Shanhaı yntymaqtastyǵy aıasynda semınar ótti

Astanada «ShYU-ǵa múshe, baıqaýshy jáne dıalogy boıynsha áriptes memleketterdiń joǵary memlekettik aýdıt (baqylaý) organdarynyń memlekettik aýdıtorlardy sertıfıkattaýdy engizý tájirıbesi» degen taqyrypta halyqaralyq semınar bas­taldy. Esep komıteti uıymdastyrǵan semınar ShYU-ǵa múshe memle­ket­terdiń joǵary memlekettik aýdıt (baqylaý) organdarynyń ynty­maqtastyǵy sheńberinde 2016-2017 jyldarǵa arnalǵan is-sharalar jos­parynda kózdelgen. Osy is-sharaǵa qatysý úshin Qa­zaq­stan astanasyna Qytaı, Qyr­ǵyz­­stan, Pákistan, Reseı, Túrkııa­nyń joǵary memlekettik aýdıt or­­gan­­darynyń (JMAO) ókilderi keldi. Semınardyń ashylýynda Esep komıtetiniń tóraǵasy Qozykórpesh Jańbyrshın quttyqtaý sóz sóı­ledi. Qazaqstannyń joǵary memle­kettik aýdıt organynyń basshysy túrli elderdiń mamandaryna mem­lekettik aýdıt salasyndaǵy eń mańyzdy máseleler boıynsha tá­jirıbe men pikirler almasýǵa múm­­kindik beretin osyndaı kezdesý­ler ótkizýdiń mańyzdy ekenin ba­sa aıtyp ótti. Esep komıteti tór­aǵa­synyń aıtýynsha, álemniń tez ózge­rip otyrǵan jaǵdaıynda maman­dar­dyń kásibı deńgeıin arttyrý, aý­dıt júrgizý ádisterin jetildi­rý qazirgi zamanǵy aýdıtor­lyq qoǵamdastyq úshin óte ózekti. Qozykórpesh Jańbyrshın Esep komıteti úzdik álemdik tájirıbeni zerdeleýge jáne paıdalanýǵa, so­­nyń ishinde qazirgi ýaqytta Qazaq­standa júrgizilip jatqan mem­le­kettik aýdıtorlardy sertı­fı­kat­taý sheńberinde de úlken mán bere­tinin atap ótti. «Sertıfıkattaý jónindegi ult­tyq komıssııa eki aıdan astam ýaqyt jumys jasaýda. Memlekettik aýdıt jáne qarjylyq baqylaý organ­darynyń 661 qyzmetkerimen áńgi­melesý ótkizildi. Olardyń basym bóligine memlekettik aýdıtor már­tebesi berildi. Aǵymdaǵy jyl­dyń sońyna deıin 800-den astam kan­dıdatqa qatysty sheshim qabyl­danatyn bolady», – dep habarlady ol. Semınar barysynda oǵan qatysýshylar Qazaqstan, Qytaı, Qyr­­ǵyzstan, Pákistan, Reseı, Túr­kııa­nyń JMAO-larynyń mem­leket­tik aýdıtorlardy daıarlaý jáne qaıta daıarlaý máselelerine qatys­ty ult­tyq kózqarastarymen tany­syp, aýdıtorlyq is-shara­lardy júr­gizýdiń tıimdiligi men sapasyn art­tyrý maqsatynda olardy sertı­fıkattaý tetigin jetildirý jol­daryn talqylady. «Egemen-aqparat»