2016 jyldyń 1-qarashasynan bastap «Qazaqstan» RTRK» AQ Mańǵystaý oblystyq fılıalynyń dırektory Janahmet Jánibekuly Aǵybaev «Qazaqstan» UTA dırektory qyzmetine taǵaıyndaldy, dep habarlaıdy egemen.kz kaztrk.kz saıtyna silteme jasap.
Janahmet Aǵybaev 1974 jyly 2-qarashada Qyzylorda oblysynda dúnıege kelgen. Eńbek jolyn 1998 jyly Qyzylorda qalalyq «Aqmeshit aqshamy» gazetinde tilshi bolyp bastaǵan. Keıin 1998-2000 jyldary atalǵan gazette jaýapty hatshy, bas redaktordyń orynbasary qyzmetterin atqardy.
Al, 2000-2002 jyldar aralyǵynda «Qazaqstan» UTA-da tilshi, redaktor, 2002-2006 jyldary «Habar» agenttiginde tilshi, 2006-2007 jyldary «Jaıyq Press» JShS bas dırektorynyń orynbasary, «Oral óńiri» gazetiniń bas redaktory boldy.
Sonymen qatar, 2007-2008 jyldary «QazAgro» holdıngi, «Agrarlyq nesıe korporasııasy» AQ baspasóz hatshysy, 2008-2009 jyldary Almaty qalalyq «Ońtústik Astana» telearnasynyń bas dırektory, 2010 jyly Almaty oblystyq «Jetisý» telearnasynyń bas prodıýseri bolyp qyzmet etti.
2010-2012 jyldary «Almaty» Áleýmettik-kásipkerlik korporasııasy ulttyq kompanııasy» Aksıonerlik qoǵamy Basqarma tóraǵasynyń keńesshisi qyzmetin atqardy.
2012 jyldyń qańtar aıynan 2016 jyldyń 1-qarashasyna deıin «Qazaqstan» RTRK» AQ Mańǵystaý oblystyq fılıalynyń dırektory boldy.