Astana-Shýchınsk avtojolyndaǵy aqyly júıe arqyly bıyl 1,2 mlrd. teńge jınaý josparlanýda. Bul týraly búgin Úkimet otyrysynda Investısııalar jáne damý mınıstri J.Qasymbek málimdedi.
Astana-Shýchınsk avtojolyna aqyly júıe 2013 jyldan beri engizilgen bolatyn. Ortasha jyldyq qarqyndylyq táýligine 8 myń avtomobıl. Aqyly júıe arqyly jınalatyn qarjynyń 30%-y shaqyrymyna 1 teńge tarıfimen jeńil avtokólikterge tıesili jáne júk kótergishtigine baılanysty ortasha tarıfpen shaqyrymyna 15 teńgeden (5-25 tg.) 70 % júk kólikterine tıesili.
Aıtqandaı, bul qoldanystaǵy aqyly avtojol tarıfi shet elderdegi aqyly avtojoldardyń tarıfimen salystyrǵanda ájeptáýir arzan eken. Mysaly, Reseıde aqyly jol jeńil avtokólikter úshin ulttyq valıýtamyzǵa shaqqanda 5 teńge, Polshada 7 teńge, QHR-da 15 teńge, Chehııada 33 teńge. Júk kólikteriniń tarıfi ortasha eseppen shaqyrymyna 50 teńgeden.