Statıstıka komıtetiniń málimetine qaraǵanda salalyq qurylymda eń úlken ataýly jalaqy kásibı, ǵylymı jáne tehnıkalyq qyzmette – 326,7 myń teńge (ortasha respýblıkalyq deńgeıden 2,3 esege artty), odan keıingi orynda ken óndirý ónerkásibi men karerlerdi qazýshylar – 313,2 myń teńge (2,2 esege artty). Alǵashqy úshtikti qarjy jáne saqtandyrý qyzmetindegiler túıindedi – 254,9 myń teńge (1,8 esege artty).
Al alǵashqy bestikti qorytyndylaǵanda aqparat jáne baılanys salasynda – 196,3 myń teńge (1,4 esege artty), kólik jáne qoımalaý salasynda – 182,0 myń teńge (1,3 esege artty) jalaqy belgilendi.
Sonymen birge, elimizdegi eń tómengi ataýly jalaqy aýyl, orman jáne balyq sharýashylyǵy qyzmetkerlerinde belgilengen – 89,4 myń teńge. Bul respýblıka boıynsha orta kórsetkishten 36,7%-ǵa tómen jáne bilim berý salasynda – 87,5 myń teńge kóleminde (tıisinshe 38,0%-ǵa tómen).
Aılyq kólemi boıynsha óńirler arasynda áli de Atyraý oblysy – 279,2 myń teńgemen kósh bastap tur. Bul ortasha respýblıkalyq kórsetkishten shamamen 2,0 esege artyq. Al elimizde eń tómen jalaqy alatyndar Jambyl oblysynda. Ondaǵy jalaqy kólemi 94,5 myń teńgeni quraıdy. Bul el boıynsha ortasha deńgeıden 33,1%-ǵa tómen.
Halyqaralyq standarttarǵa sáıkes bir qyzmetkerdiń ortasha aılyq ataýly jalaqysy qosymsha aqylardy, ústemaqylardy, syıaqylardy, sondaı-aq salyqtar men basqa da ustalymdardy (tabys salyǵy, mindetti zeınetaqy jarnalaryn) esepke ala otyryp jasalǵan.