2016 jylǵy 31 mamyr, Astana qalasy
Energııa únemdeý jáne energııa tıimdiligin arttyrý salasyndaǵy qyzmetti
júzege asyrý úshin qajetti aqparattyq-ólsheý keshenderi men tehnıkalyq quraldar tizbesin bekitý týraly
«Energııa únemdeý jáne energııa tıimdiligin arttyrý týraly» 2012 jylǵy 13 qańtardaǵy Qazaqstan Respýblıkasynyń Zańy 5-babynyń 6-1) tarmaqshasyna sáıkes, buıyramyn:
1. Qosa berilip otyrǵan energııa únemdeý jáne energııa tıimdiligin arttyrý salasyndaǵy qyzmetti júzege asyrý úshin qajetti aqparattyq-ólsheý keshenderi men tehnıkalyq quraldar tizbesi osy buıryqqa 1-qosymshaǵa sáıkes bekitilsin.
2. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q. Erjanov):
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
«KELISILGEN»
Qazaqstan Respýblıkasynyń
Ulttyq ekonomıka mınıstri
______________ Q. Bıshimbaev
2016 jylǵy 31 mamyr
Qazaqstan Respýblıkasy Investısııalar jáne damý mınıstriniń
2016 jylǵy 31 mamyrdaǵy №455 buıryǵymen bekitilgen
Energııa únemdeý jáne energııa tıimdiligin arttyrý salasyndaǵy qyzmetti júzege asyrý úshin qajetti aqparattyq-ólsheý keshenderi men tehnıkalyq quraldar tizbesi
1. Jylý kórgish.
2. Ýltradybystyq suıyqtyq shyǵynyn ólsheýish.
3. О́lsheý dıapazony 0 bastap 550° S deıingi kontaktisiz (ınfraqyzyl) termometr.
4. Jylý ólsheýish nemese jylý aǵyndarynyń ólsheýishi.
5. Toq qarmaýyshtar.
6. Anemometr.
7. Gıgrometr.
8. Lıýksmetr.
9. Lazerli uzyndyq ólsheýish.
10. Qalyńdyq ólshegish (eger shyǵyn ólsheýishte osy fýnksııa bolmasa).
11. Elektr energııasynyń sapasyn taldaýysh.
12. Kontaktili termometr.
13. Manometr.
14. Gaz taldaýysh.
Buıryq Qazaqstan Respýblıkasynyń Ádilet mınıstrliginde 2016 jylǵy 11 shildede Normatıvtik quqyqtyq kesimderdi memlekettik tirkeýdiń tizilimine №13902 bolyp engizildi.