31 qazan – Halyqaralyq únemdeý kúni. 1988 jyldyń 27 qazanynda Mılan qalasynda álemniń 29 eliniń jınaq kassalarynyń ókilderi ózderiniń tuńǵysh halyqaralyq kongresin ótkizdi. Jıyn 3 kúnge sozyldy. Kongress jumysynyń sońynda 31 qazandy «Halyqaralyq únemdeý kúni» (International Saving Day) retinde jyl saıyn atap ótý týraly sheshim qabyldandy. Osylaısha, 31 qazan «Halyqaralyq jınaqtaý kúni» dep belgilendi.
Biraq bastamashylar bul kúndi aqshany ǵana emes, ýaqytty, kúsh-jigerdi, zattardy, sýdy, energııany únemdeýmen, olarǵa uqypty qaraýmen de baılanystyrǵysy keldi. О́ıtkeni, únemdeýdiń aýqymy keń.
1989 jyly BUU 31 qazandy Halyqaralyq únemdeý kúni retinde resmı túrde bekitti. Sodan beri bastap bul kúndi uıymǵa múshe elderdiń barlyǵy atap ótedi.
Bizdiń elde únemdeýge kózqaras qandaı? Únemdeý sharalary júrgizile me? 28 qazanda elimizdiń Investısııalar jáne damý mınıstrligi, Ońtústik Qazaqstan oblysynyń ákimdigi men Memlekettik energetıkalyq tizilim sýbektisi «Shymkentsement» AQ arasynda «Energııa únemdeý jáne energııa tıimdiligin arttyrý týraly» Qazaqstan Respýblıkasynyń Zańyna sáıkes energııa únemdeý jáne energııa tıimdiligin arttyrý salasyndaǵy úsh jaqty kelisimge qol qoıyldy. Oǵan sáıkes «Shymkentsement» bes jyldyń ishinde ónim birligine shaqqandaǵy energııa tutyný úlesin keminde 15%-ǵa tómendetýi tıis. Sondaı-aq, 2020 jylǵa deıingi Strategııalyq josparda energııa únemdeý jáne energııa tıimdiligin arttyrý salasyndaǵy energııa syıymdylyǵynyń IJО́ 25%-ke deıin tómendetý boıynsha naqty maqsattar qoıylǵan.
Láıla Edilqyzy, «Egemen Qazaqstan»