Qazaqstan Respýblıkasynyń atynan jasalatyn Qazaqstan Respýblıkasynyń halyqaralyq sharttary boıynsha mindettemelerdi oryndaý;
6) jol salasyndaǵy ınvestısııalyq jáne áleýmettik saıasatty iske asyrý.
15. Mindeti: jalpyǵa ortaq paıdalanylatyn avtomobıl joldary salasynda memlekettik basqarýǵa qatysý.
Fýnksııalary:
1) óz quzyreti sheginde ulttyq qaýipsizdikti qamtamasyz etý jónindegi is-sharalardy josparlaý jáne ótkizý boıynsha vedomstvolyq baǵynysty uıymdardyń qyzmetine basshylyq etý;
2) Qazaqstan Respýblıkasy Úkimetiniń sheshimi boıynsha aksııalardyń memlekettik paketine (jarǵylyq kapıtaldaǵy qatysý úlesi) ıelik etý jáne paıdalaný quqyǵyn, sondaı-aq respýblıkalyq memlekettik kásiporyndar men memlekettik mekemelerge qatysty memlekettik basqarýdyń tıisti salasyna (aıasyna) basshylyq etý jónindegi ýákiletti organnyń fýnksııalaryn júzege asyrý;
3) jalpyǵa ortaq paıdalanylatyn avtomobıl joldaryn memlekettik esepke alýdy júzege asyrý;
4) oblystyq mańyzy bar jalpyǵa ortaq paıdalanylatyn avtomobıl joldarynyń ataýlary men ındeksterin kelisý;
5) oblystyq mańyzy bar jalpyǵa ortaq paıdalanylatyn avtomobıl joldarynyń tizbesin kelisý;
6) memlekettik tapsyrmany oryndaý sheńberinde Ulttyq operatordy qarjylandyrý;
7) avtomobıl joldaryn salý, rekonstrýksııalaý, jóndeý jáne kútip-ustaý kezinde talap etiletin sapany jobalaý salasynda qabyldanǵan normalar men standarttardyń saqtalýyn qamtamasyz etý;
8) aqyly avtomobıl joldaryn (ýchaskelerdi) qurý men paıdalanýdy baqylaýdy júzege asyrý;
9) halyqaralyq jáne respýblıkalyq mańyzy bar jalpyǵa ortaq paıdalanylatyn avtomobıl joldaryna bólingen beldeýdiń jol organdary, Ulttyq operator nemese konsessıoner paıdalanbaıtyn jer ýchaskelerin joldyń kóliktik-paıdalanylý sapasynyń tómendeýine jol bermeý, kólik quraldary júrisiniń qaýipsizdigi men qorshaǵan ortany qorǵaý talaptaryn saqtaý shartymen syrtqy (kórneki) jarnamany ornalastyrý úshin jeke jáne zańdy tulǵalarǵa ýaqytsha qysqa merzimdi jer paıdalanýǵa berý;
10) qysyltaıań jaǵdaılarda (qolaısyz aýa raıy-klımat jaǵdaılary, dúleı zilzalalar, órt, avtomobıl joldarynyń kótergishtik qabiletiniń joıylýy), sondaı-aq jóndeý-qurylys jumystary júrgizilgen kezde jol júrisiniń qaýipsizdigi jónindegi organmen jáne tótenshe jaǵdaılar jónindegi ýákiletti organmen birlese otyryp, tıisti jol belgilerin qoıyp jáne buqaralyq aqparat quraldary arqyly bul jóninde jergilikti atqarýshy organdardy jáne avtomobıl joldaryn paıdalanýshylardy habardar ete otyryp, kólik quraldarynyń jol júrisin shekteý nemese toqtatý jáne avtomobıl joldaryn paıdalaný qaǵıdalarynyń saqtalýyn baqylaýdy júzege asyrý;
11) sottarǵa Qazaqstan Respýblıkasynyń zańnamasyna sáıkes talap-aryzdar berý.
16. Mindeti: jalpyǵa ortaq paıdalanylatyn avtomobıl joldary salasynda normatıvtik quqyqtyq aktilerdi ázirleý jáne bekitý.
Fýnksııalary:
1) adam men azamattyń quqyqtary men bostandyqtaryn qozǵaıtyn normatıvtik quqyqtyq aktilerdi qospaǵanda, Komıtettiń quzyretine kiretin máseleler boıynsha jáne Mınıstrdiń buıryqtarynda olardy bekitý boıynsha tikeleı quzyreti bolǵan kezde normatıvtik quqyqtyq aktilerdi bekitý;
2) óz quzyreti sheginde normatıvtik quqyqtyq aktilerdi ázirleý, kelisý jáne bekitý;
3) memlekettik kórsetiletin qyzmetter standarttary men reglamentterin ázirleý;
4) sapaǵa saraptama júrgizý jónindegi zańdy tulǵalardyń avtomobıl joldaryn salý, rekonstrýksııalaý, jóndeý jáne kútip-ustaý kezinde jumystar men materıaldardyń sapasyna saraptama júrgizý qaǵıdalaryn ázirleý;
5) jalpyǵa ortaq paıdalanylatyn halyqaralyq jáne respýblıkalyq mańyzy bar avtomobıl joldaryn salý, rekonstrýksııalaý, jóndeý, kútip-ustaý, dıagnostıkalaý, pasporttaý jáne aspaptyq tekserý jónindegi jumystardy iske asyrý men qarjylandyrý qaǵıdalaryn ázirleý;
6) halyqaralyq jáne respýblıkalyq mańyzy bar jalpyǵa ortaq paıdalanylatyn avtomobıl joldaryn synyptaý tártibi men sharttaryn, tizbesin, ataýy jáne ındeksterin, onyń ishinde qorǵanys maqsatyndaǵy avtomobıl joldarynyń tizbesin ázirleý;
7) avtomobıl joldaryn, qorǵanystyq mańyzy bar joldardy paıdalaný qaǵıdalaryn ázirleý;
8) halyqaralyq jáne respýblıkalyq mańyzy bar jalpyǵa ortaq paıdalanylatyn avtomobıl joldaryn jóndeýdi jáne kútip-ustaýdy qarjylandyrý normatıvterin ázirleý;
9) Qazaqstan Respýblıkasynyń aýmaǵy arqyly avtokólik quraldarymen júrip ótý úshin alymdardy tóleý tártibi men olardyń mólsherlemelerin ázirleý;
10) halyqaralyq jáne respýblıkalyq mańyzy bar jalpyǵa ortaq paıdalanylatyn aqyly avtomobıl joldaryn jáne kópir ótkelderin paıdalaný tártibi men sharttaryn ázirleý;
11) jalpyǵa ortaq paıdalanylatyn avtomobıl joldarynyń jolǵa bólingen beldeýinde syrtqy (kórneki) jarnamany ornalastyrý tártibin ázirleý;
12) astananyń, respýblıkalyq mańyzy bar qalanyń kóshelerin, oblystyq jáne aýdandyq mańyzy bar avtomobıl joldaryn jóndeý men kútip-ustaýdy qarjylandyrý normatıvterin ázirleý;
13) óz quzyreti sheginde tehnıkalyq reglamentter men ulttyq standarttardy ázirleý jónindegi jumysty uıymdastyrý.
17. Qazaqstan Respýblıkasynyń zańdarynda, Qazaqstan Respýblıkasynyń Prezıdenti men Úkimetiniń aktilerinde jáne Mınıstrdiń buıryqtarynda kózdelgen ózge ókilettikterdi júzege asyrady.
18. Komıtettiń quqyqtary men mindetteri:
1) zańnamada belgilengen tártipte Mınıstrliktiń qurylymdyq bólimshelerinen, memlekettik organdardan, uıymdardan, olardyń laýazymdy tulǵalarynan qajetti aqparatty jáne materıaldardy suratady jáne alady;
2) Qazaqstan Respýblıkasynyń zańnamasyn jetildirý boıynsha usynystardy engizedi;
3) Komıtettiń quzyretine kiretin máseleler boıynsha májilister, semınarlar, konferensııalar, dóńgelek ústelder, konkýrstar jáne ózge is-sharalar ótkizedi;
4) qyzmettiń jetekshilik etetin baǵyttary boıynsha konsýltasııalyq-keńesshi organdar (jumys toptary, komıssııalar, keńester) qurý jóninde usynystardy engizedi;
5) óz quzyretine jatatyn máseleler boıynsha saraptamalarǵa qatysý úshin tıisti mamandardy tartady;
6) Komıtetke júktelgen mindetter men fýnksııalardyń iske asyrylýyn qamtamasyz etedi;
7) Qazaqstan Respýblıkasynyń zańnamasyn, jeke jáne zańdy tulǵalardyń zańmen qorǵalatyn quqyqtary men múddelerin saqtaıdy;
8) Komıtettiń quzyretine kiretin máseleler boıynsha túsiniktemeler daıyndaıdy;
9) Mınıstrliktiń qurylymdyq bólimsheleri jáne memlekettik organdardyń resmı suraý salýy boıynsha qajetti materıaldar men anyqtamalardy óz quzyreti jáne zańnama sheginde usynady;
10) Komıtettiń teńgeriminde turǵan memlekettik menshikti saqtaýdy qamtamasyz etedi;
11) qoldanystaǵy zańnamaǵa sáıkes býhgalterlik esepti júrgizedi;
12) býhgalterlik jáne qarjy eseptiligin jasaıdy jáne Mınıstrlikke usynady;
13) Komıtettiń personaldy basqarýdyń tutas júıesin qalyptastyrady;
14) Komıtetke bólingen bıýdjettik qarajattardy tolyq, ýaqtyly jáne tıimdi paıdalanýdy qamtamasyz etedi;
15) memlekettik satyp alý salasyndaǵy Qazaqstan Respýblıkasynyń zańnamasyna sáıkes memlekettik satyp alý rásimderin júrgizedi;
16) Qazaqstan Respýblıkasynyń zańnamasyna, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerine sáıkes ózge de quqyqtar men mindetterdi júzege asyrady.
3. Komıtet qyzmetin uıymdastyrý
19. Komıtetke júktelgen mindetterdiń oryndalýy men óz fýnksııalarynyń júzege asyrylýy úshin derbes jaýapty bolatyn Tóraǵa Komıtetti basqarýdy júzege asyrady.
20. Tóraǵany Qazaqstan Respýblıkasy Investısııalar jáne damý mınıstri qyzmetke taǵaıyndaıdy jáne qyzmetten bosatady.
21. Tóraǵanyń Mınıstrliktiń jaýapty hatshysynyń buıryǵymen qyzmetke taǵaıyndalatyn jáne qyzmetten bosatylatyn orynbasarlary bolady.
22. Komıtet tóraǵasy Mınıstrliktiń basshylyǵyna Komıtettiń qurylymy men shtat kestesi boıynsha usynystar beredi.
23. Komıtet tóraǵasy Komıtettiń qyzmetine jalpy basshylyqty júzege asyrady.
24. Komıtet tóraǵasy Komıtettiń zań basqarmasyna jetekshilik etedi.
25. Komıtet tóraǵasynyń ókilettikteri:
1) jalpyǵa ortaq paıdalanylatyn avtomobıl joldary salasynda memlekettik saıasatty qalyptastyrý boıynsha usynysty ázirleýge qatysady;
2) óz quzyreti sheginde buıryqtar shyǵarady;
3) Komıtet qyzmetkerlerin, sondaı-aq vedomstvoǵa baǵynysty respýblıkalyq memlekettik kásiporyndardyń basshysyn, olardyń orynbasarlaryn, bas býhgalterdi jáne Komıtettiń vedomstvoǵa baǵynysty memlekettik mekemeleriniń basshylaryn qyzmetke taǵaıyndaý jáne bosatý, issaparǵa, demalysqa jiberý, materıaldyq kómek kórsetý, daıarlaý (qaıta daıarlaý), biliktiligin arttyrý, kótermeleý, ústeme, syıaqy berý jáne tártiptik jaýapkershilikke tartý máselelerin sheshedi;
4) memlekettik organdarda jáne ózge de uıymdarda Komıtettiń múddelerin bildiredi;
5) Komıtettiń qurylymdyq bólimsheleri týraly erejelerdi bekitedi;
6) respýblıkalyq bıýdjettik baǵdarlamalardyń iske asyrylýyna derbes jaýapty bolady;
7) Komıtette sybaılas jemqorlyqqa qarsy is-qımyl boıynsha sharalardy qabyldaıdy jáne ol úshin derbes jaýapty bolady;
8) qyzmet baǵyty boıynsha qupııalylyq tártibin qamtamasyz etýge baılanysty barlyq qajetti sharttardy jasasady jáne Komıtet qyzmetkerleriniń memlekettik qupııaǵa ruqsat alýy týraly ókimine qol qoıady;
9) óz quzyretine jatatyn máseleler boıynsha sheshimder qabyldaıdy.
26. Tóraǵa óziniń orynbasarlarynyń, Komıtettiń qurylymdyq bólimsheleri basshylarynyń jáne qyzmetkerleriniń mindetteri men ókilettikterin aıqyndaıdy.
27. Komıtet tóraǵasynyń orynbasary:
1) óz ókilettikteri sheginde Komıtettiń qurylymdyq bólimsheleriniń qyzmetin úılestiredi;
2) oǵan Komıtet tóraǵasy júktegen ózge de fýnksııalardy júzege asyrady.
27. Komıtettiń múlki
28. Komıtettiń jedel basqarý quqyǵynda zańnamamen kózdelgen jaǵdaılarda oqshaýlanǵan múlkiniń bolýy múmkin.
Komıtettiń múlki oǵan menshik ıesi bergen múlik esebinen, sondaı-aq Qazaqstan Respýblıkasynyń zańnamasymen tyıym salynbaǵan óz qyzmeti men ózge de qarjy kózderiniń nátıjesinde satyp alynǵan múlik (qarjylaı kiristerdi qosa alǵanda) esebinen qalyptasady.
29. Komıtetke bekitilip berilgen múlik respýblıkalyq menshikke jatady.
30. Komıtettiń ózine bekitilip berilgen múlikti nemese eger zańnamamen ózgeshe belgilenbese, qarjylandyrý jospary boıynsha ózine bólingen qarjynyń esebinen satyp alynǵan múlikti ózdiginen ıelikten shyǵarýǵa quqyǵy joq.
5. Komıtetti qaıta uıymdastyrý jáne taratý
31. Komıtetti qaıta uıymdastyrý jáne taratý Qazaqstan Respýblıkasynyń azamattyq zańnamasyna sáıkes júzege asyrylady.
6. Komıtettiń vedomstvoǵa baǵynysty uıymdary
32. Komıtette mynadaı vedomstvoǵa baǵynysty uıymdary bar:
1) Respýblıkalyq memlekettik kásiporyn:
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Qazaqavtojol» sharýashylyq júrgizý quqyǵyndaǵy respýblıkalyq memlekettik kásiporny;
2) Respýblıkalyq memlekettik mekemeler:
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Aqmolajolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Aqtóbejolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Almatyjolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Atyraýjolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Batysjolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Jambyljolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Shyǵysjolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Qaraǵandyjolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Qyzylordajolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Qostanaıjolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Mańǵystaýjolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Pavlodarjolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Soltústikjolzerthanasy» respýblıkalyq memlekettik mekemesi;
Qazaqstan Respýblıkasy Investısııalar jáne damý mınıstrligi Avtomobıl joldary komıtetiniń «Ońtústikjolzerthanasy» respýblıkalyq memlekettik mekemesi;
3) Aksıonerlik qoǵam:
«Qazaqstan jol ǵylymı-zertteý ınstıtýty» aksıonerlik qoǵamy.
Buıryq Qazaqstan Respýblıkasynyń Ádilet mınıstrliginde 2015 jylǵy 30 sáýirdegi Normatıvtik quqyqtyq kesimderdi memlekettik tirkeýdiń tizilimine № 10914 bolyp engizildi.