Qaýipsizdiktiń jańa paradıgmasy

Astanada «Álem. XXI ǵasyr» taqyrybynda arnaıy jastar sessııasy ótti. «Jas Otan» jastar qanatynyń uıytqy bolýymen uıymdastyrylǵan bul sharaǵa elimizdiń ǵana emes, Reseı, Qytaı, Túrkııa, Belarýs, Qyrǵyzstan, Tájikstan, Germanııa, Ázerbaıjan, Mońǵolııa memleketteriniń jas kóshbasshylary qatysty. Sharanyń maqsaty – jahandyq qa­ýip­sizdikti nyǵaıtýǵa baǵyttalǵan Elba­sy Nur­sultan Nazarbaevtyń «Álem. XXI ǵa­syr» manıfesiniń ıdeıalaryna ha­lyq­­ara­lyq jastar qaýymdastyǵyn ju­myl­dyrý. – Elbasy N.Nazarbaevtyń Vashıng­tonda jarııa etken manıfesi BUU Bas Assambleıasy men Qaý­ipsizdik Keńe­siniń arnaıy quja­ty­na aınaldy. Ol óz elimizde ǵana emes, shetel­derde de úlken qoǵamdyq rezonans týǵyzdy. Qazirgi tańda árqaısymyz jáne ár­qaısymyzdyń otbasymyz úshin bola­shaqqa degen senim qajet. Alaı­da, bul senim beıbit ómirge kelip tire­ledi. Sebebi, búginde beıbitshilik pen turaq­tylyq máse­lesi óte ótkir tur. Bul jıyn­da biz elimizdiń beıbitshilik pen qaýip­sizdikti saqtaý jónindegi ıdeıalaryn álem jastaryn­a nasıhattaýdy kóz­dep otyrmyz, – dedi «Jas Otan» jastar qanatynyń tóraǵasy Shah­mar­dan Baı­manov. Al «Nur Otan» partııasynyń hatshysy Farhad Qýanǵanov bul shara Qazaqstannyń Shanhaı yntymaqtastyq uıymyna tóra­ǵalyǵy aıasynda ótkizilip otyrǵanyna toq­tala kele, mundaı únqa­ty­sýlar tájirıbe almasýǵa, yntymaq­tastyqtyń kókjıegin keńeıtýge sep bola­tynyn jetkizdi. Álem qubylmaly kúıdi bastan keship tur. «Eko­no­mı­kada, halyqaralyq qarym-qaty­nasta tek­tonıkalyq ózgerister oryn alýda. El­derdiń basym kópshiliginde ekono­­mı­kalyq qarama-qaıshylyqtar baıqalýda. Halyqaralyq saýda-sattyqqa shekteýler, sanksııalar engizilip, áskerı qaqtyǵystar órshı túsýde. Al mundaı jaǵdaıda Qa­zaqstan Prezıdenti strate­gııalyq mańy­zy bar bastamalardy kóterdi. Olar álem men adamzattyń bo­lashaǵy úshin alań­daýshylyqtan týǵan. Solardyń biri – «Álem. XXI ǵasyr» manıfesi. On­da Elbasy álemdik qoǵamdastyq aldyn­da turǵan qaýip-qaterlerdi atap, olardan saqtanýdyń joldary men ǵa­lam­dyq qaýipsizdiktiń jańa paradıgmasyn kórsetedi», dedi F.Qýan­ǵanov. Osy­laı deı kele, ol álemniń qaýip­sizdik tetigin nyǵaıtýda jastardyń halyq­aralyq uıymdarǵa da úlken mindet­ter júkteletinin, sebebi, elderdiń bolasha­ǵy­nyń qandaı bolmaǵy jastardyń is-áreketterine tikeleı baılanysty bolatynyn jetkizdi. Reseıdiń «Eýrazııalyq tańdaý» halyq­aralyq qoǵamdyq uıymynyń tór­aǵ­asy Roman Shkolın búginde álemdik geo­saıa­sattyń rakýrsyn «jasandy» túrde ózger­týge baǵyttalǵan ádis-amaldar kezdese­tinin, al olardyń aldyn alý úshin qaýipsiz­dikti nyǵaıtýdyń jańa te­tikterin oılap tabý qajettigin atap ótti. Sessııa aıasynda jastar uıym­dary­nyń ókil­deri «Nur Otan» partııasy bas­shy­ly­ǵymen kezdesip, álemdegi qaýipsizdik pen beıbitshilikti saqtaý úshin áriptestik qurý máselelerin talqylady. Sonymen qatar, «Jas Otan» jastar qanaty men Túrkııa jáne Belarýs Respýblıkalarynyń jastar uıymdary arasyndaǵy yntymaqtastyq jónindegi ekijaqty kelisimge qol qoıyldy. Arnaıy jastar sessııasy qory­­tyn­dysy boıynsha barlyq halyqaralyq qoǵam­das­tyqtyń kúshterin zorlyq-zombylyqqa qarsy biriktirýge shaqyrǵan úndeý qabyl­dandy. Láıla EDILQYZY, «Egemen Qazaqstan»