HHI ǵasyr kitaphanasy

Ol qandaı bolý kerek? Almaty qalasynyń ortalyq­tandy­rylǵan kitaphanalar júıesi – mádenı astanadaǵy 23 rýhanııat ordasynyń basyn biriktirip otyrǵan mekeme. Mıllıonǵa jýyq  mańyzdy kitap qory qalyptasqan júıeniń 90 myńnan astam turaqty oqyrmany bar. Onyń ishinde on bes jasqa deıingi 45 346 jas­óspirim keregin taýyp qaıtatyn qutty shańyraqqa aınalǵan. Qazirgi kúni ortalyqtandyrylǵan júıe boıynsha 154 kitaphanashy kitap­qumar­larǵa qyzmet kórsetýde. Jyl saıynǵy oqý men izdenýge beriletin ki­tap­tar sany 1 743 247 danany qurap otyr. Ortalyqtandyrylǵan kitaphanalar júıesiniń oqyrmanǵa qyzmet kórsetýin jetildirý maqsatynda túrli baǵyttaǵy izde­nis­terge keń jol ashylǵan. Ásirese, eli­miz­diń barlyq aımaǵyndaǵy ámbe­bap, kóp­shilik kitaphanalar men jaqyn shet­elderdegi áriptestermen táji­rıbe almasý jumystary únemi júr­gizi­ledi. Kúni keshe ǵana Almaty qala­sy ákimdiginiń qoldaýymen «HHI ǵasyr kitap­hanasy qandaı bolý kerek? Kitappen – bolashaqqa» atty eki kúndik konferensııa uıym­dastyryldy. Táýelsizdiktiń 25 jyl­dyǵy, megapolıstiń 1000 jyldyǵy jáne S. Begalın atyndaǵy balalar kitaphanasynyń 65 jyldyǵyna oraılastyrylǵan bul sharaǵa oblystardan bó­­lek, TMD elderinen arnaıy qonaqtar keldi. – Bolashaqtaǵy kitaphana qan­daı bolýy kerek? Bul suraq tek kitap­hana­shylardy ǵana emes, jalpy qoǵamdy tolǵandyryp otyr. О́rkenıet zamanynda qaǵaz ónimderine suranys azaıǵanymen oqyp, bilýge, aqparat alýǵa degen ynta-yqylas esh tolastamaıtyny anyq. Biz de óz jumysymyzdy jandandyryp, ınnovasııalyq baǵytta damytý ústindemiz. О́zimizdegi úlgili ju­mystardy áriptesterdiń tezine salyp, óz­gelerdiń ónegesinen úırenip otyrýymyz shart. Qalalyq kitaphana bolsaq ta, halyqaralyq aýqymdaǵy konferensııa­ny izgi maqsatpen ótkizdik, – deıdi is-sha­ranyń mańyzyna toqtalǵan Almaty qa­lasy ortalyqtandyrylǵan kitaphanalar jú­ıesiniń dırektory Roza Qabıeva. Qalmahanbet MUQAMETQALI, «Egemen Qazaqstan» ALMATY