«Almaty-Arena» sport saraıynda qazir ǵana kásipqoı boks keshi bastaldy. Alǵashqy kezdesýde Qazaqstan boksshysy Juman Jumabekov belarýs Vladımır Ivanovpen bokstasyp, birinshi raýnda jeńiske jetti. Ivanovtyń soqqylarǵa jaýap bere almaýyna baılanysty tóreshi jekpe-jekti toqtatty. Bul Jumabekovtiń kásipqoı bokstaǵy alǵashqy kezdesýi bolatyn.
Odan keıin áýesqoı bokstaǵy úlken jeńisterge jetken Aıdar Sháribaev 6 raýndtyq reıtıngtik jekpe-jekke kóterildi.
Bulardan basqa búgin rıngke Janqosh Turarov, Jánibek Álimhanuly, Rýslan Myrsataevtar shyǵady. Al kezdesýdiń basty jekpe-jeginde Qanat Islam ganalyq Patrık Alloteımen WBO Intercontinental chempıondyǵy úshin aıqasqa túsedi.