2016 jyldyń qarashasynda Sýdıalardyń jetinshi sezin ótkizýge oraı áleýmettik jeli qoldanýshylaryna arnalǵan ınternet-vıktorına ótkiziledi, dep habarlaıdy egemen.kz QR Joǵarǵy sotynyń baspasóz qyzmetine silteme jasap.
Aksııanyń maqsaty – azamattardyń quqyqtyq mádenıetin arttyrý.
«El azamattarynyń naqty bir bóligi, ásirese, jastar, tipti neniń qylmys ekenin bilmeıdi. Áli kúnge deıin matematıkadan baqylaý jumysyn oryndamaý úshin «bomba qoıatyn» jasóspirimder kezdesip jatady. Keıbir adamdar kóshede spırttik ishimdik ishý zańbuzýshylyq dep eseptemeıdi. Mundaı mysaldardy kóptep keltirýge bolady», - delingen Sottyń saıtynda.
Vıktorına qatysýshylaryna júlde qory belgilengen. Kún saıyn uıaly telefonǵa júzdegen 200 nemese 500 birlik utysqa tigiledi. 10 qarashada vıktorınanyń qorytyndysy shyǵarylady. Osy kúni úsh smartfon oınatylady.
Vıktorınaǵa qatysý úshin áleýmettik jeli arqyly nemese Joǵarǵy sottyń saıtynda tirkelý qajet.