Batys Qazaqstanda úkimettik emes uıymdardyń oblystyq forýmy ótti, dep habarlaıdy egemen.kz oblys ákimdiginiń resmı saıtyna silteme jasap.
Búginde elimizde 18 myńnan astam ÚEU tirkelgen. Olardyń 660-y BQO-da ornalasqan. Oblystyq bıýdjetten memlekettik áleýmettik tapsyrys negizinde olarǵa 165 áleýmettik jobalardy júzege asyrý úshin 475 mln. teńge bólingen.
"Elimizde ÚEU-men birigip jobalardy júzege asyratyn memlekettik organdar sany tórt esege jýyq artty. Al oblysymyzda bul kórsetkish tómen bolyp tur. Máselen, ÚEU-men birge jumys isteıtin 200 bıýdjettik baǵdarlamalar ákimshileri bolsa, solardyń ishinen bizdiń oblystan tek 5 basqarma (2,5 paıyz) bar. Bul jumysty jandandyrý týraly tapsyrma VI Azamattyq forýmda berilgen bolatyn. Soǵan oraı jańa jyldan bastap osy basqarmalardyń qataryna oblystyq mádenıet, qujattama jáne muraǵat isi, dene shynyqtyrý jáne sport, din isteri, bilim, kásipkerlik jáne ındýstrıaldy-ınnovasııalyq damý syndy taǵy da bes basqarma qosylýy kerek,-dedi oblys ákimi Altaı Kólginov.
Forýmǵa arnaıy kelgen «Azamattyq bastamalardy qoldaý ortalyǵy» AQ-nyń basqarma tóraǵasy Nurlan О́teshov jańa qurylymnyń róli men mindetterine, ÚEU-lardy granttyq qarjylandyrý júıesine toqtaldy. Al jıyn sońynda ÚEU-nyń belsendi ókilderi oblys ákiminiń alǵys hattarymen marapattaldy.