2015 jylǵy 31 naýryz, Astana qalasy
Jer ýchaskesin nemese jer ýchaskesin jaldaý quqyǵyn satý jónindegi saýda-sattyqty
(konkýrstardy, aýksıondardy), onyń ishinde elektrondyq túrde, uıymdastyrý men ótkizý qaǵıdalaryn bekitý týraly
Qazaqstan Respýblıkasy Jer kodeksiniń 48-babynyń 6-tarmaǵyna sáıkes buıyramyn:
1. Qosa berilip otyrǵan Jer ýchaskesin nemese jer ýchaskesin jaldaý quqyǵyn satý jónindegi saýda-sattyqty (konkýrstardy, aýksıondardy), onyń ishinde elektrondyq túrde, uıymdastyrý jáne ótkizý qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldanýyn;
3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr E.DOSAEV
«KELISILDI»
Qazaqstan Respýblıkasynyń
Investısııalar jáne damý mınıstri
______________Á. Isekeshev
2015 jylǵy 21 sáýir
Qazaqstan Respýblıkasy Ulttyq ekonomıka mınıstriniń
2015 jylǵy 31 naýryzdaǵy №290 buıryǵymen bekitilgen
Jer ýchaskesin nemese jer ýchaskesin jaldaý quqyǵyn satý jónindegi saýda-sattyqty (konkýrstardy,
aýksıondardy), onyń ishinde elektrondy túrde uıymdastyrý jáne ótkizý qaǵıdalary
1. Jalpy erejeler
1. Osy Jer ýchaskesin nemese jer ýchaskesin jaldaý quqyǵyn satý jónindegi saýda-sattyqty (konkýrstardy, aýksıondardy), onyń ishinde elektrondy túrde uıymdastyrý jáne ótkizý qaǵıdalary 2003 jylǵy 20 maýsymdaǵy Qazaqstan Respýblıkasy Jer kodeksiniń 48-babynyń 6-tarmaǵyna sáıkes (budan ári – Jer kodeksi) ázirlendi jáne memleket menshigindegi jáne jer paıdalanýǵa berilmegen jer ýchaskesin nemese jer ýchaskesin jaldaý quqyǵyn satý jónindegi saýda-sattyqty (konkýrstardy, aýksıondardy) uıymdastyrý jáne ótkizý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) aýksıon – saýda-sattyqqa qatysýshylardyń arasyndaǵy ashyq básekelestikti qamtamasyz etetin jeke jáne zańdy tulǵalarǵa obektini satýǵa baǵyttalǵan saýda-sattyqty ótkizý nysany;
2) aýksıonshy – aýksıon ótkizetin adam;
3) bastapqy baǵa – árbir saýda-sattyq obektisi boıynsha saýda-sattyq konkýrstar, aýksıondar) bastalatyn baǵa;
4) ekinshi satyp alýshy – mólsheri jaǵynan ekinshi baǵany ataǵan qatysýshy;
5) eń tómengi baǵa – obektini budan tómen baǵaǵa satýǵa bolmaıtyn baǵa;
Saýda-sattyqtaǵy (konkýrstardaǵy, aýksıondardaǵy) obektiniń eń tómengi baǵasy Jer kodeksiniń 14-1 jáne 153-baptarynda belgilengen memlekettik jer kadastryn júrgizetin mamandandyrylǵan memlekettik kásiporyn belgilegen jáne oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jer qatynastary jónindegi ýákiletti organy quzyretteri sheginde bekitken kadastrlyq (baǵalaý) qunynan tómen emes belgilenedi;
6) konkýrs –paıdalanýdyń neǵurlym qolaıly jaǵdaılaryn usynǵan jeke jáne zańdy tulǵalarǵa saýda-sattyq obektisin bes jylǵa deıin bólip tólep satýǵa baǵyttalǵan saýda-sattyqty ótkizý nysany;
7) qatysýshy – saýda-sattyqqa qatysý úshin belgilengen tártippen tirkelgen jeke nemese zańdy tulǵa;
8) qujattyń elektrondyq kóshirmesi – ótinim berýshiniń nemese atalǵan qujatty kýálandyrý ókilettikterine ne adamnyń elektrondyq sıfrlyq qoltańbamen kýálandyrylǵan, túpnusqa qujattyń túrin jáne ondaǵy aqparatty (derekterdi) elektrondyq-sıfrlyq nysanda tolyǵymen kórsetetin qujat;
9) ruqsattar men habarlamalardyń memlekettik aqparattyq júıesi – lısenzııalaýdy, sáıkestendirý nómirin bere otyryp, ruqsat alý bóliginde ruqsat berý rásimderin elektrondyq túrde júzege asyrýǵa, ótinish berýshiniń habarlama jiberýine jáne osy prosesterdi qamtamasyz etýge arnalǵan, «elektrondyq úkimettiń» quramdaýyshy bolyp tabylatyn aqparattyq júıe;
10) saýda-sattyq – saýda-sattyq obektilerin satýdyń aýksıondyq nemese konkýrstyq nysany;
11) saýda-sattyq obektisi – jer ýchaskesin jaldaý quqyǵy nemese jeke menshik quqyǵy;
12) saýda-sattyqtyń aǵylshyndyq ádisi – bastapqy baǵa aldyn ala habarlanǵan qadammen neǵurlym joǵary baǵa usynǵan bir qatysýshy qalǵan sátke deıin kóteriletin saýda-sattyq ádisi;
13) saýda-sattyqtyń gollandtyq ádisi – bastapqy baǵa habarlanǵan qadammen habarlanǵan baǵa boıynsha qatysýshylardyń biri obektini satyp alýǵa kelisken sátke deıin tómendeıtin saýda-sattyq ádisi;
14) satýshy – Jer kodeksiniń 48-babynda belgilengen olardyń quzyreti sheginde oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jergilikti atqarýshy organy;
15) satyp alý-satý sharty – osy Qaǵıdalarǵa qosymshaǵa sáıkes jer ýchaskesin nemese jer ýchaskesin jaldaý quqyǵyn satyp alý-satýdyń úlgi sharty;
16) satyp alýshy – satýshymen satyp alý-satý shartyn jasasqan saýda-sattyqtyń (konkýrstyń, aýksıonnyń) jeńimpazy;
17) ýákiletti organ –Jer kodeksiniń 14-1-babynda olardyń belgilengen quzyreti sheginde oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jer qatynastary jónindegi ýákiletti organy;
18) uıymdastyrýshy – menshik ıesi nemese sharttyń negizinde ol belgilegen, obektini satý jónindegi saýda-sattyqty daıyndaýdy jáne ótkizýdi júzege asyratyn mamandandyrylǵan uıym;
3. Satýshynyń fýnksııalary mynalar bolyp tabylady:
1) naqty saýda-sattyq obektilerin anyqtaý;
2) saýda-sattyq ótkizý nysanyn, sondaı-aq aýksıondyq satý nysany kezinde saýda-sattyqty ótkizý ádisin anyqtaý;
3) saýda-sattyqqa shyǵarylatyn saýda-sattyq obektisiniń bastapqy jáne eń tómengi baǵasyn, kepildik jarnalardyń mólsherin bekitý;
4) uıymdastyrýshymen saýda-sattyqty uıymdastyrýǵa jáne ótkizýge shart jasasý;
5) jeńimpazben saýda-sattyq obektisin satyp alý-satý shartyn jasasý;
6) saýda-sattyqty uıymdastyrý jáne ótkizý barysyna baqylaýdy júzege asyrý;
7) qatysýshylarmen, jeńimpazdarmen jáne uıymdastyrýshymen esep aıyrysýdy júzege asyrý.
4. Satýshy saýda-sattyq obektisin satý jónindegi saýda-sattyqty derbes uıymdastyrady jáne ótkizedi, ne mamandandyrylǵan uıymdarmen olardy uıymdastyrýǵa jáne ótkizýge arnalǵan shart jasasady.
5. Saýda-sattyq obektisin satý jónindegi saýda-sattyqty uıymdastyrýǵa jáne ótkizýge arnalǵan shart satýshy men uıymdastyrýshy arasynda jasalady jáne onda:
1) saýda-sattyqqa qoıylatyn obektilerdiń tizimi;
2) saýda-sattyqty ótkizý merzimi;
3) saýda-sattyqty ótkizý nysany;
4) saýda-sattyqtyń árbir obektisi boıynsha aýksıondyq satý túrindegi saýda-sattyqtyń ótkizilý ádisi;
5) uıymdastyrýshyǵa beriletin árbir saýda-sattyq obektisi boıynsha qujattardyń tizbesi;
6) saýda-sattyqqa daıyndyq jáne ony ótkizý barysy týraly uıymdastyrýshy eseptiliginiń kezeńdiligi men nysany;
7) taraptardyń ózara mindetteri men múliktik jaýapkershiligi;
8) uıymdastyrýshynyń syıaqy mólsheri men tólem tártibi;
9) sharttyń qoldanylý merzimi men ony buzý sharttary;
10) taraptardyń shart boıynsha mindettemelerdi oryndamaǵany nemese tıisinshe oryndamaǵany úshin jaýapkershiligin qamtıdy.
6. Uıymdastyrýshy syıaqysynyń mólsheri árbir satylǵan obektiniń satý baǵasynyń bes paıyzynan aspaıdy jáne satýshy qarajatynyń esebinen tólenedi.
7. Osy Qaǵıdalardyń 26, 27, 45 jáne 52-tarmaqtarynda belgilengen tártippen tirkeýden ótken Qazaqstan Respýblıkasynyń azamattary men zańdy tulǵalaryna saýda-sattyqqa qatysýǵa jol beriledi.
Sheteldik azamattar, azamattyǵy joq adamdar jáne sheteldik zańdy tulǵalar, eger saýda-sattyqqa shyǵarylatyn obektiler Jer kodeksine sáıkes kórsetilgen tulǵalardyń jeke menshik quqyǵynda nemese jaldaý quqyǵynda bola almaıtyn bolsa, saýda-sattyqqa qatysa almaıdy.
8. Saýda-sattyqta (konkýrstarda, aýksıondarda) qatysýǵa jiberilmeıdi:
1) memlekettik zańdy tulǵalar;
2) saýda-sattyqty uıymdastyrýshy;
3) aýksıonshy;
4) jer ýchaskeleri májbúrlep alyp qoıylǵan adamdardyń tiziliminde tirkelgen tulǵalar.
9. Eger saýda-sattyq obektileri birinshi saýda-sattyqta (aýksıondarda, konkýrstarda) satylmasa, olar ekinshi jáne kelesi saýda-sattyqtarǵa shyǵarylady.
10. Saýda-sattyqty uıymdastyrýshy árbir saýda-sattyq obektisi boıynsha saýda-sattyq (aýksıon, konkýrs) bastalar aldynda saýda-sattyqqa qatysýshylardyń sanyn esepke alady.
11. Eger saýda-sattyq obektisi boıynsha qatysýshylardyń sany ekiden kem bolsa, úshinshi jáne kelesi saýda-sattyqtardy qospaǵanda, saýda-sattyq ótpedi dep jarııalanady. Úshinshi jáne kelesi saýda-sattyqtarda, saýda-sattyq obektisi boıynsha qatysýshylardyń sany ekiden kem jaǵdaıda, osy saýda-sattyqtardy ótkizý saýda-sattyqtyń aǵylshyndyq ádisimen ótkiziledi jáne saýda-sattyq obektisi jalǵyz qatysýshyǵa satylady.
12. Saýda-sattyq (aýksıondar, konkýrstar) nátıjelerin jaramsyz dep taný týraly daýlar sot tártibimen qaralady.
13. Elektrondyq nysanda saýda-sattyqqa qatysý úshin ótinish berý «Ruqsattar jáne habarlamalar týraly» Qazaqstan Respýblıkasynyń 2014 jylǵy 16 mamyrdaǵy Zańynyń 52-babynyń 3-tarmaǵyna sáıkes ruqsattar men habarlamalardyń memlekettik aqparattyq júıesi arqyly júrgiziledi.
14. Saýda-sattyqtyń nátıjeleri boıynsha jeńimpaz ben satýshy arasynda osy Qaǵıdalarǵa qosymshaǵa sáıkes satyp-alý-satý sharty jasalady.
Jer ýchaskesin satyp alý-satý sharty men saýda-sattyq obektisin satyp alý baǵasyn tóleý týraly qujat jer ýchaskesine arnalǵan sáıkestendirý qujatyn berý úshin negiz bolyp tabylady.
2. Saýda-sattyqtyń aýksıondyq nysany jáne aýksıon ótkizýge daıyndyq
15. Aýksıondy ótkizýge daıyndyq mynadaı tártippen júzege asyrylady:
1) aýksıonǵa shyǵarylatyn saýda-sattyq obektilerin tizimi belgilenedi;
2) árbir saýda-sattyq obektisin satý ádisi belgilenedi;
3) árbir saýda-sattyq obektisiniń bastapqy jáne eń tómengi baǵasy belgilenedi;
4) kepildik jarnanyń mólsheri jáne ony engizý tártibi belgilenedi;
5) aýksıon ótkizý kúni belgilenedi;
6) aýksıon ótkizý týraly habarlama jarııalanady.
16. Saýda-sattyq obektisiniń bastapqy baǵasy Jer kodeksiniń 10-babyna sáıkes eseptelgen jer ýchaskesin (jer ýchaskesin jaldaý quqyǵyn) baǵalaý qunynan tómen emes bolyp belgilenedi.
17. Bastapqy baǵa saýda-sattyq ádisine qaraı belgilenedi:
1) aǵylshyndyq saýda-sattyq ádisi kezinde bastapqy baǵa eń tómengi baǵaǵa teń bolady;
2) gollandtyq saýda-sattyq ádisi kezinde bastapqy baǵa eń tómengiden keminde júz ret asyp túsedi.
18. Eń tómengi baǵa aýksıon ótkizý týraly habarlamada kórsetiledi.
19. Aýksıonǵa qatysý úshin kepildik jarna saýda-sattyq obektisiniń eń tómengi baǵasynyń bes paıyzyn quraıdy. Bul rette, kepildik jarna árbir saýda-sattyq obektisi boıynsha bólek engiziledi.
20. Aýksıonda jeńip shyqqan jaǵdaıda kepildik jarna qatysýshynyń mynadaı mindettemelerin qamtamasyz etý bolyp tabylady:
1) aýksıonnyń nátıjeleri týraly hattamaǵa qol qoıý;
2) aýksıonnyń nátıjeleri týraly hattamaǵa sáıkes satyp alý-satý shartyn jasasý;
3) satyp alý-satý sharty boıynsha mindettemelerdi oryndaý.
21. Kepildik jarna aýksıon ótkizý týraly habarlamada belgilengen tártippen engiziledi.
22. Aýksıondy jeńip shyqqan jáne satyp alý-satý shartyn jasasqan adamnyń kepildik jarnasy satyp alý-satý sharty boıynsha tıesili tólemderdiń esebine jazylady.
23. Satýshy kepildik jarnany mynadaı jaǵdaılarda:
1) qatysýshylardy tirkeý merzimi aıaqtalǵannan keıin aýksıonǵa qatysýdan bas tartsa;
2) osy Qaǵıdalardyń 20-tarmaǵynda kózdelgen mindettemelerdi oryndaýdan bas tartqanda qaıtarmaıdy.
Basqa jaǵdaılardyń barlyǵynda kepildik jarnalar osy qatysýshynyń derektemeleri kórsetilgen, kepildik jarnany qaıtarý týraly ótinish bergen kúnnen bastap bes banktik kúnnen aspaıtyn merzimde qaıtarylady.
24. Saýda-sattyqty uıymdastyrýshy aýksıonǵa qoıylatyn jer ýchaskesi týraly málimetterdi qamtıtyn aýksıon ótkizý týraly habarlama jasaıdy jáne ony aýksıon ótkizýdiń jarııalanǵan kúninen buryn on bes kúnnen keshiktirmeı merzimdi baspasóz basylymynda, satýshynyń resmı ınternet-resýrsynda jáne ruqsattar men habarlamalardyń memlekettik aqparattyq júıesinde jarııalaıdy.
25. Aýksıon ótkizý týraly habarlama:
1) aýksıon ótkiziletin kúndi, ýaqytty, oryn men onyń ótkizý sharttaryn;
2) ýchaskeniń mekenjaıy men ornalasqan jerin, onyń alańyn jáne jer ýchaskesin satý sharttaryn;
3) ıelikten alynatyn quqyqtyń (menshik quqyǵynyń nemese jer ýchaskesin jaldaý quqyǵynyń) túrin;
4) jer ýchaskesine barlyq aýyrpalyqtar (shekteýler) tizbesin;
5) jer salyǵynyń nemese jaldaý aqysynyń mólsherin;
6) qatysýshy saýda-sattyqqa qatysýǵa arnalǵan ótinimge qosa usynatyn qujattardyń tizbesin;
7) saýda-sattyq obektisiniń bastapqy baǵasyn, satyp alý baǵasyn tóleý táribin;
8) kepildik jarnanyń somasyn jáne ony engizý tártibin;
9) aýksıonǵa qatysý úshin ótinim qabyldaý ornyn, merzimin jáne nysanyn qamtýǵa tıis.
26. Aýksıonǵa qatysýshylardy tirkeý habarlama jarııalanǵan kúnnen bastap júrgiziledi jáne aýksıon bastalǵanǵa deıin jıyrma tórt saǵat buryn aıaqtalady. О́tinimderdi qabyldaý jáne tirkeý merzimi aıaqtalǵannan keıin túsken ótinimder qaralmaıdy.
27. Aýksıonǵa qatysýshy retinde tirkelý úshin mynadaı qujattardy berý qajet:
jeke tulǵalar úshin:
1) málimetter túrinde nysanynda jer ýchaskesine menshik quqyǵyn (jaldaý) satý jónindegi aýksıonǵa qatysýǵa ótinim;
2) saýda-sattyqqa qatysýshy kepildik jarnany «elektrondy úkimet» tólem shlıýzy arqyly tólegen jaǵdaıdy qospaǵanda, kepildik jarna engizilgenin rastaıtyn tólem qujaty;
3) ókildiń ókilettiligin kýálandyratyn qujat;
zańdy tulǵalar úshin:
1) málimetter túrinde jer ýchaskesine menshik quqyǵyn (jaldaý) satý jónindegi aýksıonǵa qatysýǵa ótinim;
2) saýda-sattyqqa qatysýshy kepildik jarnany «elektrondy úkimet» tólem shlıýzy arqyly tólegen jaǵdaıdy qospaǵanda, kepildik jarna engizilgenin rastaıtyn tólem qujaty;
3) ókildiń ókilettiligin kýálandyratyn qujat.
Kóshirmelerdiń durystyǵyn rastaý úshin salystyryp tekserý úshin túpnusqalar usynylady.
Elektrondyq ótinish berilgen jaǵdaıda, osy tarmaqtyń jeke jáne zańdy tulǵalar úshin 2), 3) tarmaqshalarynda tizbelengen qujattar qujattyń elektrondyq kóshirmeleri nysanynda beriledi.
Jeke basty kýálandyratyn, kásipkerlik sýbektisi retinde memlekettik tirkelgeni, zańdy tulǵany memlekettik tirkeý (qaıta tirkeý) týraly qujat boıynsha málimetterdi uıymdastyrýshy tıisti memlekettik aqparattyq júıelerden «elektrondy úkimet» shlıýzy arqyly alady.
Aýksıonǵa qatysý týraly ótinishti qabyldaýdan bas tartqan jaǵdaıda, uıymdastyrýshy jazbasha ne ruqsattar men habarlamalardyń memlekettikaqparattyq júıesi arqyly ótinish berýshige bas tartýdyń sebebin túsindirip, ótinish túsken kúnnen bastap eki jumys kúni ishinde habarlaıdy.
28. Aýksıonǵa qatysý týraly ótinishti qabyldaýdan bas tartý úshin mynalar negiz bolyp tabylady:
1) osy Qaǵıdalardyń 27-tarmaǵynda kózdelgen qujattardy usynbaý;
2) osy Qaǵıdalardyń 7, 8-tarmaqtarynda kózdelgen talaptarǵa sáıkes kelmeý.
29. Qatysýshy retinde tirkeý úshin osy Qaǵıdalardyń 27-tarmaqtarynda kórsetilgen qujattardan basqa qosymsha qujattardy talap etýge jol berilmeıdi.
30. О́tinimi tirkelgen adam aýksıon ótkiziletin kúni aýksıondyq nómirge almastyrylatynqatysýshy bıletin alady.
Saýda-sattyq prosesinde aýksıondyq nómirdi basqa adamnyń paıdalanýyna tyıym salynady.
3. Aýksıondy ótkizý
31. Aýksıondy aýksıonshy ótkizedi.
32. Árbir saýda-sattyq obektisi boıynsha aýksıon aýksıonshynyń óz ataýyn, qysqasha sıpattamasyn, aýksıondy ótkizýádisin, bastapqy baǵa men baǵalardyń ózgerý qadamyn habarlaýynan bastalady.
Aýksıonshy saýda-sattyq prosesinde qadamdardyń ózgerýi týraly habarlaıdy. Bul rette, qadam obektiniń aǵymdaǵy baǵasynyń besten on paıyzyna deıingi shekterde ózgeredi.
33.Aýksıon tómende baıandalǵan eki ádistiń bireýi boıynsha ótkiziledi:
1) aǵylshyndyq ádis – aýksıonshy obektiniń bastapqy baǵasy men baǵanyń ulǵaıý qadamyn habarlaıdy. Saýda-sattyqqa qatysýshylardyń nómirdi kóterýi bastapqy baǵany ósiredi, biraq ol habarlanǵan qadamnan kem bolmaýy kerek.
Qolaıly bolýy úshin aýksıonshy obekt baǵasyn osy qadamnyń jartysynan aspaıtyn shamaǵa deıin dóńgelekteıdi. Aýksıonshy obekt boıynsha aýksıonǵa qatysýshylardyń aýksıondyq nómirlerdi habarlaıdy, baǵany bekitedi jáne ony ósirýdi usynady. Aýksıonshy obekt úshin neǵurlym joǵary baǵa usynǵan qatysýshyny habarlaıdy. Aýksıonshy obektiniń sońǵy baǵasyn úsh ret qaıtalaıdy jáne basqa kóterilgen nómirler bolmaǵan kezde balǵa soǵý arqyly atalǵan obektiniń satylǵany týraly habarlaıdy.
Saýda-sattyq jeńimpazy anyqtalǵannan keıin satýshy saýda-sattyq ótkizý rásimderin sondaı-aq satyp alý-satý shartyn jasasý jáne onyń talaptaryn oryndaý jónindegi tıisti mindetterdi oryndamaǵan jaǵdaıda, satýshy saýda-sattyqta osy obekt úshin shamasyna qaraı ekinshi baǵa bergen qatysýshyǵa (ekinshi satyp alýshy) obektini satyp alý quqyǵyn beredi;
2) gollandtyq ádis – aýksıonshy obektiniń bastapqy baǵasyn habarlaıdy jáne ony jańa baǵany habarlaı otyryp málimdelgen qadammen tómendetedi.
Aýksıonshy baǵa habarlanǵan kezde aýksıondyq nómirdi birinshi kótergen qatysýshynyń nómirin ataıdy jáne balǵa soǵý arqyly ony aýksıonda jeńip shyqqan adam dep jarııalaıdy.
Eger eki nemese odan kóp nómir bir mezgilde kóterilgen jaǵdaıda, nómirdi birinshi kótergen adam týraly sheshimdi aýksıonshy qabyldaıdy.
Eger bastapqy baǵa habarlanǵan sátte usynylǵan baǵamen kelisetin eki jáne odan da kóp qatysýshy bolǵan jaǵdaıda, aýksıonshy jeńimpaz anyqtalǵan sátke deıin baǵany tirkelgen qadam shamasyna kótere bastaıdy.
Eger aýksıonshy obektiniń eń tómen baǵasyn habarlaǵan kezde qatysýshylardyń birde-bipeýi atalǵan obektini satyp alýǵa tilek bildirmese, onda obekt aýksıonnan alynady.
34. Árbir satylǵan saýda-sattyq obektisi boıynsha aýksıon nátıjeleri, aýksıon ótkizilgen kúni jeńimpaz ben ekinshi satyp alýshy qol qoıatyn hattamamen resimdeledi.
Hattama satýshy, jeńimpaz jáne ekinshi satyp alýshy úshin bir-bir danadan úsh dana etip jasalady.
35. Jer ýchaskesin berý nemese jer ýchaskesin jaldaý quqyǵy týraly jergilikti atqarýshy organnyń sheshimi aýksıon aıaqtalǵannan keıin eki jumys kúninen keshiktirilmeı qabyldanady.
36. Saýda-sattyq obektisin satyp alý-satý sharty jergilikti atqarýshy organnyń sheshimi qabyldanǵan kúnnen bastap bir jumys kúni ishinde jasalady.
37. Eger saýda-sattyq obektisi birinshi aýksıonda satylmasa, ol kelesi aýksıondarǵa shyǵarylady.
38. Satyp alý-satý sharty boıynsha esep aıyrysý satýshy men satyp alýshy arasynda júrgiziledi, bul rette, satyp alýshy esep aıyrysýdy mynadaı tártippen júrgizedi:
1) avanstyq tólem aýksıon barysynda belgilengen baǵanyń elý paıyzy mólsherinde satyp alý-satý shartyna qol qoıylǵan kúnnen bastap banktik bes kúnnen keshiktirilmeıtin merzimde engiziledi. Kepildik jarna tıesili avanstyq tólemniń shotyna esepteledi;
2) qalǵan soma satyp alý-satý shartyna qol qoıylǵan kúnnen bastapkúntizbelik otyz kúnnen keshiktirilmeı engiziledi.
4. Saýda-sattyqtyń konkýrstyq nysany, konkýrsty ótkizýge daıyndyq
39. Konkýrsty daıyndaý jáne ótkizý úshin satýshy konkýrstyq komıssııa qurady.
Konkýrstyq komıssııanyń músheleri konkýrstyq komıssııanyń tóraǵasy jáne basqa konkýrstyq komıssııanyń músheleri bolyp tabylady (jer qatynastary jónindegi, sáýlet, qala qurylysy jáne qurylys isteri jónindegi ýákiletti organdardyń jáne basqa da múddeli memlekettik organdar).
Konkýrstyq komıssııa músheleriniń jalpy sany taq sandy quraýǵa jáne keminde bes adam bolýǵa tıis.
Konkýrstyq komıssııanyń tóraǵasy bolyp oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jergilikti atqarýshy organynyń ákiminiń orynbasarynan tómen emes laýazymdy adam aıqyndalady.
Hatshy konkýrstyq komıssııa múshesi bolyp tabylmaıdy.
40. Komıssııa saýda-sattyq obektisiniń bastapqy baǵasyn, satyp alý baǵasyn tóleý tártibin jáne merzimin, konkýrs qorytyndylaryn shyǵarý kúnin belgileıdi, sondaı-aq, konkýrs ótkizedi jáne jeńimpazdy jarııalaıdy.
41. Satýshy konkýrsqa shyǵarylatyn saýda-sattyq obektisiniń konkýrstyq qujattamasyn qalyptastyrady jáne bekitedi, onda:
1) konkýrs ótkizý sharttary men tártibi týraly aqparat;
2) satyp alý-satý shartynyń jobasy;
3) jer ýchaskesin paıdalaný sharttary boıynsha krıterııler;
4) saýda-sattyq obektisin berý sharttary, onyń nysanaly maqsaty men bastapqy baǵasy;
5) jobalaý-smetalyq qujattama ázirleý úshin qajetti múddeli organdarmen kelisilgen sáýlet-jobalaý tapsyrmasy;
6) ınjenerlik kommýnıkasııalarǵa qosylýǵa arnalǵan múddeli uıymdarmen kelisilgen aldyn ala tehnıkalyq sharttar bolady.
42. Konkýrs ótkizý týraly habarlandyrý merzimdi baspasóz basylymynda, satýshynyń resmı ınternet-resýrsynda jáne ruqsattar men habarlamalardyń memlekettik aqparattyq júıesinde konkýrs qorytyndylary shyǵarylǵan kún jarııalanǵanǵa deıin kúntizbelik otyz kúnnen keshiktirmeı jarııalanady.
Konkýrs ótkizý týraly habarlamada:
1) konkýrsqa qatysý tártibi;
2) jer ýchaskesi ornalasqan oryn, alańy, nysanaly maqsaty;
3) bastapqy baǵa;
4) kepildik jarnanyń mólsheri men engizý tártibi;
5) qatysýshylardyń konvertterin ashý jáne konkýrs qorytyndylaryn shyǵarý jónindegi komıssııalardyń otyrysy ótetin kúni, ýaqyty jáne orny;
6) konkýrsqa qatysýǵa ótinim berýdiń sońǵy merzimi;
7) ótinimniń nysany;
8) jer ýchaskesiniń baǵasy jáne ony paıdalaný jónindegi usynystardy berý merzimi qamtylady.
43. Konkýrsqa qatysýshy retinde tirkelý úshin mynadaı qujattardy berý qajet:
jeke tulǵalar úshin:
1) málimetter túrinde jer ýchaskesine menshik quqyǵyn (jaldaý) satý jónindegi konkýrsqa qatysýǵa ótinim;
2) saýda-sattyqqa qatysýshy kepildik jarnany «elektrondy úkimet» tólem shlıýzy arqyly tólegen jaǵdaıdy qospaǵanda, kepildik jarna engizilgenin rastaıtyn tólem qujaty;
3) ókildiń ókilettiligin kýálandyratyn qujat;
zańdy tulǵalar úshin:
1) málimetter túrinde jer ýchaskesine menshik quqyǵyn (jaldaý) satý jónindegi konkýrsqa qatysýǵa ótinim;
2) saýda-sattyqqa qatysýshy kepildik jarnany «elektrondy úkimet» tólem shlıýzy arqyly tólegen jaǵdaıdy qospaǵanda, kepildik jarna engizilgenin rastaıtyn tólem qujaty;
3) ókildiń ókilettiligin kýálandyratyn qujat.
Kóshirmelerdiń durystyǵyn rastaý úshin salystyryp tekserý úshin túpnusqalar usynylady.
Elektrondyq ótinish berilgen jaǵdaıda, osy tarmaqtyń jeke jáne zańdy tulǵalar úshin 2), 3) tarmaqshalarynda tizbelengen qujattar qujattyń elektrondyq kóshirmeleri nysanynda beriledi.
Jeke basty kýálandyratyn, jeke kásipkerdiń memlekettik tirkelý, zańdy tulǵany memlekettik tirkeý (qaıta tirkeý) týraly qujat jónindegi málimetterdi uıymdastyrýshy tıisti memlekettik aqparattyq júıelerden «elektrondy úkimet» shlıýzy arqyly alady.
Konkýrsqa qatysý týraly ótinishti qabyldaýdan bas tartqan jaǵdaıda, uıymdastyrýshy jazbasha ne ruqsattar men habarlamalardyń memlekettik aqparattyq júıesi arqyly ótinish berýshige bas tartýdyń sebebin túsindirip, ótinish túsken kúnnen bastap eki jumys kúni ishinde habarlaıdy.
44. Konkýrsqa qatysý týraly ótinishti qabyldaýdan bas tartý úshin mynalar negiz bolyp tabylady:
1) osy Qaǵıdalardyń 45-tarmaǵynda kózdelgen qujattardy usynbaý;
2) osy Qaǵıdalardyń 7, 8-tarmaqtarynda kózdelgen talaptarǵa sáıkes kelmeý.
45. Konkýrsqa qatysý úshin kepildik jarna saýda-sattyq obektisiniń bastapqy baǵasynyń bes paıyzyn quraıdy. Bul rette, kepildik jarna saýda-sattyq obektileriniń árqaısysy boıynsha jeke engiziledi.
46. Konkýrsta jeńgen jaǵdaıda kepildik jarna qatysýshynyń mynadaı mindettemelerin qamtamasyz etý bolyp tabylady:
1) konkýrs nátıjeleri týraly hattamaǵa qol qoıý;
2) konkýrs nátıjeleri týraly hattamaǵa sáıkes satyp alý-satý shartyn jasasý;
3) satý-satyp alý sharty boıynsha mindettemelerdi oryndaý.
47. Kepildik jarna konkýrsty ótkizý týraly habarlamada belgilengen tártippen engiziledi.
48. Konkýrsty jeńip alǵan jáne satyp alý-satý shartyn jasasqan tulǵanyń kepildik jarnasy tıesili tólemder shotyna esepteledi.
49. Satýshy kepildik jarnany mynadaı jaǵdaılarda:
1) aýksıon ótkizýge deıin úsh kúnnen az ýaqyt qalǵanda oǵan qatysýdan bas tartsa;
2) osy Qaǵıdalardyń 48-tarmaǵynda kózdelgen mindettemelerdi oryndaýdan bas tartqanda qaıtarmaıdy.
Basqa jaǵdaılardyń barlyǵynda kepildik jarnalar osy qatysýshynyń derektemeleri kórsetilip, kepildik jarnany qaıtarý týraly ótinish bergen kúnnen bastap bes banktik kúnnen aspaıtyn merzimde qaıtarylady.
5. Konkýrsqa qatysý sharttary
50. Konkýrs ótkizý týraly habarlandyrýda belgilengen merzimnen keshiktirmeı konkýrsqa qatysýǵa ótinim resimdegen jáne osy Qaǵıdalardyń 45-tarmaǵynda kózdelgen mindetti qujattardyń tizbesin usynǵan jeke jáne zańdy tulǵalar konkýrsqa qatysýǵa jiberiledi.
Konkýrsqa qatysýshylardy tirkeý konkýrs ótkizý týraly habarlama jarııalanǵan kúnnen bastap júrgiziledi jáne konkýrs ótkizýden úsh kún buryn aıaqtalady.
51. Konkýrsqa qatysýshylar konkýrstyq qujattamanyń kóshirmesin qol qoıyp alady.
52. Konkýrsqa qatysýǵa ótinim bergennen keıin ótinim berýshi konkýrs ótkizý týraly habarlandyrýda kórsetilgen merzimde jer ýchaskesiniń baǵasy jáne ony paıdalaný jónindegi jeke konvertte mórlengen usynystardy beredi.
53. Konkýrsqa qatysýǵa ótinim bergen adamdar týraly málimetter jarııalaýǵa jatpaıdy.
54. Konkýrsqa qatysýshynyń konkýrsqa qatysý týraly óziniń ótinishin konkýrs ótkizýdiń belgilengen merzimine deıin úsh kún buryn, bul týraly satýshyǵa jazbasha habarlaı otyryp, qaıtaryp alýǵa quqyǵy bar.
6. Konkýrsqa qatysýshylardyń usynystaryn qaraý tártibi
55. Konkýrs ótkizý týraly habarlamada belgilengen ýaqytta komıssııa konkýrsqa qatysýshylardyń qatysýymen kelip túsken usynystar bar konvertti ashady, barlyq belgilengen talaptardyń saqtalýyn tekseredi, qajetti málimetter men qujattardyń bolýyn anyqtaıdy, kelip túsken usynystardy jarııa etedi.
Konkýrstyń jeńimpazyn daýys berý nátıjesinde kópshilik daýyspen komıssııa músheleri anyqtaıdy.
Daýystar teń bolǵan kezde komıssııa tóraǵasynyń daýsy sheshýshi bolyp tabylady.
56. Eger eki nemese odan kóp qatysýshylardyń baǵasy boıynsha usynystar birdeı jáne eń joǵary bolǵan jaǵdaıda, jer ýchaskesin paıdalaný jónindegi usynylǵan eń qolaıly jaǵdaı boıynsha jeńimpaz anyqtalady.
57. Komıssııa otyrysynyń nátıjeleri boıynsha mynadaı aqparatty qamtıtyn hattama jasalady:
1) otyrysqa qatysqan komıssııa músheleriniń tizimi;
2) konkýrsqa qatysýshylar men olardyń usynystary týraly málimetter;
3) konkýrs jeńimpazy;
4) saýda-sattyq obektisin satyp alý baǵasy, jeńimpazdy anyqtaýǵa negiz bolǵan qosymsha jaǵdaılar.
58. Otyrysqa qatysqan komıssııanyń barlyq músheleri hattamaǵa qol qoıady.
Konkýrs qorytyndylary shyǵarylǵan kúnnen bastap on kúntizbelik kún ishinde merzimdi baspasóz basylymynda, satýshynyń resmı ınternet-resýrsynda jáne ruqsattar men habarlamalardyń memlekettik aqparattyq júıesinde konkýrstyń qorytyndylary jarııalanady.
59. Hattamanyń negizinde jergilikti atqarýshy organ konkýrs aıaqtalǵannan keıin eki jumys kúninen keshiktirmeı jer ýchaskesin nemese jer ýchaskesin jaldaý quqyǵyn berý týraly sheshim qabyldaıdy.
60. Saýda-sattyq obektisin satyp alý-satý sharty jergilikti atqarýshy organ sheshim qabyldaǵan kúnnen bastap bir jumys kún ishinde jasalady.
Jer ýchaskesin nemese jer ýchaskesin jaldaý quqyǵyn satý jónindegi saýda-sattyqty (konkýrstardy,
aýksıondardy), onyń ishinde elektrondy túrde uıymdastyrý jáne ótkizý qaǵıdalaryna qosymsha
Nysan
Jer ýchaskesin nemese jer ýchaskesin jaldaý quqyǵyn satyp alý-satýdyń úlgi sharty
_________ qalasy, (kent, selo) 20___ jylǵy_________ № _____
Biz budan ári «Satýshy» dep atalatyn
___________________________________________________________________________________ bir taraptan,
(satýshynyń ataýy)
jáne budan ári «Satyp alýshy»dep atalatyn _______________________________________________________
________________________________________________________________________________ ekinshi taraptan,
(satyp alýshynyń ataýy)
tómende qol qoıýshylar tómendegiler týraly osy Shartty jasastyq.
1. Sharttyń máni
1. Satýshy Shartqa qosa berilip otyrǵan jer ýchaskesi josparynyń shekarasyndaǵy jer ýchaskesin nemese jer ýchaskesin jaldaý quqyǵyn satady, al Satyp alýshy satyp alady.
2. Jer ýchaskesiniń ornalasqan jeri men onyń derekteri:
Kadastrlyq nómiri (kody) ________________________________________
Alańy ___ ga, onyń ishinde aýylsharýashylyq alqaptarymyń ___ ga (egistik ___ ga, kóp jyldyq ekpe shópter ___ ga, shabyndyqtar ___ ga, jaıylymǵa).
3. Nysanaly maqsaty______________________________________________________________________________
Paıdalanýdaǵy shekteýler jáne aýyrtpalyqtar ______________________________________________________
_______________________________________________________________________________________________
4. Bólinýi jáne bólinbeýi __________________________________________________________________________
2. Jer ýchaskesiniń nemese jer ýchaskesin jaldaý quqyǵynyń baǵasy
5. Memlekettik jer kadastryn júrgizetin mamandandyrylǵan memlekettik kásiporyn belgilegen jáne oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jer qatynastary jónindegi ýákiletti organy bekitken jer ýchaskesiniń nemese jer ýchaskesin jaldaý quqyǵynyń baǵalyq quny
______________________________________________________________________________________ quraıdy.
(somasy sanmen jáne jazbasha)
6. Jer ýchaskesin nemese jer ýchaskesin jaldaý quqyǵyn satyp alý baǵasy
saýda-sattyq (konkýrstyń, aýksıonnyń) qorytyndysy boıynsha belgilengen jáne __________________________________________________________________________________________________teńgege teń jáne Satypalýshy
(somasy sanmen jáne jazbasha) tóleýge tıis.
3. Taraptardyń quqyqtary men mindetteri
7. Satyp alýshynyń: _____________________________________________________________________________
______________________________________________________________________________________________
__________________________________________________________________________________ quqyǵy bar.
8. Satýshynyń: __________________________________________________________________________________
______________________________________________________________________________________________
__________________________________________________________________________________ quqyǵy bar.
9. Satyp alýshy: _______________________________________________
1) Ssatýshyǵa jer ýchaskesiniń qunyn nemese turaqty jer paıdalaný
quqyǵyn _______________ 20___jylǵy ____________ deıin tóleýge;
(tólem nysany) (kúni, aıy)
________________________ obektini bes jyl ishinde paıdalanýǵa;
2) Sharttyń talaptaryn, sondaı-aq, Qazaqstan Respýblıkasynyń zańnamasyna sáıkes belgilengen jer ýchaskesin paıdalanýdaǵy quqyqtardy shekteýdi jáne olardyń aýyrtpalyqtaryn saqtaýǵa mindettenedi.
10. Satýshy: __________________________________________________
1) shart talaptaryna sáıkes jer ýchaskesin nemese jer ýchaskesin jaldaý quqyǵyn berýge;
2) jer ýchaskesine quqyqtardy shekteýlerdegi barlyq aýyrtpalyqtar týraly Satyp alýshyny habardar etýge mindettenedi.
4. Taraptardyń jaýapkershiligi
11. Taraptar Qazaqstan Respýblıkasynyń qoldanystaǵy zańnamasyna sáıkes Shart talaptaryn oryndamaǵany ne tıesili oryndamaǵany úshin jaýapty bolady.
5. Daýlardy qaraý tártibi
12. Kelissózder jolymen sheshýge bolmaıtyn Sharttan týyndaıtyn barlyq kelispeýshilikter sot tártibimen qaralady.
6. Sharttyń qoldanylýy
13. Shart ony memlekettik tirkegen kúnnen bastap kúshine enedi.
14. Shart eki danada jasalady, onyń biri Satyp alýshyǵa, ekinshisi Satýshyǵa beriledi.
7. Taraptardyń zańdy mekenjaılary men derektemeleri:
Satýshy
_________________________
Mekenjaıy _______________
_________________________
Esep shoty _______________
_________________________
_________________________
(qoly)
Mór orny Satyp alýshy
_______________________________
Mekenjaıy ____________________
_______________________________
Esep shoty _____________________
_______________________________
_______________________________
(qoly)
Mór orny (bolǵan jaǵdaıda)
Buıryq Qazaqstan Respýblıkasynyń Ádilet mınıstrliginde 2015 jylǵy 5 mamyrda Normatıvtik quqyqtyq kesimderdi memlekettik tirkeýdiń tizilimine №10937 bolyp engizildi.