Almatyda Stýdenttik fılmder men kınomektepterdiń VI "Bastaý" halyqaralyq kınofestıvaliniń jumysy qorytyndylanyp, jeńimpazdar marapattaldy, - dep habarlaıdy egemen.kz Kinostan.kz saıtyna silteme jasap.
Bıyl irikteý komıssııasyna 36 elden 300-den astam fılm túsken. Konkýrstyq baǵdarlamaǵa solardyń ishinen 57 jumys tańdalǵan.
Halyqaralyq ádilqazylar alqasyn Reseıdiń belgili akteri, rejısseri, "Oskar" ıegeri, RKFSR halyq ártisi jáne eńbek sińirgen óner qaıratkeri Vladımır Menshov basqardy. Quramda sonymen qatar Gollıvýdtan kelgen operator Hıro Narıta, brıtan jazýshysy, Azııa kınosynyń mamany Djasper Sharp, Reseı aktrısasy Anna Gorshkova jáne otandyq belgili kınematografshy Nurtas Adambaev bar.
Al stýdentterdiń ádilqazylar quramyna Túrkııa, Grýzııa, Qyrǵyzstan, Reseı men Qazaqstan mamandary kirdi.
Qazaqstandyqtardan Madına Bespaeva túsirgen "Súıinshi" fılmi eń úzdik derekti fılm bolsa, Kamılla Abdeldınova kınodaǵy jańa daýys úshin erekshe atyp ótýge laıyq dep sanaldy.