Italııa astanasynda ótken «Qazaqstan ekonomıkasynyń kúni» el Táýelsizdiginiń 25 jyldyǵyna oraı uıymdastyryldy, dep habarlaıdy egemen-aqparat inform.kz-ke silteme jasap.
Aýqymdy sharaǵa otandyq jáne sheteldik ınvestorlardy qosqanda uzyn-sany 80 adam qatysty. Onda Qazaqstan tarapynan barǵan delegasııa kásipkerlerge yntymaqtastyqtyń tıimdi sharttaryn tanystyryp, elimizge ınvestısııa quıý jóninde úndeý jasady.
Basqosý barysynda áıgili Eni konserniniń ókilderi «Qazaqstandaǵydaı ınvestorlardy qoldaýǵa baǵyttalǵan tıimdi is-sharalar álemniń eshbir elinde joq» dep joǵary baǵa berdi. Sońǵy 10 jylda qazaq eli jalpy quny 6 mıllıard dollarǵa jetetin Italııa ınvestısııasyn tartyp, 335 birlesken kásiporyndar ashqan.
Konferensııa barysynda ıtalııandyq kásipkerlerge Astanada ótetin bolashaq energııasyna arnalǵan «EKSPO» kórmesi tanystyryldy.