Qazirgi kúnderi Qyzylordadaǵy «Muz aıdyny» sport kesheninde gandboldan Azııanyń tuńǵysh klýbtyq chempıonaty ótip jatyr. Qazannyń 26-synda bastalǵan bul týrnırge Iran, Qatar, О́zbekstan jáne Qazaqstan elderinen 6 komanda qatysýda.
Qurlyq tarıhynda alǵash ret qolǵa alynyp otyrǵan bul jarys osylaısha Syr boıyndaǵy bas qalada jalaý jelbiretti. Bul tekten-tek te emes. Qyzylorda elimizde Almatydan keıin áıelderdiń qol doby sporty keń qanat jaıǵan qala bolyp tabylady. Kezinde Almatynyń «Otan-Dáýletimen» básekege túse alatyn jalǵyz komanda – «Seıhýn-KAM» darııa jaǵasyndaǵy shahardan shyqty. Qazir «Qaısar» degen at alǵan sol komanda osy jarysta óner kórsetýde.
Týrnırde elimizdiń namysyn qazirgi chempıon – Almaty qalasynyń «Almaty», ótken jyldyń lıderi – Almaty oblysynyń «Ile» jáne jergilikti «Qaısar» jasaqtary qorǵaýda.
Jarystyń birinshi kúni О́zbekstannyń «Ýzbechkasy» Qatar komandasyn 32:22, «Ile» Irannyń «Sanandajyn» 41:23, «Qaısar» «Almatyny» 23:20 etip utty. Kelesi kúni «Almaty» «Ýzbechkany» 31:22, «Ile» Qatar komandasyn 35:19, «Qaısar» «Sanandajdy» 28:24 esebimen tize búktirdi. Osylaısha ázirge «Ile» men «Qaısar» upaı joǵalta qoıǵan joq.
Týrnırde keshe bir kúndik demalys jarııalandy. Búgin top basyndaǵy eki ujym ózara ushyrasady.
Atalmysh básekeniń bedeli de bıik bolǵaly tur. Ol bir jaǵy bıylǵy 19 jeltoqsanda Qyzylordada sóre alatyn álem chempıonatynyń lısenzııalyq týrnıri de bolyp tabylady.
Jarys 1 qarasha kúni márege jetedi.
Laýra ShOŃǴALOVA
QYZYLORDA