Jumystar josparǵa sáıkes júrýde

«Qazaqstan temir joly» UK» AQ prezıdenti Qanat Alpysbaev «Qorǵas – Shyǵys qaqpasy» AEA-nyń «Nurly jol» memlekettik baǵdarlamasy sheńberinde turǵyzylyp jatqan nysandarynda boldy, dep habarlady osy aksıonerlik qoǵamnyń baspasóz qyzmeti. Qazirgi ýaqytta «Qurǵaq porttyń», logıstıkalyq jáne ındýstrııalyq aımaqtyń ınfraqurylymdarynyń barlyq nysandary paıdalanýǵa berildi. «Qurǵaq port» iske qosylǵan sátten beri 43 myńnan astam DFE konteınerleri óńdeýden ótkizildi. Qurylysqa qatysýshylarmen ót­ken keńeste búginde estafetanyń qu­ry­ly­sshylardan basqarýshy kom­panııaǵa berilgeni atap ótildi. «Qorǵas-Shyǵys qaqpasy» AEA» BK» AQ-tyń bas dırektorynyń logıstıka boıynsha orynbasary B.Úderbekov osyǵan baılanysty qazirgi ýaqytta AEA-ǵa áleýetti qazaqstandyq jáne sheteldik qatysýshylarmen belsendi jumys júrgizilip jatqanyn habarlady. Jyl aıaǵyna deıin 4 nysandy, sonyń ishinde agroónerkásiptik, ındýstrııalyq, kólik-logıstıkalyq sektordaǵy nysandardy júzege asyrý bastalady. Q.Alpysbaev Monıtorıng orta­ly­ǵynda bolyp, onda oǵan BО́P-1-diń avtomattandyrylǵan júıesiniń, avto­kóliktiń aýmaq boıynsha naqty rejimde júrip ótýin baqylaýǵa múmkindik beretin 3D vırtýaldy týrynyń jumystaryn kórsetti. Jeltoqsannyń basynda osy júıeni kedendik, karantındik, shekara qyzmetteri baǵdarlamalarymen ózara baılanystyrý josparlanyp otyr. Sondaı-aq, Q.Alpysbaev «Qorǵas» ShQHO ınfraqurylymdary ny­san­da­rynyń tasqynǵa qarsy qaýipsizdigin qamtamasyz etý, qorǵanysh ǵımarattary qurylysy boıynsha keńes ótkizdi. Ishki ister mınıstrligi Tótenshe jaǵdaılar komıteti «Qazseldenqorǵaý» MM basshysynyń orynbasary A.Babaı­kın Q.Alpysbaevqa Qorǵas ózeni­n­de­gi qorǵanysh ǵımarattarynyń, «Qor­ǵas» ShQHO ýchaskesindegi arna qa­ly­p­- ­tastyratyn jáne qorǵanysh bó­get­teriniń   qurylysy týraly málimdedi. Infraqurylymdyq nysandardy qorǵaý úshin  kárizdik arna salynyp, jaǵalaýlar nyǵaıtyldy. Nurkent kentinde Q.Alpysbaev Altynkól stansasy men AEA qyz­met­ker­leri úshin salynyp jatqan turǵyn úı qurylysy barysymen tanysty. Qazirgi ýaqytta kentte eki myńnan astam adam turady. Mektep, balabaqsha, ambýlatorııa salyndy. Ústimizdegi jyldyń qarashasynda qurylysshylar shaǵyn otbasylyq úlgidegi eki jataqhanany paıdalanýǵa beredi. Osy jyldyń sońyna deıin taǵy da 60 páterli eki úıdiń qurylysyn aıaqtaý josparlanyp otyr.