Parlament Senaty Áleýmettik-mádenı damý jáne ǵylym komıtetiniń músheleri Aqan Bıjanov pen Álı Bektaev Shymkentte ótip jatqan «2016 jyly Qazaqstanda júzege asyrylǵan úzdik áleýmettik jobalar» respýblıkalyq kórmesine qatysty.
Kórmeniń maqsaty múmkindigi shekteýli jáne ómiri qıyn jaǵdaıda júrgen adamdardyń ómirdegi ahýalyn jaqsartýdy kózdeıtin áleýmettik jobalardy tanystyrý bolyp tabylady.
Kórmeniń ashylýynda sóılegen sózinde senator A.Bıjanov Parlament ótken sessııada Eńbek kodeksi men «Halyqty jumyspen qamtý týraly» Zańdy qabyldaǵanyn, oǵan sáıkes múmkindigi shekteýli adamdarǵa arnaıy jumys oryndary ashylyp jatqanyn, bul rette memleket jumys berýshilerdiń shyǵystary sýbsıdııalanatynyn atap ótti. «100 naqty qadam» Ult jospary aıasynda ataýly áleýmettik kómekti kúsheıtý kózdelip otyr.
A. Bıjanov, sondaı-aq konkýrstyq tańdaýdan ótken jobalar búkil halyqtan, onyń ishinde jergilikti bılik organdarynan, áleýetti demeýshilerden, erikti kómekshiler men qoldan kelgen kómegin aıamaıtyn qarapaıym izgi adamdardan qoldaý tabýy tıis ekenin aıtty.
Shara barysynda muqtaj jandarǵa shyn júrekten kómek beretin belsendi azamattyq kózqarastaǵy jurtshylyq ókilderi atap ótildi, dep habarlady Parlament Senatynyń baspasóz qyzmeti.