Búgin Qazaqstan Respýblıkasynyń Tuńǵysh Prezıdentiniń kitaphanasynda «Eýrazııa geoekonomıkasy: túıisýden yntymaqtastyqqa deıin» taqyrybynda halyqaralyq konferensııa ótti. Onda taıaý kúnderde QHR Memlekettik keńesiniń tóraǵasy Lı Kesıan elimizge keletini belgili boldy.
Qazaqstan Respýblıkasynyń Tuńǵysh Prezıdenti – Elbasynyń kitaphanasy dırektorynyń orynbasary Tımýr Shaımergenovtiń aıtýynsha, Lı Kesıan sapar barysynda Qazaqstan Úkimetiniń basshysy Baqytjan Saǵyntaevpen kezdespek. Kelissózder aıasynda Qazaqstan men Qytaı arasyndaǵy saýda-ekonomıkalyq qarym-qatynastardyń ózekti máseleleri talqylanady dep josparlanyp otyr.
Aıta keteıik, atalǵan konferensııada Qazaqstan men Qytaı sarapshylary eki el arasyndaǵy saýda-ekonomıkalyq qatynastardyń bolashaǵyn, negizgi baǵyttaryn talqylady.