Seýlde Qazaqstan Respýblıkasy Prezıdenti arhıviniń dırektory Borıs Japarov pen Koreıa ulttyq arhıviniń Prezıdenti Lı San Djın qazaqstandyq jáne koreıalyq muraǵatshylardyń yntymaqtastyǵy týraly memorandýmǵa qol qoıdy, dep habarlaıdy egemen.kz 24.kz - ke silteme jasap. Bul qujatqa sáıkes eki memlekettiń arhıv qyzmetkerleri tájirıbe almasyp, ǵylymı zertteýler júrgizedi.
Sapar barysynda qazaqstandyq tarap Koreıa Prezıdentiniń arhıvin aralady. Onda Koreıany basqarǵan on bir basshy týraly qujattar men olardyń jeke zattary qoıylǵan. On ekinshi Prezıdent Pak Kyn He týraly derekter ol óz ókilettigin tapsyrǵannan keıin paıda bolady. Sondaı-aq arhıvte Nursultan Nazarbaevtyń Koreıanyń eks-Prezıdenti No Mý Hıonge 2004 jyly tabystaǵan syılyǵy da bar.