Astana qalasynda «Han Shatyr», «Mega», «Saryarqa», «Astana Mall» jáne «Kerýen» iri saýda ortalyqtarynda qan qysymyn ólsheý úshin avtomatty elektrondy tonometrler ornatylǵan. Munda eriktiler turǵyndarmen ınsýlttyń aldyn alý boıynsha aqparattyq-túsindirý jumystaryn júrgizedi. Qala ákimdiginiń habarlaýynsha, avtomatty elektrondy tonometrler bul saýda ortalyqtarynda turaqty túrde qalady. Sharany elordanyń Densaýlyq saqtaý basqarmasy, «Ulttyq neırohırýrgııa ortalyǵy» AQ jáne Salaýatty ómir saltyn qalyptastyrý ortalyǵy birlesip uıymdastyrǵan.
Osy jerde qandaǵy glıýkoza men qan qysymynyń deńgeıin bilýge bolady.
Aksııa barysynda bir saǵattyń ishinde túrli jastaǵy 324 adam qan qysymyn ólsheý úshin mamandarǵa júgingen. Qan qysymy joǵary adamdarǵa sol jerde nevrapatolog-dáriger tegin keńes berip, kardıolog-dárigerge joldama berdi. Mamandardyń aıtýynsha, 80% jaǵdaıda ınsýlttiń aldyn alýǵa bolady.