Almaty qalalyq ákimshiligi men «Damý» Qory qalanyń týrızm, ınnovasııa jáne tamaq ónerkásibi salasyn qarjylandyrýǵa 4 mıllıard teńge bóldi. Mundaı memorandýmǵa Almaty qalasynyń ákimi Baýyrjan Baıbek, «Damý» Kásipkerlikti damytý Qory» AQ Basqarma tóraǵasy Qanysh Týleýshın jáne shahardyń bıznes ókilderi qatysqan Almaty Iskerlik keńesiniń otyrysynda qol qoıdy.
Qarajat qalanyń týrızm, ınnovasııa jáne tamaq ónerkásibi salasyn qarjylandyrýǵa baǵyttalady. Birlesken qarjylandyrý ekinshi deńgeıli bankter arqyly júzege asyrylady.
Munymen qatar eki tarap «Almaty týrızm» «Almaty ónim» «Almaty ınnovasııalar» baǵdarlamalary boıynsha bólingen qarajattyń kem degende 25 paıyzy start-up jobalarǵa berilýi kerek dep kelisti.
Munymen qatar eki tarap «Almaty týrızm» «Almaty ónim» «Almaty ınnovasııalar» baǵdarlamalary boıynsha bólingen qarajattyń kem degende 25 paıyzy start-up jobalarǵa berilýi kerek dep kelisti.
«Almaty qalasy – shaǵyn jáne orta kásipkerlik nysandary jaǵynan alǵashqy orynda. Shaharda 182 shaǵyn jáni orta bıznes kásiporyndary bar. Bul respýblıkalyq kórsetkishtiń 15 paıyzy. Jumyspen qamtylǵan halyq sany jaǵynan da birinshi orynda. Degenmen jeńildikpen nesıelendirýdi qajet etetin salalar da bar. Ol – týrızm, tamaq ónerkásibi jáne ınnovasııalyq salalar. Mysaly «Almaty týrızm» baǵdarlamasy boıynsha biz qolóner sheberlerin erekshe kádesyılar jasaýǵa yntalandyrǵymyz keledi. Bul aldaǵy 2017 jylǵy Ýnıversıada men EKSPO-2017 kezinde mańyzdy. «Almaty ónim» baǵdarlamasy boıynsha kásipkerler tamaq pen alkogolsiz sýsyn shyǵarýǵa jeńildikti nesıege, fermerler óz ónimderin ótkizetin naryqqa qol jetkizedi. Eń bastysy – bólingen qarajattyń 25 paıyzy jańa kásiporyndar men jańa baǵyttardy qolǵa alatyn start-up jobalarǵa bólinetini. Ákimshilik úshin bul qala bıýdjetine túsetin salyq pen jańa jumys oryndary», – dedi «Damý» Qorynyń Basqarma tóraǵasy Qanysh Týleýshın.
Aınash Esalı