Qalamger qalamaqyǵa qaryq bola ma?

Ulttyq kitaphanada Parlament Má­ji­lis­iniń kóshpeli otyrysy ótti. Áleýmettik-mádenı damý komı­tet­iniń jumys toby «Qazaqstan Respýb­lıkasynyń keıbir zańnamalyq akti­le­ri­ne mádenıet máseleleri boıynsha ózgeris­ter men tolyqtyrýlar engizý» tý­raly zań jobasy boıynsha tyń­daý jasap, mańyzdy suraqtardy tal­qy­la­dy. «Memleket úshin mádenı damýǵa turaqty kóńil bólip otyrý – mindet. Bul baǵytta atqarýshy úkimettiń de, zań shyǵarýshy parlamenttiń de birigip isteıtin jumystary barshylyq. Ásirese, birqatar zańdardyń qaıta qaralýy mádenı salaǵa qatysty qu­jat­tardyń tez arada jetildirilýin qajet etýde. Jalpy jumystyń jemisti bolýy – zańdyq negizdegi tetikterdiń naqty ju­mys isteýine baılanysty. Mádenıetke qatysty da solaı. Bizdiń depýtattyq top músheleri mádenı mekemelerdiń statýsy, qyzmetine qatysty kóptegen jańa nor­ma­lardy ázirleýge qatysyp otyr. Usy­nys­tardy talqyǵa salý úshin sala maman­darynyń ortasynan keldik», dedi jıynda sóz alǵan Májilis tóraǵasynyń orynbasary Gúlmıra Isimbaeva. Zań jobasy boıynsha talqyǵa túsken taqyryptardyń arasynda qyzý pikirtalasqa ulas­qan máselelerdiń biri – otandyq ki­tap óndirisiniń jaıy boldy. О́kinishke qa­raı, bizdiń elimiz kitapqumarlar sana­ty­­nan emes. Oqyrmannyń kitap oqýǵa de­­gen yntasyn arttyrýǵa qolbaılaý bolyp otyrǵan kem-ketikter jetip artylady. Kitap taralymynyń azdyǵy bir mysal bolsa, basylǵan kitaptyń oqyrman qo­­ly­na jetýi ekinshi másele. Munyń syr­tyn­­da, jańa sıpattaǵy ádebı-kórkem shyǵar­ma­lar­dyń jazylýy men avtorlar eńbeginiń ba­ǵa­lanylýy taǵy syn kótermeıdi. «Men álginde beınesıýjetten Oljas Qa­s­ym atty jas aqynnyń sózin tyńdadym. Jas Oljas, jańa zamannyń, táýelsiz áde­bıet­tiń Oljasy deýge ábden bolady! Sol Oljasqa qarap otyryp uıaldym... Biz jańa býynǵa eshteńe qaldyrmadyq. Endi eshteńe bere almaı otyrmyz. Jas Oljastyń kitaby 2000 danamen shyǵypty. 5 baspa tabaq óleńderi úshin 25 000 teńge qalamaqy alypty. Tutas tırajdan ózine 1 dana ǵana kitap berilipti. Qalǵanyn aqshańdy beresiń de, satyp alasyń. Osy laıyq pa? Jas ádebıettiń ókili osyny kórýi kerek pe? Memlekettiń qamqorlyǵyn sezinbegen óner – ógeı bala sııaqty ómir súredi. Men ózim sonshama ataqty aqyn bolsam da, sońǵy 25 jylda shyqqan kitaptarym úshin 1 teńge qa­lam­aqy almappyn. Sol arqyly memleket meniń kásibı shyǵarmashylyǵymnyń laıyq­­ty baǵasyn bermegen sııaqty bolyp shyǵady. Iıa, maǵan basqa qyzmetim úshin aqsha tóleıdi jáne az emes. Biraq, men aqyndyq eńbegimniń jemisi – óleń jı­naqtarym úshin laıyqty qalamaqy al­ǵym keledi», dedi talqylaý barysyndaǵy sózinde Qazaqstannyń Eńbek Eri, aqyn, qoǵam qaıratkeri Oljas Súleımenov. Aıtpaqshy, kóterilip otyrǵan qalamaqy jaıy tolyqtyrylýǵa usynylǵan zań jobasynda keńinen qarastyrylǵan eken. Mádenıet mınıstrligi ókiliniń aıtýynsha, budan bylaıǵy kezeńde ókiletti organ áleýmettik mańyzdy ádebıet túrlerine beriletin memlekettik tapsyrystyń sheń­berinde, satyp alynatyn shyǵarma úshin tólem kólemin kóbeıtpek. Mysalǵa, buǵan deıin avtorlarǵa bólingen qalamaqy mólsheri ónimniń ár baspa tabaǵy úshin 25 000 teńgeden aspaı kelse, endigi jerde onyń eń tómengi mólsheri 150 000 teńgeni quraıtyn bolady. Qalmahanbet MUQAMETQALI, «Egemen Qazaqstan» ALMATY